Uncategorized

گورنر پنجاب و چانسلر دی گورنمنٹ صادق کالج ویمن یونیورسٹی بہاولپور سردار سلیم حیدر خان سے وائس چانسلر پروفیسر ڈاکٹر شازیہ انجم کی ملاقات ہوئی۔ اس موقع پر وائس چانسلر پروفیسر ڈاکٹر شازیہ انجم نے گورنر پنجاب /چانسلر کو جامعہ میں جاری تعلیمی و تحقیقی سرگرمیوں کی کاکردگی سمیت جامعہ کو درپیش دیگر چیلنجز بارے تفصیلی آگاہ کیا۔ گورنر پنجاب / چانسلر سردار سلیم حیدر خان نے پروفیسر ڈاکٹر شازیہ انجم کی سربراہی میں جامعہ کی کاکردگی کو تسلی بخش قرار دیتے ہوئے مزید تعمیر و ترقی کیلئے نیک خواہشات کا اظہار کیا۔سردار سلیم حیدر خان نے کہا کہ دی گورنمنٹ صادق کالج ویمن یونیورسٹی جنوبی پنجاب کی بہترین خواتین جامعہ ہے جو قیام پاکستان سے قبل خواتین کی تعلیم و تربیت میں مرکزی کردار ادا کرتی چلی آ رہی ہے۔ ملاقات کے آخر میں وائس چانسلر پروفیسر ڈاکٹر شازیہ انجم نے گورنر پنجاب / چانسلر سردار سلیم حیدر خان کا شکریہ ادا کرتے ہوئے انہیں جامعہ کی طرف سے یادگاری سوینئر بھی پیش کیا۔

پاکستان کے ہائر ایجوکیشن کمیشن (HEC) نے اپنی کوالٹی ایشورنس ایجنسی (QAA) کےزیر اہتمام لاہور اسکول آف اکنامکس (LSE) میں QEC پروگریس ریویو میٹنگز منعقدہوئی۔

اس تقریب میں پنجاب بھر کی ڈگری دینے والے اداروں کے ڈائریکٹرز QECs اور علمی قیادت نے ذاتی طور پر اور ورچوئل طور پر شرکت کی۔ اجلاس کا مقصد ادارہ جاتی پیش رفت کا جائزہ لینا، PSG-2023 کے نفاذ کا معائنہ کرنا، اور HEC کی اہم کوالٹی ایشورنس پالیسیوں سے متعلق آگاہی فراہم کرنا تھا۔ڈاکٹر شاہد امجد چوہدری، ریکٹر LSE، نے استقبالیہ کلمات پیش کیے۔ پروفیسر ڈاکٹر مختار احمد، چیئرمین HEC، اور پروفیسر ڈاکٹر انور الحسن گیلانی، کنسلٹنٹ QAA/QAD، HEC، نے شرکاء سے آن لائن خطاب کیا اور PSG-2023 کے تحت بہتری پر مبنی کوالٹی ایشورنس کی جانب HEC کی اسٹریٹجک تبدیلی پر زور دیا۔

پہلے دن، اداروں نے سالانہ کوالٹی ایشورنس اہداف کے حوالے سے اپنی پیش رفت پیش کی، جبکہ وائس چانسلرز اور ادارہ جاتی سربراہان کے درمیان RIPE اور SAR کے نفاذ پر کھلی گفتگو ہوئی۔دوسرے دن میں نئے QA اسسمنٹ معیار، “ریویورز کی شناختی مہم” کے آغاز، اور HEC-QAA کی بنیادی پالیسیوں — جیسا کہ گریجویٹ تعلیم، فاصلاتی تعلیم (ODL)، اینٹی-پلیجرازم، PQR، اور فیکلٹی تقرری کے معیار — پر آگاہی سیشن شامل تھے۔یہ تقریب سرٹیفیکیٹ تقسیم اور LSE کے کوالٹی مینجمنٹ سہولیات کے دورے کے ساتھ اختتام پذیر ہوئی۔

4o

:وزیراعظم محمد شہباز شریف نے تاریخی فتح پر قوم کو دلی مبارکباد پیش کرتے ہوئے کہا ہے کہ پاکستان کی بہادر اور پیشہ وارانہ مسلح افواج نے دشمن کو اسی کی زبان میں موثر اور بھرپور جواب دے کر عسکری تاریخ کا سنہرا باب رقم کیا ہے اور دشمن کے عزائم کو ناکام بنایا ہے ۔ پاک فضائیہ کے شاہینوں نے ہمارا سرفخر سے بلند کردیا،یہ ہماری غیرت اور اصولوں کی فتح ہے۔ یہ افواج پاکستان کے ساتھ ساتھ خوددار، غیرت مند اور باوقار پاکستانی قوم کی کامیابی ہے۔ پوری قوم سیسہ پلائی دیوار کی طرح مسلح افواج کے شانہ بشانہ کھڑی ہے، ہم نے خطہ کے کروڑوں عوام کے مفاد میں جنگ بندی کی تجویز کا مثبت جواب دیا ہے ۔

کامل یقین ہے کہ آبی وسائل کی تقسیم،جموں و کشمیر تنازعہ سمیت تمام تصفیہ طلب مسائل کو انصاف کے تقاضوں کے مطابق حل کرنے کے لئے پرامن مذاکرات کا راستہ اپنایا جائے گا۔ ہفتہ کو قوم سے خطاب کرتے ہوئے انہوں نے کہا کہ محب وطن باوقار پاکستانیوں کو سلام اور مبارک باد پیش کرتا ہوں انہوں نے دنیا پر واضح کردیا ہے کہ پاکستانی ایک خود دار اور غیرت مند قوم ہیں ۔ ہماری عزت ، ہمارا وقار اور خود داری ہمیں جان سے بھی زیادہ عزیز ہے ۔ کوئی ہماری خود مختاری کو چیلنج کرے تو ہم اپنی سرزمین کے دفاع کے لیے سیسہ پلائی دیوار بن جاتے ہیں اور کلمہ طیبہ کا ورد کرتے ہوئے دشمن پر غالب آتے ہیں ۔

