کمالیہ: پنجاب کی پانچ جامعات — یونیورسٹی آف کمالیہ، غازی یونیورسٹی ڈیرہ غازی خان، تھل یونیورسٹی بھکر، یونیورسٹی آف ایجوکیشن لاہور اور گورنمنٹ کالج یونیورسٹی لاہور — نے تاریخی “اصلاح کنسورشیم” (Innovation, Skills, Learning, Academics, and Hope) کے قیام کے لیے باہمی معاہدے پر دستخط کر دیے۔
یہ انقلابی اقدام نئی قائم شدہ جامعات کو اُن اداروں کے ساتھ جوڑتا ہے جن کی علمی و تحقیقی وراثت ایک صدی پر محیط ہے، اور پنجاب کے مکمل جغرافیائی تناظر کو محیط کرتا ہے۔کنسورشیم کا مقصد ملک بھر تک وسعت اختیار کرنا ہے تاکہ طلبہ، اساتذہ اور کمیونٹیز کے لیے نئے تعلیمی و تحقیقی مواقع فراہم کیے جا سکیں۔ اس پلیٹ فارم کے تحت جامعات مشترکہ تحقیق، فیکلٹی ڈیولپمنٹ، طلبہ کے تبادلہ پروگرامز، انوویشن لیبز اور کمیونٹی آؤٹ ریچ سرگرمیوں پر تعاون کریں گی، جس سے مستقبل کے تقاضوں سے ہم آہنگ گریجویٹس اور مضبوط اعلیٰ تعلیمی ادارے پاکستان کو میسر آئیں گے۔
