Tuesday, April 14, 2026
تازہ ترین
رابطہ کریں
Home اہم خبریں
Category:

اہم خبریں

اہم خبریں

بنگلہ دیش میں انڈرگریجویٹ اور انجینئرنگ پروگرامز کے لیے اسکالرشپ کا اعلان

by Ilmiat
written by Ilmiat

اسلام آباد: طلبہ کے لیے ایک اہم موقع کے تحت بنگلہ دیش میں انڈرگریجویٹ اور انجینئرنگ پروگرامز میں تعلیم حاصل کرنے کے لیے اسکالرشپس کا اعلان کر دیا گیا ہے۔ یہ اسکالرشپس اہل پاکستانی طلبہ کے لیے دستیاب ہیں۔درخواستیں آن لائن جمع کرائی جا سکتی ہیں، جبکہ درخواست دینے کی آخری تاریخ 16 جنوری 2026 مقرر کی گئی ہے۔

خواہشمند امیدوار درخواست دینے کے لیے ہائر ایجوکیشن کمیشن (HEC) کی ویب سائٹ
http://scholarship.hec.gov.pk/
پر وزٹ کریں۔اسکالرشپ سے متعلق مکمل تفصیلات اور اہلیت کے معیار کے لیے درج ذیل لنک ملاحظہ کریں:
https://url-shortener.me/62GT

طلبہ کو ہدایت کی جاتی ہے کہ مقررہ تاریخ سے قبل درخواست مکمل کریں اور فراہم کردہ ہدایات پر عمل یقینی بنائیں۔

#PUNJABEDUCATIONFOUNDATION#womenuniversitysialko#ResearchExcellence#FacultyAchievement#education#HEC#PHEC#ILMIAT
Dr.Tanveer Qasim RanaMinistry of Federal Education and Professional Training Pakistan#womenuniversitysialkoAEOs Association Punjab
0 comment
0 FacebookTwitterPinterestEmail
اہم خبریں

گورنر پنجاب و چانسلر سردار سلیم حیدر خان نے پروفیسر ڈاکٹر عبدالرؤف ڈائریکٹر انسٹی ٹیوٹ آف کیمسٹری کو اسلامیہ یونیورسٹی بہاولپور کا پرو وائس چانسلر نامزد کر دیا

by Ilmiat
written by Ilmiat

گورنر پنجاب و چانسلر سردار سلیم حیدر خان نے پروفیسر ڈاکٹر عبدالرؤف ڈائریکٹر انسٹی ٹیوٹ آف کیمسٹری کو اسلامیہ یونیورسٹی بہاولپور کا پرو وائس چانسلر نامزد کر دیا ہے۔اس سلسلے میں ہائر ایجوکیشن ڈیپارٹمنٹ نے گزشتہ روز نوٹیفکیشن جاری کر دیا ہے۔ وائس چانسلراسلامیہ یونیورسٹی بہاول پور پروفیسر ڈاکٹر محمد کامران، ڈینز، فیکلٹی اور سٹاف ممبران نے پروفیسر ڈاکٹر عبدالرؤف کواس اعزازپر مبارکباد دی ہے۔

 

 

 

 

 

 

 

0 comment
0 FacebookTwitterPinterestEmail
اہم خبریں

ہائر ایجوکیشن کمیشن (HEC) نے جامعات کے تعلیمی، انتظامی اور مالیاتی نظام کو جدید خطوط پر استوار کرنے کے لیے ایک تاریخی ڈیجیٹل تبدیلی کے منصوبے “مکتب (MAKTAB)” کا باقاعدہ آغاز کر دیا

by Ilmiat
written by Ilmiat

ہائر ایجوکیشن کمیشن (HEC) نے جامعات کے تعلیمی، انتظامی اور مالیاتی نظام کو جدید خطوط پر استوار کرنے کے لیے ایک تاریخی ڈیجیٹل تبدیلی کے منصوبے “مکتب (MAKTAB)” کا باقاعدہ آغاز کر دیا ہے۔ یہ منصوبہ عالمی بینک کے تعاون سے جاری ہائر ایجوکیشن ڈویلپمنٹ ان پاکستان (HEDP) منصوبے کے تحت متعارف کرایا گیا ہے۔

