اسلام آباد: پاکستان کی علمی اور ادارہ جاتی یادداشت کو محفوظ بنانے کے لیے ایک اہم اقدام کے طور پر نیشنل یونیورسٹی آف سائنسز اینڈ ٹیکنالوجی (نَسٹ) اور نیشنل آرکائیوز آف پاکستان (NAP) کے درمیان مفاہمتی یادداشت (MoU) پر دستخط کیے گئے۔یہ معاہدہ نَسٹ سینٹرل لائبریری میں ایک پروقار تقریب کے دوران طے پایا، جس کے مہمانِ خصوصی وفاقی وزیر برائے پارلیمانی امور، جناب طارق فضل چوہدری تھے۔ اس موقع پر کابینہ ڈویژن کے سینئر حکام نے بھی شرکت کی۔معاہدے کا مقصد یونیورسٹی سطح پر آرکائیونگ کے عمل کو فروغ دینا اور پاکستان کی علمی و تحقیقی تاریخ کو مؤثر انداز میں محفوظ کرنا ہے۔