یہ افواج پاکستان کی کامیابی کے ساتھ ساتھ پوری پاکستانی قوم کی فتح ہے ۔ یہ عظیم لمحہ شکر ہے جس کے لیے 24 کروڑ عوام نے اپنے شاہین اور شیروں پر والہانہ محبت کے پھول برسائے ۔ پوری قوم افواج پاکستان کے ساتھ سیسہ پلائی ہوئی دیوار بن کر کھڑی ہے ۔ آپ تہجد کے وقت سجدہ ریز رہے اور دن رات دعائیں کیں جس کے نتیجہ میں اللہ تعالیٰ نے اپنی کمال مہربانی سے آپ کو شاندار فتح سے نوازا ہے ۔

وزیراعظم نے کہاکہ الحمداللہ اس رب ذوالجلال کا جتنا بھی شکر کریں وہ کم ہے ۔ میں اس تاریخی کامیابی پر چیئرمین جوائنٹ چیفس آف سٹاف کمیٹی جنرل ساحر شمشاد مرزا ، سپہ سالار بری فوج جنرل سید عاصم منیر ، ایئر چیف مارشل ظہیر احمد بابر ، نیول چیف ایڈمرل نوید اشرف ، اپنے ہر جری جوان اور ہر افسر کو خراج تحسین اور سلام پیش کرتا ہوں ۔انہوں نےکہا کہ میں اس موقع پر اپنی اور قوم کی طرف سے جنرل سید عاصم منیر کا دل کی اتھاہ گہرائیوں سے شکریہ ادا کرتا ہوں کہ جن کی دانشمندانہ اور دلیرانہ قیادت میں یہ عظیم معرکہ سر ہوا ۔ میں اس کے ساتھ ساتھ چیف آف ایئر سٹاف ظہیر بابر اور ان کے شاہینوں کو بڑی گرمجوشی سے شاباش دیتا ہوں جنہوں نے ہمارے سر فخر سے بلند کر دیئے ہیں ۔

انہوں نے کہاکہ شہید ارتضیٰ عباس ایک ایسا خوبصورت پھول تھا جو کھلنے سے پہلے مرجھا گیا ۔ اسی طرح میں ہر شہید کی ماں کو خراج عقیدت پیش کرتا ہوں جنہوں نے اپنے بچے اور بچیاں وطن پر قربان کر کے نئی تاریخ رقم کی ۔ میں یہاں پر تمام اتحادی اور اپوزیشن جماعتوں سمیت ملک بھر کی سیاسی قیادت اور پارلیمان کا دلی طور پر شکریہ ادا کرتا ہوں جنہوں نے بے مثال اتحاد اور تاریخی یگانگت کا مظاہرہ کیا ۔ وزیراعظم نے کہا کہ میں اپنے قائد محمد نوازشریف کی مدبرانہ قیادت اور تجربہ کار رہنمائی او ر صدر مملکت آصف علی زرداری کی مشاورت پر خاص طورپر شکریہ ادا کرتا ہوں انہوں نے کہاکہ میں اپنے صحافی بھائیوں ، بہنوں اور سوشل میڈیا صارفین کا بھی شکریہ ادا کرنا چاہتا ہوں جنہوں نے فیک نیوز کا مقابلہ ذمہ دارانہ رپورٹنگ سے کیا اور اعلیٰ مثال قائم کی ، مجھے امید ہے کہ آئندہ بھی یہ مثال ہم سب کے لیے مشعل راہ ہو گی ۔

وزیراعظم نے کہاکہ ہم نے ایک ذمہ دار ریاست کے طور پر عالمی و علاقائی امن اور خطے میں بسنے والے کروڑوں لوگوں کے مفاد میں جنگ بندی کی تجویز کا مثبت جواب دیا ہے ۔ ہمیں کامل یقین ہے کہ آبی وسائل کی تقسیم ، جموں و کشمیر کے تنازعہ سمیت تمام تصفیہ طلب مسائل انصاف کے تقاضوں کے مطابق حل کرنے کے لیے پرامن مذاکرات کا راستہ اپنا یا جائے گا ۔ وزیراعظم نے کہا کہ اس موقع پر میں امریکی صدر ڈونلڈ ٹرمپ کا خصوصی شکریہ ادا کرنا چاہتا ہوں جنہوں نے جنگ بندی کے لیے مخلصانہ کردار ادا کیا ۔

وزیراعظم نے کہا کہ یہاں پر میں اپنے انتہائی مخلص اور برادر ممالک سعودی عرب ، متحدہ عرب امارات ، ترکیہ اور قطر کے علاوہ برطانوی قیادت ، سیکرٹری جنرل اقوام متحدہ سمیت دیگر درست ممالک کا بھی شکریہ ادا کرنا چاہتا ہوں جنہوں نے جنگ بندی کی کاوشوں میں اپنا بھر پور کردار ادا کیا ۔ ولی عہد شہزادہ محمد بن سلمان ، عزیز بھائی محمد بن زید ، امیر قطر شیخ تمیم اور ترکیہ کے صدر رجب طیب اردوان نے ہماری بھر پور حوصلہ افزائی کی اور بھائیوں کی طرح پاکستان کا بھرپور ساتھ دیا جس کے لیے ان کا دل کی اتھاہ گہرائیوں سے شکر گزار ہوں ۔انہوں نے کہا کہ میں اپنے انتہائی قابل اعتماد اور دیرینہ دوست عوامی جمہوریہ چین کا بطور خاص ذکر نہ کروں اور دل کی گہرائیوں سے شکریہ ادا نہ کروں تو میری تقریر ادھوری رہے گی ۔