MAKTAB کو ملک کی 25 سرکاری جامعات میں نافذ کیا جا رہا ہے، جس کے ذریعے SAP پر مبنی انٹرپرائز ریسورس پلاننگ (ERP)، اسٹوڈنٹ لائف سائیکل مینجمنٹ اور بلیک بورڈ لرننگ مینجمنٹ سسٹم (LMS) کو یکجا کیا گیا ہے۔ اس مربوط نظام کا مقصد جامعات میں شفافیت، انتظامی و مالیاتی کارکردگی، اور ڈیٹا پر مبنی فیصلہ سازی کو فروغ دینا ہے، تاکہ اعلیٰ تعلیم کے شعبے کو زیادہ مؤثر، جوابدہ اور مستقبل کے تقاضوں سے ہم آہنگ بنایا جا سکے۔

May be an image of one or more people, dais, newsroom and text that says 'जে CREXRO St 19 Econor akistan MAKTAB Jng Liunch NA MAKTAB Laungh JY MAKTAB Launch'

منصوبے کی افتتاحی تقریب میں وفاقی وزیر برائے منصوبہ بندی، ترقی و خصوصی اقدامات احسن اقبال چوہدری نے آن لائن شرکت کی، جبکہ وفاقی وزیر مملکت برائے تعلیم و پیشہ ورانہ تربیت وجیہہ قمر نے بالمشافہ شرکت کی۔ اس موقع پر HEC کی اعلیٰ قیادت، وائس چانسلرز اور دیگر اہم شراکت دار بھی موجود تھے۔

شرکاء نے MAKTAB کو پاکستان کے اعلیٰ تعلیمی نظام میں ڈیجیٹل گورننس کے فروغ کی جانب ایک اہم سنگِ میل قرار دیا، جو جامعات کو اسمارٹ، شفاف اور عالمی معیار کے مطابق بنانے میں کلیدی کردار ادا کرے گا۔

0 comment
0 FacebookTwitterPinterestEmail
اہم خبریں

ریکٹر نیشنل یونیورسٹی آف سائنسز اینڈ ٹیکنالوجی (NUST) ڈاکٹر محمد زاہد لطیف نے برطانیہ میں قائم NUST ٹرسٹ فنڈ (NTF) یوکے کے چیئرمین مسٹرطحہ قریشی، ایم بی ای (MBE) سے ملاقات کی،

by Ilmiat
written by Ilmiat

ریکٹر نیشنل یونیورسٹی آف سائنسز اینڈ ٹیکنالوجی (NUST) ڈاکٹر محمد زاہد لطیف نے برطانیہ میں قائم NUST ٹرسٹ فنڈ (NTF) یوکے کے چیئرمین مسٹرطحہ قریشی، ایم بی ای (MBE) سے ملاقات کی، جس میں مستحق طلبہ کی معاونت کے لیے جاری اشتراک اور مستقبل کے امکانات کا جائزہ لیا گیا۔

ملاقات کے دوران NUST اور NTF یوکے کے مابین شراکت داری، وظائف اور اینڈومنٹ میں پیش رفت پر تفصیلی گفتگو کی گئی۔ اس کے علاوہ طلبہ کی مالی معاونت کو پائیدار بنانے کے لیے المنائی اور اوورسیز پاکستانی کمیونٹی کے کردار اور شمولیت کی اہمیت پر بھی تبادلۂ خیال ہوا۔

دونوں فریقین نے اس عزم کا اعادہ کیا کہ مستحق اور باصلاحیت طلبہ کے لیے تعلیمی مواقع میں اضافہ کیا جائے گا اور بین الاقوامی تعاون کے ذریعے وظائف کے دائرہ کار کو مزید وسعت دی جائے گی۔

