جامعہ الازہر مصر میں شریعہ سائنسز پروگرام کے لیے پاکستانی طلبہ سے درخواستیں طلب

اسلام آباد: مصری جامعہ الازہر میں پاکستان کے طلبہ کے لیے مصر کی معروف میں بیچلرز پروگرام برائے شریعہ سائنسز (اسلامک اسٹڈیز) میں داخلے کے لیے درخواستیں طلب کر لی گئی ہیں۔ یہ موقع ان طلبہ کے لیے فراہم کیا گیا ہے جو اسلامی علوم اور شریعہ کے شعبے میں اعلیٰ تعلیم حاصل کرنے کے خواہاں ہیں۔

ہائر ا یجوکیشن کمیشن کے مطابق درخواستیں جمع کرانے کی آخری تاریخ 29 جون 2026 مقرر کی گئی ہے۔ اہل پاکستانی اور آزاد جموں و کشمیر کے طلبہ مقررہ شرائط پوری کرتے ہوئے اس پروگرام کے لیے درخواست دے سکتے ہیں۔

اعلان کے مطابق امیدواروں کے پاس شریعہ سائنسز، اسلامیات، شہادۃ العالمیہ، درسِ نظامی یا دیگر مساوی اسلامی تعلیمی اسناد ہونا ضروری ہیں، جبکہ غیر متعلقہ شعبہ جات کے امیدوار اس پروگرام کے لیے اہل نہیں ہوں گے۔