میں چینی صدر شی جن پنگ ، چینی عوام کا شکرگزار ہوں جنہوں نے پاکستان کی 78سالہ تاریخ میں کسی نفع اور نقصان کو خاطر میں لائے بغیر پاکستان کا بھر پور ساتھ دیا ۔ وزیراعظم نے کہا کہ مجھے یقین ہے کہ ہم یہ تاریخی حقائق ہمیشہ یاد رکھیں گے ۔ وزیراعظم نے کہاکہ اللہ تعالی کے فضل و کرم سے مجھے کامل یقین ہے کہ اس بحران میں سرخروں ہونے کے بعد میں، آپ ، وفاقی حکومت اور صوبائی حکومتیں، تمام ادارے اور ان کے سربراہ مل کر تمام تر توانائیاں پاکستان کی ترقی اور خوشحالی کے لیے وقف کردیں گے اور اس وقت تک چین سے نہیں بیٹھیں گے جب تک پاکستان اپنا کھویا ہوا مقام دوبارہ حاصل نہ کرلے ۔

انشاء اللہ وہ وقت دور نہیں۔ شرط یہ ہے سب مل کر دن رات محنت کریں اور اتنی محنت کریں کہ دنیا دنگ رہ جائے ۔ اسی طریقہ سے جس طرح ہماری عسکری قوت نے دنیا کو حیران کر دیا ، وزیراعظم نے خطاب کے اختتام پر “افواج پاکستان زندہ باد ، پاکستان پائندہ باد”

–

صدر مملکت آصف علی زرداری سے وزیراعظم محمد شہباز شریف نے ایوان صدر میں ملاقات کی، وزیر اعظم نے صدر مملکت کو بھارتی جارحیت اور پاکستان کی جانب سے آپریشن “بنیان مرصوص” کی صورت میں بھارت کو دیئے جانے والے موثر جواب بارے آگاہ کیا۔ ایوان صدر کے پریس ونگ سے جاری بیان کے مطابق ملاقات کے دوران نائب وزیراعظم و وزیر خارجہ سینیٹر محمد اسحاق ڈار اور وزیر قانون و انصاف سینیٹر اعظم نذیر تارڑ بھی موجود تھے۔

صدر مملکت نے بھارتی بلا اشتعال جارحیت اور میزائل حملوں کا منہ توڑ جواب دینے پر ملک کی مسلح افواج کی غیر معمولی پیشہ ورانہ مہارت اور بہادری کو سراہا۔ صدر مملکت نے کہا کہ پاکستان نے ایک ذمہ دار اور امن پسند قوم کی حیثیت سے بھارتی اشتعال انگیزیوں کے مقابلے میں کافی تحمل کا مظاہرہ کیا لیکن افسوس کہ بھارتی جارحیت کی وجہ سے پاکستان کے پاس اپنی خودمختاری کے دفاع ، اپنے شہریوں کے تحفظ کے لئے فیصلہ کن جواب دینے کے سوا کوئی چارہ نہیں بچا۔

صدر مملکت نے کہا کہ پوری پاکستانی قوم متحد ہے، بھارتی جارحیت کے مقابلے میں اپنی مسلح افواج کی بھرپور حمایت کرتی ہے۔ صدر مملکت نے کہا کہ پاکستان ملکی خودمختاری اور علاقائی سالمیت کا ہر قیمت پر دفاع کرے گا۔

کشمیر اینڈ نظریہ پاکستان سوسائٹی اسلامیہ یونیورسٹی آف بہاولپور کے زیر اہتمام پرائم منسٹر یوتھ ڈویلپمنٹ سنٹر بغداد الجدید کیمپس میں ”پاکستان زندہ باد” سیمینار کا انعقاد کیا گیا۔ایڈوائزر کشمیر اینڈ نظریہ پاکستان سوسائٹی ڈاکٹر محمد رمضان طاہر نے نظریہ پاکستان،تحریک پاکستان اورقیام پاکستان کے تاریخی عوامل پر روشنی ڈالی۔ انہوں نے طلباؤطالبات کو کشمیر اینڈ نظریہ سوسائٹی کے مقاصد سے آگاہ کیا۔ کشمیر اینڈ نظریہ پاکستان سوسائٹی نے ہمیشہ طلباء میں  نظریہ پاکستان،امن اور بھائی چارے کو فروغ دیا ہے۔ آج وطن عزیز کی سرحدوں پر جو خطرات منڈلا رہے ہیں ان خطرات کا منہ توڑ جواب دینے کے لیے پوری قوم افواج پاکستان کیساتھ شانہ بشانہ کھڑی ہے۔پاکستان انشاء اللہ قیامت تک قائم ودائم رہے گااور اس کے دشمنوں کو ہمیشہ ذلّت و پسپائی کا سامنا رہے گا۔  ڈاکٹر محمد عدنان بخاری ایڈیشنل ڈائریکٹر اسٹوڈنٹس سوسائٹیز نے اسلامیہ یونیورسٹی بہاولپور میں ڈائریکٹوریٹ آف سٹوڈنٹس افیئرز کی زیر نگرانی اسٹوڈنٹس سوسائٹیز کے کردار پر روشنی ڈالی۔ ان کا کہنا تھا کہ ان سوسائٹیز کے قیام کا مقصد طلباء میں پوشیدہ صلاحیتوں کو اجاگر کرنا ہے۔  ماضی میں ہماری جامعہ کے فارغ التحصیل طلباء جو ان سوسائٹیز سے منسلک رہے وہ آج دنیا بھرمیں خود اعتمادی سے اپنی ذمہ داریاں نبھا رہے ہیں۔انھوں نے نظریہ پاکستان سوسائٹی کے کردار کو سراہتے ہوئے کہا کہ اس سوسائٹی نے یونیورسٹی میں اپنا مثبت کردار ادا کرتے ہوئے ہمیشہ بہترین پروگراموں کا انعقاد کیا جن سے قومی و ملی جذبے کو فروغ ملا اور طلباء مستفید ہوئے۔ کوایڈوائزر ڈاکٹر زاہدہ بابر نے تمام مہمانوں کی آمد کا شکریہ ادا کیا۔