0 comment
0 FacebookTwitterPinterestEmail
اہم خبریں

ہائر ایجوکیشن کمیشن (HEC) کی نیشنل اکیڈمی آف ہائر ایجوکیشن (NAHE) کے زیرِ اہتمام لاہور کے سیرت سینٹر میں فہمُ القرآن کے موضوع پر ایک روزہ تربیتی ورکشاپ کا انعقاد

by Ilmiat
written by Ilmiat

ہائر ایجوکیشن کمیشن (HEC) کی نیشنل اکیڈمی آف ہائر ایجوکیشن (NAHE) کے زیرِ اہتمام لاہور کے سیرت سینٹر میں فہمُ القرآن کے موضوع پر ایک روزہ تربیتی ورکشاپ منعقد کی گئی۔ اس علاقائی تربیتی پروگرام میں سرکاری و نجی شعبے کی اعلیٰ تعلیمی جامعات سے وابستہ عربی اور اسلامیات کے اساتذہ نے شرکت کی، جس کا مقصد لازمی دو کریڈٹ آورز پر مشتمل فہمِ قرآن کورس کی مؤثر تدریس کے لیے اساتذہ کی پیشہ ورانہ صلاحیتوں میں اضافہ کرنا تھا۔

ورکشاپ کے دوران شرکاء کی فکری وضاحت، تدریسی اسالیب اور قرآنِ حکیم پر غور و فکر (تدبر) کے پہلوؤں کو مضبوط بنانے پر توجہ دی گئی، تاکہ اساتذہ اپنے اپنے اداروں میں فہمُ القرآن کورس کو زیادہ مؤثر انداز میں پڑھا سکیں۔

افتتاحی تقریب سے خطاب کرتے ہوئے سیرت سینٹر کے ڈپٹی ڈائریکٹر، جناب عرفان شیراز نے اس امر پر زور دیا کہ قرآنِ مجید کی محض تلاوت ہی نہیں بلکہ اس کے معانی اور پیغام کو سمجھنا وقت کی اہم ضرورت ہے۔

اختتامی تقریب سے خطاب کرتے ہوئے لاہور کالج فار ویمن یونیورسٹی کی وائس چانسلر، ڈاکٹر عظمیٰ قریشی نے ہائر ایجوکیشن کمیشن کی جانب سے بروقت اور بامقصد تربیتی پروگرام کے انعقاد کو سراہا۔ انہوں نے جامعات کے کردار کو اجاگر کرتے ہوئے کہا کہ اقدار پر مبنی تعلیم کے فروغ میں اساتذہ کا کلیدی کردار ہے، اور اساتذہ کو چاہیے کہ وہ ورکشاپ سے حاصل شدہ سیکھنے کے نتائج کو اپنی تدریسی سرگرمیوں میں عملی طور پر نافذ کریں۔

0 comment
0 FacebookTwitterPinterestEmail
اہم خبریں

سیرت النبی ﷺ کی پیروی سے فرد اور معاشرہ دونوں کی اصلاح ممکن ہے، نبی اکرم ﷺ نے ہمیشہ انسانیت کے حقوق کا خیال رکھا، مظلوموں کی مدد کی

by Ilmiat
written by Ilmiat

….چیئرمین اسلامی نظریاتی کونسل علامہ ڈاکٹر محمد راغب حسین نعیمی نے کہاہے کہ اصلاح معاشرہ کیلئے سیرت النبی ﷺ کاپیغام عام کرنا ہوگا، سیرت النبی ﷺ کی پیروی سے فرد اور معاشرہ دونوں کی اصلاح ممکن ہے، نبی اکرم ﷺ نے ہمیشہ انسانیت کے حقوق کا خیال رکھا، مظلوموں کی مدد کی اور امن کی اہمیت پر زور دیا۔ ان خیالات کا اظہار انہوں نے دارالعلوم جامعہ نعیمیہ میں ڈاکٹر سرفراز نعیمی شہید انسٹی ٹیوٹ آف اسلامک سائنسز کے زیراہتمام درس حدیث کی اختتامی تقریب سے خطاب کرتے ہوئے کیا۔

