لاہور (24-06-26): یونیورسٹی آف ویٹرنری اینڈ اینیمل سائنسز (یو وی اے ایس) لاہور کے وائس چانسلر پروفیسر ڈاکٹر مسعود ربانی نے 14 تا 16 اکتوبر 2027 کو منعقد ہونے والی 12ویں ایشین بھینس کانگریس (اے بی سی) اور ڈیری ایشیا ایکسپو 2027 کی تیاریوں کے سلسلے میں پہلے اجلاس کی صدارت کی۔
اجلاس میں پنجاب ایگریکلچر، فوڈ اینڈ ڈرگ اتھارٹی کے ڈائریکٹر جنرل پروفیسر ڈاکٹر طلعت نصیر پاشا، پروفیسر ایمیریٹس ڈاکٹر نسیم احمد، محکمہ مویشی و ڈیری ترقی پنجاب کے ڈائریکٹر جنرل توسیع ڈاکٹر سید ندیم بدر، ایشین بھینس ایسوسی ایشن کے صدر پروفیسر ڈاکٹر محمد اعجاز، مختلف کمیٹیوں کے منتظمین اور سیکریٹریز، محکمہ مویشی و ڈیری ترقی کے نمائندگان اور ڈیری ایشیا ایکسپو کے منتظمین نے شرکت کی۔
Leave a Reply