 اسلامیہ یونیورسٹی آف بہاولپور کی خواتین کی ویٹ لفٹنگ ٹیم نے یونیورسٹی آف مینجمنٹ اینڈ ٹیکنالوجی لاہور میں منعقدہ آل پاکستان انٹرورسٹی ویمنز ویٹ لفٹنگ چیمپئن شپ 2024-25 میں شرکت۔۔۔۔۔۔۔۔۔ اسلامیہ یونیورسٹی بہالو پور کی ٹیم نے 1 چاندی اور 3 کانسی کے تمغے حاصل کیے، چیمپئن شپ میں مجموعی طور پر چوتھی پوزیشن حاصل کی۔

ڈائریکٹر اسپورٹس فیمیل ڈاکٹر عنبرین مقصود کی نگرانی میں اسلامیہ یونیورسٹی آف بہاولپور کی خواتین کی ویٹ لفٹنگ ٹیم نے یونیورسٹی آف مینجمنٹ اینڈ ٹیکنالوجی لاہور میں منعقدہ آل پاکستان انٹرورسٹی ویمنز ویٹ لفٹنگ چیمپئن شپ 2024-25 میں شرکت کی۔ ایونٹ میں پاکستان بھر سے کل 10 ٹیموں نے حصہ لیا۔ اسلامیہ یونیورسٹی بہالو پور کی ٹیم نے 1 چاندی اور 3 کانسی کے تمغے حاصل کیے، چیمپئن شپ میں مجموعی طور پر چوتھی پوزیشن حاصل کی۔ مہوش رزاق اسسٹنٹ ڈائریکٹر ٹیم منیجر اور ارسلان محمود ٹیم کے کوچ تھے۔ وائس چانسلر پروفیسرڈاکٹر محمد کامران نے اس شاندار کامیابی پر ڈائریکٹر اسپورٹس فیمیل ڈاکٹر عنبرین مقصود، ٹیم منیجر، کوچ اور پوری ویٹ لفٹنگ ٹیم کو مبارکباد دی ہے۔

:وائس چانسلرپنجاب یونیورسٹی پروفیسر ڈاکٹر محمد علی نے کہا ہے کہ بھارتی جارحیت کا منہ توڑ جواب دینے پر پاک فوج کو خراج تحسین پیش کرتے ہیں اور پاک فوج نے ایک بار پھر ثابت کر دیا ہے کہ وہ دنیا کی نمبر 1 فوج ہے۔ وہ پنجاب یونیورسٹی اکیڈمک سٹاف ایسو سی ایشن کے زیر اہتمام پاک فوج سے اظہار یکجہتی کیلئے منعقدہ عظیم الشان ریلی سے خطاب کررہے تھے۔اس موقع پرصدر اکیڈیمک سٹاف ایسویسی ایشن ڈاکٹر امجد عباس مگسی، سیکرٹری ڈاکٹر محمد اسلام، صدرآفیسرز ویلفیئر ایسوسی ایشن ڈاکٹر توقیر،صدرپنجاب یونیورسٹی ایڈمنسٹریٹیو اینڈ ٹیکنیکل سٹاف ایسو سی ایشن چوہدری بشارت محمود،اساتذہ، ملازمین اور طلباؤطالبات سمیت سکول کے بچوں نے بڑی تعداد میں شرکت کی۔ ریلی کے شرکاء نے بھارتی جارحیت کے خلاف اور پاک فوج کے حق میں نعرے بازی کی۔اپنے خطاب میں وائس چانسلر پروفیسر ڈاکٹر محمد علی نے کہا کہ پاکستانی قوم متحد ہے، ہم کل بھی زندہ تھے ہم آج بھی زندہ ہیں۔ ہم وہ لوگ ہیں جو مرنے سے نہیں ڈرتے۔ انہوں نے کہا کہ ہم بھارت کی تعداد سے بھی نہیں ڈرتے۔پاکستان کی 25 کروڑ عوام فوج ہے۔ انہوں نے کہا کہ ہم امن چاہتے ہیں مگر مودی نے جنگ شروع کی ہے لیک اسے ہم ختم کریں گے۔انہوں نے کہا کہ ہم اپنے تمام مجاہدوں کویہ پیغام دینا چاہتے ہیں کہ ہم آپ کے ساتھ ہیں۔انہوں نے کہا کہ فوج جب بھی پکارے گی ہم سرحد پر آ کر لڑیں گے اوربھارت کو ایسا سبق سکھائیں گے کہ اس کی نسلیں یاد رکھیں گی۔ انہوں نے کہا کہ ہندوستان کو ہم توڑ کر دکھائیں گے اورخون کے آخری قطرے تک ملک کی حفاظت کریں گے۔ انہوں نے کہا کہ پنجاب یونیورسٹی کے تمام اساتذہ، ملازمین اور طلباؤطالبات پاک فوج کے شانہ بشانہ کھڑے ہیں۔ڈاکٹر امجد عباس مگسی نے کہا کہ بھارت ہمیشہ رات کی تاریکی میں ایسے اوچھے ہتھکنڈے استعمال کرتا ہے۔ انہوں نے کہا کہ ہم پاک فوج کی قربانیوں کو خراج تحسین پیش کرتے ہیں۔ انہوں نے کہا کہ بھارتی جارحیت کا ہر پلیٹ فارم پر مقابلہ کرنے کے لئے تیار ہیں۔انہو ں نے کہا کہ پاکستان کی سا  لمیت پر کوئی سمجھوتہ نہیں ہو گا۔ انہوں نے کہا کہ پاکستان کی حفاظت کے لئے کسی قسم کی قربانی سے دریغ نہیں کریں گے۔ڈاکٹر محمد اسلام نے کہا کہ دشمن کو اندازہ نہیں کہ اس نے کس قوم کو للکارا ہے۔انہوں نے کہا کہ ہم اپنا دفاع کرنا خوب جانتے ہیں۔ انہوں نے کہا کہ بھارت اب ہماری باری کا انتظار کرے۔ 