تقریب میں معروف سیرت نگار ڈاکٹر طارق شریف زادہ، مفتی سخاوت منیر،مفتی بلال فاروق نعیمی،مفتی محمود انور، مولانا عامر سلمان، مولانا مسعود احمد سیالوی، قاری محمد ذوالفقار نعیمی، مولانا محمد سلیم نعیمی، مولانا محمد علی بٹ، مفتی شہزاد احمد نعیمی سمیت ادارے کے اساتذہ و طلبہ نے بھرپور شرکت کی۔ چیئرمین اسلامی نظریاتی کونسل علامہ ڈاکٹر محمد راغب حسین نعیمی نے طلبہ کو درس حدیث دیتے ہوئے معاشرتی رسومات اور اسلام کی حقیقی تعلیمات پر روشنی ڈالی۔

انہوں نے کہا کہ صدقہ اسلام کا ایک نمایاں اقتصادی اور اخلاقی تصور ہے، یہ صرف مالی امداد نہیں بلکہ ایک روحانی تذکیہ کا ذریعہ بھی ہے، صدقہ صرف مال دینا ہی نہیں بلکہ مسکرا کر بات کرنا، راستے سے تکلیف دہ چیز ہٹانا اور کسی کو اچھا مشورہ دینا بھی صدقہ ہے، اسلام نے صدقہ کو غربت کے خاتمے، دلوں کی نرمی اور معاشرتی عدل کے قیام کا ذریعہ قرار دیا ہے۔ انہوں نے کہا کہ مسلمان رسومات کی بجائے نبی کریم ؐ کی تعلیمات پر عمل پیرا ہوں، سیرت النبیؐ ایک مکمل ضابطہ حیات ہے جو انسانیت کی فلاح کے لئے بہترین رہنمائی فراہم کرتی ہے۔تقریب کے اختتام پر ملک وقوم کی سلامتی کیلئے خصوصی دعا کرائی گئی۔

0 comment
0 FacebookTwitterPinterestEmail
اہم خبریں

وفاقی وزارتِ تعلیم کا بڑا فیصلہ، نیشنل اچیومنٹ ٹیسٹ 2026 میں پہلی بار نجی سکولز بھی شامل….ملکی تاریخ میں پہلی بار قومی سطح پر ‘نیشنل فاؤنڈیشنل لرننگ اسسمنٹ’ منعقد کرنے کا بھی اعلان.

by Ilmiat
written by Ilmiat

وفاقی وزارت تعلیم و پیشہ وارانہ تربیت نے پاکستان کے تعلیمی جائزے (Learning Assessment) کے نظام میں بڑی توسیع کا اعلان کرتے ہوئے پہلی بار نجی شعبے کے سکولوں کو بھی ’’نیشنل اچیومنٹ ٹیسٹ‘‘ (این اے ٹی) 2026 میں شامل کرنے کا فیصلہ کیا ہے۔ اس شمولیت کے ساتھ ساتھ وزارت نے ملکی تاریخ میں پہلی بار قومی سطح پر ‘نیشنل فاؤنڈیشنل لرننگ اسسمنٹ’ منعقد کرنے کا بھی اعلان کیا ہے تاکہ ابتدائی جماعتوں میں تعلیمی نتائج کو جانچا جا سکے۔

وفاقی سیکرٹری تعلیم ندیم محبوب نے میڈیا کو بریفنگ دیتے ہوئے بتایا کہ وزارت نے قومی اسسمنٹ فریم ورک کو پائیدار ترقی کے اہداف کے اشاریوں سے ہم آہنگ کیا ہے، اس کا مقصد تعلیمی معیار پر قابلِ بھروسہ اور تقابلی شواہد اکٹھے کرنا ہے تاکہ بین الاقوامی سطح پر رپورٹنگ کے وعدوں کو پورا کیا جا سکے۔اسسمنٹ کی تفصیلات بتاتے ہوئے ندیم محبوب نے کہا کہ یہ امتحانات پانچویں اور آٹھویں جماعت کی سطح پر منعقد ہوں گے جن میں تمام صوبوں اور علاقوں کے سکولز شامل ہوں گے۔

