وائس چانسلر اسلامیہ یونیورسٹی بہاول پور پروفیسر ڈاکٹر محمد کامران  شعبہ بی بی اے کے مرحوم طالب علم تنزیل موسیٰ کے گھر تعزیت کے لئے گئے۔

وائس چانسلر اسلامیہ یونیورسٹی بہاول پور پروفیسر ڈاکٹر محمد کامران  گزشتہ روز شعبہ بی بی اے کے مرحوم طالب علم تنزیل موسیٰ کے گھر قصبہ گجرات ضلع مظفر گڑھ تعزیت کے لئے گئے۔ وائس چانسلر نے تنزیل موسیٰ کے والد اور اہل خانہ سے طالب علم کی ناگہانی وفات پر دلی رنج اور افسوس کا اظہار کیا۔ انہوں نے کہا کہ تنزیل موسیٰ ایک ہونہار اور لائق طالب علم تھے جن کی وفات والدین کے ساتھ ساتھ یونیورسٹی اساتذہ اور دوستوں کے لیے گہرے صدمے کا باعث بنی۔ تنزیل موسیٰ کے والد نے کہا کہ اللہ کی رضا ہے اور وائس چانسلر اور اساتذہ کی آمد پر شکریہ ادا کیا۔ تنزیل موسیٰ کے یونیورسٹی اساتذہ ڈاکٹر سلمان حفیظ صدیقی ایسوسی ایٹ پروفیسر اور ڈاکٹر علی عمران اسسٹنٹ پروفیسر شعبہ مینجمنٹ سائنسز بھی موجود تھے۔