وہ پنجاب یونیورسٹی اکیڈمک سٹاف ایسو سی ایشن کے زیر اہتمام پاک فوج سے اظہار یکجہتی کیلئے منعقدہ عظیم الشان ریلی سے خطاب کررہے تھے۔اس موقع پرصدر اکیڈیمک سٹاف ایسویسی ایشن ڈاکٹر امجد عباس مگسی، سیکرٹری ڈاکٹر محمد اسلام، صدرآفیسرز ویلفیئر ایسوسی ایشن ڈاکٹر توقیر،صدرپنجاب یونیورسٹی ایڈمنسٹریٹیو اینڈ ٹیکنیکل سٹاف ایسو سی ایشن چوہدری بشارت محمود،اساتذہ، ملازمین اور طلباؤطالبات سمیت سکول کے بچوں نے بڑی تعداد میں شرکت کی۔ ریلی کے شرکاء نے بھارتی جارحیت کے خلاف اور پاک فوج کے حق میں نعرے بازی کی۔اپنے خطاب میں وائس چانسلر پروفیسر ڈاکٹر محمد علی نے کہا کہ پاکستانی قوم متحد ہے، ہم کل بھی زندہ تھے ہم آج بھی زندہ ہیں۔ ہم وہ لوگ ہیں جو مرنے سے نہیں ڈرتے۔ انہوں نے کہا کہ ہم بھارت کی تعداد سے بھی نہیں ڈرتے۔پاکستان کی 25 کروڑ عوام فوج ہے۔ انہوں نے کہا کہ ہم امن چاہتے ہیں مگر مودی نے جنگ شروع کی ہے لیک اسے ہم ختم کریں گے۔انہوں نے کہا کہ ہم اپنے تمام مجاہدوں کویہ پیغام دینا چاہتے ہیں کہ ہم آپ کے ساتھ ہیں۔انہوں نے کہا کہ فوج جب بھی پکارے گی ہم سرحد پر آ کر لڑیں گے اوربھارت کو ایسا سبق سکھائیں گے کہ اس کی نسلیں یاد رکھیں گی۔ انہوں نے کہا کہ ہندوستان کو ہم توڑ کر دکھائیں گے اورخون کے آخری قطرے تک ملک کی حفاظت کریں گے۔ انہوں نے کہا کہ پنجاب یونیورسٹی کے تمام اساتذہ، ملازمین اور طلباؤطالبات پاک فوج کے شانہ بشانہ کھڑے ہیں۔ڈاکٹر امجد عباس مگسی نے کہا کہ بھارت ہمیشہ رات کی تاریکی میں ایسے اوچھے ہتھکنڈے استعمال کرتا ہے۔ انہوں نے کہا کہ ہم پاک فوج کی قربانیوں کو خراج تحسین پیش کرتے ہیں۔ انہوں نے کہا کہ بھارتی جارحیت کا ہر پلیٹ فارم پر مقابلہ کرنے کے لئے تیار ہیں۔انہو ں نے کہا کہ پاکستان کی سا  لمیت پر کوئی سمجھوتہ نہیں ہو گا۔ انہوں نے کہا کہ پاکستان کی حفاظت کے لئے کسی قسم کی قربانی سے دریغ نہیں کریں گے۔ڈاکٹر محمد اسلام نے کہا کہ دشمن کو اندازہ نہیں کہ اس نے کس قوم کو للکارا ہے۔انہوں نے کہا کہ ہم اپنا دفاع کرنا خوب جانتے ہیں۔ انہوں نے کہا کہ بھارت اب ہماری باری کا انتظار کرے۔ 

محکمہ سکول و ہائیر ایجوکیشن نے امن و امان کی صورتحال کے پیش نظر پنجاب بھر کے تعلیمی اداروں میں 2 دن کی چھٹیوں کا اعلان کر دیا۔ وزیر تعلیم رانا سکندر حیات نے کہا ہے کہ تمام نجی و سرکاری تعلیمی ادارے جمعہ 9 مئی اور ہفتہ 10 مئی کو بند رہیں گے۔ چھٹیوں کے احکامات پنجاب بھر کے سکول، کالجز اور یونیورسٹیوں کیلئے ہیں۔ وزیر تعلیم نے کہا کہ اس دوران پنجاب بھر میں انٹرمیڈیٹ کے جاری امتحانات اور پریکٹیکل بھی 2 روز کیلئے ملتوی کر دئیے گئے ہیں۔ منسوخ شدہ پیپرز اور پریکٹیکل کی نئی تواریخ کا اعلان جلد کر دیا جائے گا۔ انہوں نے کہا کہ پیر 12 مئی سے تدریسی عمل معمول کے مطابق شروع ہوگا۔ دوسری جانب او لیول، اے لیول کے امتحانات کو شیڈول کے مطابق جاری رکھنے کا فیصلہ بھی کیا گیا ہے۔ محکمہ سکول و ہائیر ایجوکیشن نے اس ضمن میں الگ الگ