انہوں نے زور دیا کہ نجی شعبے کو اس دائرہ کار میں لانے سے ملک بھر میں تعلیمی نتائج کی ایک جامع اور حقیقی تصویر سامنے آئے گی۔ نیشنل اچیومنٹ ٹیسٹ 2026 اور نیشنل فاؤنڈیشنل لرننگ سٹڈی کے تحت سائنسی بنیادوں پر سیمپلنگ کے ذریعے 20 ہزار سے زائد طلباء کا جائزہ لیا جائے گا تاکہ نتائج کی شفافیت اور درستگی کو یقینی بنایا جا سکے۔

پس منظر پر روشنی ڈالتے ہوئے سیکرٹری تعلیم نے بتایا کہ نیشنل اچیومنٹ ٹیسٹ 2023 کے نتائج میں ’’سنگین تعلیمی بحران‘‘ کی نشاندہی ہوئی تھی، جس کی بنیاد پر وزیراعظم پاکستان نے ’’ایجوکیشن ایمرجنسی‘‘ نافذ کی۔ انہوں نے مزید کہا کہ سکول سے باہر بچوں کی واپسی اور ان کی تعلیمی ضروریات پوری کرنا وفاقی اور صوبائی حکومتوں کی مشترکہ ذمہ داری ہے۔اس منصوبے پر عملدرآمد پاکستان انسٹی ٹیوٹ آف ایجوکیشن (پی آئی ای) کرے گا جسے امریکن انسٹی ٹیوٹس فار ریسرچ (اے آئی آر) کی تکنیکی معاونت حاصل ہوگی۔

0 comment
0 FacebookTwitterPinterestEmail
اہم خبریں

ملکی ترقی میں انجینئرز کا کلیدی کردار، معرکۂ حق کے بعد معرکۂ ترقی میں بھی کامیابی حاصل کریں گے….حکومت نوجوان انجینئرز کو برسرِ روزگار لانے کے لیے رواں سال انٹرن شپ پروگرام شروع کرنے جا رہی ہے، جس کا منصوبہ وزارتِ منصوبہ بندی نے مکمل کر لیا ہے….احسن اقبال