صدر اور وزیرِ اعظم نے دعا کی:صدرِ پاکستان محترم آصف علی زرداری، وزیرِ اعظم محمد شہباز شریف، چیف آف آرمی اسٹاف جنرل سید عاصم منیر نےدعا کی“اللہ تعالیٰ بھارت کی اس سفاک جارحیت کے نتیجے میں شہید ہونے والے تمام مظلوموں کو جنت الفردوس میں اعلیٰ مقام عطا فرمائے اور ان کے اہلِ خانہ کو یہ ناقابلِ تلافی صدمہ برداشت کرنے کی ہمت دے۔ آمین”

آزاد جموں و کشمیر کے علاقے داورندی میں بھارت کی بلا اشتعال سرحدی جارحیت کے نتیجے میں شہید ہونے والے لیفٹیننٹ کرنل ظہیر عباس طوری کے سات سالہ بیٹے، ارتضاء عباس طوری کی نمازِ جنازہ آج اسلام آباد میں ادا کی گئی۔

اس موقع پر صدرِ پاکستان محترم آصف علی زرداری، وزیرِ اعظم محمد شہباز شریف، نائب وزیرِ اعظم و وزیرِ خارجہ سینیٹر اسحاق ڈار، وزیرِ دفاع خواجہ محمد آصف، وزیرِ اطلاعات، چیف آف آرمی اسٹاف جنرل سید عاصم منیر (نشانِ امتیاز ملٹری)، چیف آف نیول اسٹاف ایڈمرل نوید اشرف، اور بڑی تعداد میں سینیئر حاضر سروس و ریٹائرڈ فوجی افسران، سرکاری و سول حکام، سپاہی، اور شہید کے رشتہ داروں نے شرکت کی۔

نمازِ جنازہ کے بعد وزیرِ اعظم نے بھارت کی بلاجواز جارحیت کی شدید مذمت کی اور کہا کہ معصوم شہریوں، خصوصاً بچوں، خواتین، اور بزرگوں کو جان بوجھ کر نشانہ بنانا بزدلی کا بدترین مظاہرہ ہے۔ انہوں نے کہا کہ اس طرح کے غیر ذمہ دارانہ اقدامات بھارت کی جارحانہ اور تکبر پر مبنی ذہنیت کی عکاسی کرتے ہیں، جو نہ صرف خطے بلکہ عالمی امن کے لیے بھی خطرہ ہیں۔

صدر اور وزیرِ اعظم نے واضح کیا کہ پاکستان کی بہادر مسلح افواج تمام محاذوں پر بھارتی جارحیت کا ڈٹ کر مقابلہ کر رہی ہیں اور اس کا بھرپور اور غیر متزلزل جواب دیا جا رہا ہے۔ انہوں نے کہا کہ بین الاقوامی قوانین اور انسانی اصولوں کی ان کھلی خلاف ورزیوں کا فیصلہ کن جواب دیا جائے گا

صدر اور وزیرِ اعظم نے دعا کی:
“اللہ تعالیٰ بھارت کی اس سفاک جارحیت کے نتیجے میں شہید ہونے والے تمام مظلوموں کو جنت الفردوس میں اعلیٰ مقام عطا فرمائے اور ان کے اہلِ خانہ کو یہ ناقابلِ تلافی صدمہ برداشت کرنے کی ہمت دے۔ آمین”

وزیر اعظم محمد شہباز شریف نے دشمن کے رات کی تاریکی میں پاکستان پر بزدلانہ حملہ کا منہ توڑ جواب دینے پر مسلح افواج کو خراج تحسین پیش کرتے ہوئے کہا ہے کہ ہماری مسلح افواج کسی بھی جارحیت کا منہ توڑ جواب دینے کے لئے تیار تھیں،پاک فضائیہ کے جوانوں نے بھارتی غرور خاک میں ملادیا،روایتی جنگ میں پاکستان نے اپنی برتری ثابت کی ہے،تمام سیاسی جماعتیں پاکستان کو عظیم تر بنانے کے لئے اتحاد و اتفاق کا مظاہرہ کریں اور ملک کے لئے ہم سب اکھٹے ہوں۔

بدھ کو قومی اسمبلی میں خطاب کرتے ہوئے وزیراعظم نے کہا کہ گزشتہ رات انڈیا کے بزدلانہ حملے میں کئی بچے،خواتین اور مرد شہید ہوگئے، ان شہداء کے درجات اللہ بلند کرے اور ان کو جنت الفردوس میں اعلی مقام عطا فرمائے۔وزیر اعظم نے کہا کہ 22 اپریل کو انڈیا کے ناجائز زیرقبضہ کشمیر میں واقع پہلگام میں ایک افسوسناک واقعہ ہوا، اس واقعہ کے فوری بعد ایف آئی آر کا اندراج کیا گیا اور بغیر کسی ثبوت کے میڈیا اور حکومتی سطح پر پاکستان کو مورد الزام ٹھہرانا شروع کر دیا گیا۔

انہوں نے کہا کہ اس سے کچھ عرصہ قبل بلوچستان میں دہشت گردوں نے جعفر ایکسپریس کو ہائی جیک کیا جس میں بی ایل اے کے ساتھ ٹی ٹی پی شامل تھی اور اس کے تانے بانے انڈیا سے ملتے تھے جس کے ناقابل تردید ثبوت موجود ہیں، جس میں درجنوں شہادتیں ہوئیں۔ہمارے ایس ایس جی کے جوانوں نے جوانمردی سے دہشت گردوں کو جہنم واصل کرکے ان مغویوں کو رہا کرایا تاہم بھارت کی جانب سے اس واقعہ کی مذمت تک نہیں کی گئی اوردنیا کے سامنے اس کا مذاق اڑایا، وہ تاریخ میں یاد رکھا جائے گا۔

انہوں نے کہا کہ پہلگام واقعہ کے بعد عالمی رہنمائوں سے بات ہوئی،ہم نے واضح کیا کہ پاکستان کا واقعہ سے دور دور تک کوئی تعلق نہیں، پھر بھی صاف شفاف تحقیقات کے لئے عالمی انکوائری کمیشن کے قیام کی پیشکش کی، لیکن اس کا جواب نہیں دیا گیا۔وزیر اعظم نے کہا کہ ہمیں روزانہ اطلاعات ملتی تھیں کہ انڈیا کی جانب سے اس حملہ کو بنیاد بنا کر کوئی جارحیت کی جائے گی، افواج پاکستان 24 گھنٹے تیار تھیں کہ کب دشمن کے جہاز اڑیں اور ہم انہیں سبق سکھائیں۔انڈیا کو اپنے رافیل پر بڑا ناز تھا،کچھ دن قبل ان کے جہاز اڑے تو ہماری فضائیہ کے شاہینوں نے ان کی کمیونیکشن لاک کر دی، وہ فوراً واپس سرینگر اتر گئے، یہ ہماری فوج کی تیاری اور عزم کا اظہار تھا۔انہوں نے کہا کہ ہمیں انڈیا کے مذموم عزائم کی پل پل کی خبر تھی،

گزشتہ رات پوری تیاری سے انڈیا کے 80 جہازوں سے آزاد کشمیرکے دو شہروں، مریدکے،بہاولپور اور سیالکوٹ میں حملہ کیا گیا، پاکستان کے عقاب مکمل تیاری میں تھے،ہمارے جہازوں نے سرحد عبور نہیں اور جن طیاروں نے پاکستان پر حملہ کیا ان پر جھپٹے اور انڈیا کے پانچ جہاز،دوڈرون مار گرائے۔انہوں نے کہا کہ اس سے بڑی عزت پاکستان کے عوام کو نہیں مل سکتی تھی، اللہ کے شکر گزار ہیں جو یہ کہتے تھے کہ پاکستان روایتی جنگ میں بہت پیچھے ہے، ان کے تمام تجزیے غلط ثابت ہوئے، پاکستان کی فوج فولادی فوج ہے،

اس کی وجہ سے پاکستان کو دنیا میں تکریم ملی۔انہوں نے کہا کہ اسلام آباد میں ایک شہید کا جنازہ ہے جس میں صدر مملکت اور آرمی چیف کے ہمراہ شرکت کرنی ہے تاکہ شہید کے خاندان اور دنیا کو یہ پیغام جائے کہ شہید جنہوں نے جانوں کا نذرانہ دے کر،اپنے بچوں کو یتیم کرکے قوم کے بچوں کو یتیم ہونے سے بچایا اور سرحدوں کی حفاظت کی، وہ قوم کے ہیرو ہیں۔انہوں نے کہا کہ کل کے واقعہ میں اللہ نے پاکستان کو عظیم فتح عطا کی، اعلی پائے کی تیاری اور جذبہ حب الوطنی سے سرشار پاک فوج کے افسر و جوان یک جان دو قالب تھے،اسی لئے پانج جہاز مار گرائے گئے،یہ زیادہ بھی ہو سکتے تھے تاہم پاکستان نے تحمل کا مظاہرہ کیا۔انہوں نے اپوزیشن سمیت ایوان سے التماس کی کہ آئیں ملک کے لئے ہم سب اکھٹے ہوں،

اس سے زیادہ اچھا موقع کوئی نہیں ہو سکتا، میں سپیکر چیمبر میں ان سے ملنے کو تیار ہوں، پاکستان کو عظیم قوم بنانے کا یہی موقع ہے، اللہ نے قوم کو دوبارہ موقع دیا ہے۔ وزیراعظم نے کہا کہ افواج پاکستان کی وجہ سے آج پاکستان کا سر بلند ہے۔انہوں نے تجویز دی کہ اس بہترین اور منہ توڑ جواب پر چیئرمین جوائنٹ چیفس آف سٹاف،آرمی چیف،پاک فضائیہ اور بحریہ کے سربراہوں اور جوانوں کے لئے تحسین کی قرارداد منظور کی جانی چاہیے۔

قومی سلامتی کمیٹی (این ایس سی) کا اجلاس اسلامی جمہوریہ پاکستان کے وزیرِ اعظم محمد شہباز شریف کی زیر صدارت منعقد ہوا۔ فورم نے بھارت کی جارحیت میں شہید ہونے والے بے گناہ شہریوں کے لیے فاتحہ خوانی کی، ان کے لواحقین سے دلی ہمدردی کا اظہار کیا اور زخمیوں کی جلد صحت یابی کی دعا کی۔ این ایس سی نے بھارت کی بلا اشتعال، بزدلانہ اور غیرقانونی جنگی کارروائی کے نتیجے میں پیدا ہونے والی سنگین صورتحال پر غور کیا۔