by Ilmiat
written by Ilmiat
 یونیورسٹی آف انجینئرنگ اینڈ ٹیکنالوجی (یو ای ٹی) لاہور کی سالانہ ایلومنائی تقریب شاندار، پُروقار اور بھرپور انداز میں منعقد ہوئی، جس میں وفاقی وزیر برائے منصوبہ بندی، ترقی اور خصوصی اقدامات اور یو ای ٹی کے ممتاز ایلومنائی پروفیسر احسن اقبال نے بطور مہمانِ خصوصی شرکت کی، جبکہ تقریب کی صدارت وائس چانسلر یو ای ٹی پروفیسر ڈاکٹر شاہد منیر نے کی۔
تقریب میں مختلف جامعات کے وائس چانسلرز، ڈینز، ڈائریکٹرز، شعبہ جاتی سربراہان، فیکلٹی ممبران، ملک بھر سے سابق طلبہ اور کینیڈا، امریکہ، برطانیہ، سعودی عرب، دبئی سمیت دنیا کے مختلف ممالک سے تعلق رکھنے والے یو ای ٹی ایلومنائی کی بڑی تعداد نے شرکت کی۔
تقریب سے خطاب کرتے ہوئے وفاقی وزیر پروفیسر احسن اقبال نے کہا کہ انجینئرز ملکی ترقی میں ریڑھ کی ہڈی کی حیثیت رکھتے ہیں اور ان کے مؤثر کردار کے بغیر پائیدار ترقی کا تصور ممکن نہیں۔ انہوں نے کہا کہ ملکی معیشت درست سمت میں گامزن ہو چکی ہے اور حکومت کا ہدف ہے کہ 2035 تک پاکستان کو ایک ٹریلین ڈالر کی معیشت بنایا جائے۔ انہوں نے کہا کہ معرکۂ حق کے بعد اب معرکۂ ترقی ہے اور اس میں بھی پاکستان کامیابی حاصل کرے گا۔
May be an image of one or more people and text that says "University of Engineering & Technology, Lahore (105 Years of Academic Excellence) CABEEE ALUMNI UN UNON ALUMNIL:UN:ON2026 ON 2026 "Old Recann MEPS y0 ไมกบิบพร Sreen ucoK ints|Lnebedl WWEOONM ፍችድ BRICIBMSOL GERI SRICI BMSOL 代温 ИЛИK"
افاقی وزیر نے اعلان کیا کہ حکومت نوجوان انجینئرز کو برسرِ روزگار لانے کے لیے رواں سال انٹرن شپ پروگرام شروع کرنے جا رہی ہے، جس کا منصوبہ وزارتِ منصوبہ بندی نے مکمل کر لیا ہے۔ انہوں نے کہا کہ جس طرح میڈیکل گریجویٹس کے لیے ہاؤس جاب لازمی ہوتی ہے، اسی طرز پر ملک میں جاری ترقیاتی منصوبوں میں انجینئرز کے لیے ایک سالہ انٹرن شپ لازمی کی جائے گی، جس کے دوران انہیں وظیفہ بھی دیا جائے گا۔ یہ پروگرام وزیراعظم یوتھ پروگرام کے تحت جلد لانچ کیا جائے گا، جس سے نئے انجینئرز کو عملی تجربہ حاصل ہو سکے گا۔
May be an image of one or more people and text that says "University ofEngineering and Technology Lahore (105ycarsof'academic (105 ycars of academic Excellence) YAMG税E (Vice Chancellor) な Puy UNIVERSITY OF ENGINEERING TECHNOLOGY. LAHORE しやーにん VICE ハーお1にのししぞ Rupees TиΣEE MULIEY つくも Or Bearer သှိ ば 1エッ江6 PKR 3,000,000 nll GT Road, น้หยะ Vignalare"
اس موقع پر وائس چانسلر یو ای ٹی پروفیسر ڈاکٹر شاہد منیر نے خطاب کرتے ہوئے ادارے کی مجموعی کارکردگی، تعلیمی معیار، تحقیقی منصوبوں اور مستقبل کے اہداف پر تفصیلی بریفنگ دی۔ انہوں نے ایلومنائی کے کردار کو سراہتے ہوئے کہا کہ یو ای ٹی کے سابق طلبہ ادارے اور ملکی ترقی میں نمایاں خدمات انجام دے رہے ہیں۔ وائس چانسلر نے کامیاب سالانہ ایلومنائی تقریب کے انعقاد پر مینجمنٹ کمیٹی کی انتھک محنت، پیشہ ورانہ صلاحیتوں اور منظم کاوشوں کو بھی بھرپور انداز میں سراہا۔
0 comment
0 FacebookTwitterPinterestEmail
اہم خبریں

جامعہ پشاور کی جامعہ پشاور کے شعبہ صحافت و ابلاغِ عامہ (JMC) کی چیئرپرسن ڈاکٹر مہناز گلUIN جکارتہ میں بین الاقوامی نمائندگی

by Ilmiat
written by Ilmiat

جامعہ پشاور کے شعبہ صحافت و ابلاغِ عامہ (JMC) کی چیئرپرسن ڈاکٹر مہناز گل نے وزٹنگ گرانٹ 2025 کے تحت انڈونیشیا کی معروف درسگاہ Universitas Islam Negeri (UIN) Syarif Hidayatullah Jakarta میں بطور سینئر ریسرچ فیلو جامعہ پشاور کی نمائندگی کی۔یہ گرانٹ بین الاقوامی ریسرچ فیلوز کو مشترکہ تحقیقی منصوبوں، علمی مہارتوں کے فروغ، مشترکہ تحقیقی اشاعتوں، اور سیمینارز، ورکشاپس و کیپیسٹی بلڈنگ سرگرمیوں میں شرکت کے مواقع فراہم کرنے کے لیے ترتیب دی گئی ہے۔

May be an image of one or more people, television, dais, newsroom and text

اپنی فیلوشپ کے دوران ڈاکٹر مہناز گل نے میڈیا ریسرچ، ابلاغیات اور پاکستان میں میڈیا پالیسیز کے موضوعات پر لیکچرز اور سیمینارز منعقد کیے، UIN کے پی ایچ ڈی طلبہ کے ساتھ ریسرچ کلینکس کا انعقاد کیا اور فیکلٹی آف کمیونیکیشن کے نوجوان اساتذہ کی رہنمائی کی۔ اس کے علاوہ، انہوں نے مشترکہ تحقیقی منصوبوں اور علمی اشاعتوں پر بھی تعاون کیا، جس سے دونوں جامعات کے مابین علمی روابط مزید مضبوط ہوئے۔ان کے دورے کی ایک اہم جھلک فیکلٹی آف کمیونیکیشن کے ڈین ڈاکٹر گن گن ہریانتو سے ملاقات تھی، جس میں طلبہ کے تبادلہ پروگرامز اور مشترکہ تحقیقی اقدامات پر تبادلہ خیال کیا گیا۔ یہ ملاقات مستقبل میں طویل المدتی تعلیمی تعاون کے لیے ایک مؤثر پلیٹ فارم ثابت ہوئی۔

ڈاکٹر مہناز گل کی علمی خدمات اور رہنمائی کو UIN جکارتہ کی جانب سے بھرپور سراہا گیا اور انہیں تعریفی اسناد اور اعزازات سے نوازا گیا۔

 

0 comment
0 FacebookTwitterPinterestEmail
اہم خبریں

پنجاب ہائر ایجوکیشن کمیشن (PHEC) نے بیرونِ ملک مقیم پاکستانی ماہرین، ماہرِ تعلیم، صنعت اور کاروباری شعبے کے رہنماؤں کو صوبے کی جامعات کو مضبوط بنانے میں شمولیت کی دعوت دی ہے۔

by Ilmiat
written by Ilmiat

پنجاب ہائر ایجوکیشن کمیشن (PHEC) نے بیرونِ ملک مقیم پاکستانی ماہرین، ماہرِ تعلیم، صنعت اور کاروباری شعبے کے رہنماؤں کو صوبے کی جامعات کو مضبوط بنانے میں شمولیت کی دعوت دی ہے۔اس اقدام کے تحت جامعات میں مینٹورشپ، فیکلٹی ڈویلپمنٹ، نصاب میں اصلاحات، عالمی شراکت داریوں اور جدید تحقیق کے فروغ پر توجہ دی جا رہی ہے، جسے صوبائی سطح پر پختہ عزم اور طویل المدتی منصوبہ بندی کی حمایت حاصل ہے۔

دلچسپی رکھنے والے افراد سے گزارش ہے کہ فارم جمع کرانے کے لیے کیو آر کوڈ اسکین کریں یا فراہم کردہ لنک ملاحظہ کریں۔

https://linkages.punjabhec.gov.pk/

#PHEC #mentorship #curriculum #PakistaniExpats ,. #PHEC#riphahinternationaluniversity#highereducation,

#####
Nawaz Sharif Center of Excellence for Early Childhood Education Rana Sikandar Hayat,
University of the Punjab Government College Women University Sialkot Rana Sikandar Hayat Lahore College For Women University – Official The Government Sadiq College Women University Bahawalpur Pakistan Higher Education Commission, Pakistan

 

0 comment
0 FacebookTwitterPinterestEmail
Newer Posts
Older Posts