6 اور 7 مئی 2025 کی شب، بھارتی مسلح افواج نے پاکستان کی خودمختار حدود میں واقع متعدد مقامات — جن میں سیالکوٹ، شکرگڑھ، مریدکے اور بہاولپور (پنجاب) نیز کوٹلی اور مظفرآباد (آزاد جموں و کشمیر) شامل ہیں — پر مربوط میزائل، فضائی اور ڈرون حملے کیے۔ یہ بلا اشتعال اور بے جواز حملے جھوٹے دعوے کی بنیاد پر کیے گئے کہ ان علاقوں میں نام نہاد دہشت گرد کیمپ موجود ہیں۔ ان حملوں میں معصوم مرد، خواتین اور بچے شہید ہوئے اور شہری ڈھانچے کو نقصان پہنچا، جن میں مساجد بھی شامل ہیں۔ بھارت کی اس جارحیت نے خلیجی برادر ممالک کی کمرشل پروازوں کو بھی شدید خطرے سے دوچار کیا، جس سے ہزاروں مسافروں کی جانیں خطرے میں پڑ گئیں۔ اس کے علاوہ نیلم-جہلم ہائیڈروپاور پراجیکٹ کو بھی بین الاقوامی معاہدوں کی خلاف ورزی کرتے ہوئے جان بوجھ کر نشانہ بنایا گیا۔

قومی سلامتی کمیٹی نے ان غیرقانونی اقدامات کو پاکستان کی خودمختاری اور علاقائی سالمیت کی کھلی خلاف ورزی قرار دیتے ہوئے ان کی شدید مذمت کی، جنہیں بین الاقوامی قانون کے مطابق جنگی اقدام تصور کیا جاتا ہے۔ بھارتی افواج کی جانب سے معصوم شہریوں، بالخصوص خواتین اور بچوں کو جان بوجھ کر نشانہ بنانا ایک سنگین اور شرمناک جرم ہے، جو انسانی اقدار اور بین الاقوامی قوانین کی مکمل خلاف ورزی ہے۔

پاکستان نے ہمیشہ بھارت کے ان بے بنیاد الزامات کو مسترد کیا ہے جن میں کہا گیا کہ اس کی حدود میں دہشت گردوں کے کیمپ موجود ہیں۔ یاد رہے کہ پاکستان نے 22 اپریل 2025 کے فوراً بعد ایک قابلِ اعتماد، شفاف اور غیرجانبدار تحقیق کی سنجیدہ پیشکش کی تھی، جسے بھارت نے مسترد کر دیا۔ بین الاقوامی میڈیا نمائندگان پہلے ہی 6 مئی 2025 کو ان “فرضی کیمپس” کا دورہ کر چکے تھے، اور مزید دورے 7 مئی کو ہونا تھے۔ لیکن بھارت نے اپنی جھوٹ پر مبنی کہانی کے بے نقاب ہونے کے خدشے سے، بغیر کسی ثبوت کے، اخلاقیات سے عاری ہو کر معصوم شہریوں پر حملہ کر دیا تاکہ اپنے واہموں اور وقتی سیاسی مقاصد کو پورا کر سکے۔ پاکستانی عوام پر حملہ ناقابلِ برداشت اور ناقابلِ قبول ہے۔ بھارت نے ایک بار پھر ہوش و حواس اور عقلیت کے خلاف جا کر خطے کو آگ کی لپیٹ میں جھونک دیا ہے، اور اس کے تمام نتائج کی مکمل ذمہ داری بھارت پر عائد ہو گی۔

پاکستانی مسلح افواج نے قومی سلامتی کمیٹی کے 22 اپریل 2025 کے بیان میں دیے گئے دفاعِ خودی کے حق اور جوابی فریم ورک کے تحت بھارتی جارحیت کے خلاف آزاد جموں و کشمیر سمیت پاکستان کی علاقائی سالمیت کا بھرپور دفاع کیا اور اس دوران بھارت کے پانچ جنگی طیارے اور ڈرونز کو مار گرایا۔اقوامِ متحدہ کے چارٹر کے آرٹیکل 51 کے مطابق، پاکستان اپنے دفاع کے لیے کسی بھی وقت، مقام اور انداز میں جواب دینے کا حق محفوظ رکھتا ہے تاکہ بے گناہ پاکستانیوں کے خون کا بدلہ اور اپنی خودمختاری کی کھلی خلاف ورزی کا منہ توڑ جواب دیا جا سکے۔ مسلح افواج کو اس ضمن میں مناسب اقدامات کرنے کی مکمل اجازت دے دی گئی ہے۔

بھارت کی کھلی جارحیت پر پوری پاکستانی قوم انتہائی دل گرفتہ ہے اور مسلح افواج کی جرات، بہادری اور بروقت دفاعی کارروائی کو دل سے سراہتی ہے۔ قوم ہر قسم کی مزید جارحیت کے مقابلے کے لیے یکجہتی اور عزم کے ساتھ کھڑی ہے۔قومی سلامتی کمیٹی عالمی برادری سے مطالبہ کرتی ہے کہ وہ بھارت کے ان بلا اشتعال اور غیرقانونی اقدامات کی سنگینی کو تسلیم کرے اور بین الاقوامی اصولوں اور قوانین کی ان کھلی خلاف ورزیوں پر اسے جوابدہ ٹھہرائے۔

پاکستان امن کا خواہاں ہے — وقار اور عزتِ نفس کے ساتھ — اور ایک بار پھر واضح کرتا ہے کہ وہ اپنی خودمختاری، علاقائی سالمیت اور اپنی غیور قوم کو کسی بھی قسم کا نقصان پہنچانے کی ہرگز اجازت نہیں دے گا۔