Uncategorized

پاکستان کے ستترہویں یوم آزادی کے موقع پر اوکاڑہ یونیورسٹی میں پر وقار تقاریب کا انعقاد کیا گیاجن میں پرچم کشائی، شجرکاری اور سیمینار سرفہرست ہیں۔ وائس چانسلر پروفیسر واجد نے اساتذہ ، انتظامی افسران اور طلباء کی بڑی تعداد کے ہمراہ یونیورسٹی کے اوکاوین چوک میں پرچم کشائی کی۔
اس موقع پر یونیورسٹی کے سیکیورٹی اہلکاروں کے چاق و چوبند دستے نے وائس چانسلر کو گارڈ آف آنر پیش کیا اور قومی ترانہ بجایا گیا۔ پرچم کشائی کے بعد شجر کاری کی گئی، یوم آزادی کا کیک کاٹا گیا اور ایک سیمینارمنعقد ہوا۔اس سے پہلے گزشتہ رات کو چودہ اگست کی مناسبت سے یونیورسٹی کی عمارات پہ سبز چراغاں کی گئی۔ ان تمام تقاریب اور سرگرمیوں کا اہتمام ڈائریکٹوریٹ آف اسٹوڈنٹ افئیرز، دفتر تعلقات عامہ اور سیکیورٹی آفس نے کیا۔
پرچم کشائی کی تقریب کے شرکاء سے بات کرتے ہوئے پروفیسر واجد نے طلباء کو نصیحت کی کہ وہ اپنی زندگیاں علامہ اقبال کے فلسفے کی روشنی میں گزاریں۔ انہوں کا مزید کہنا تھا کہ عظیم اقوام اپنا شاندار ماضی کبھی نہیں بھولتی، ہمیں یہ ملک قائد اعظم کی ہدایات کے تحت چلانا چاہیے۔
وائس چانسلر نے اندرونی اور بیرونی خطرات کے سامنے ملک کے دفاع اور سالمیت کو ناقابل تسخیر بنانے کےلیے افواج پاکستان کو خراج تحسین پیش کیا۔
سیمینار میں یونیورسٹی کے اسٹاف اور مختلف شعبہ جات کے طلباء نے ملکی نغمے، شاعری اور تقاریر پیش کیں۔ حکومت کی پلانٹ فار پاکستان مہم کے تحت پروفیسر واجد نے محکمہ جنگلات کے افسران اور یونیورسٹی آسٹاف کے ہمراہ پودے لگائے۔ انہوں نے شجر کاری مہم کو پورے مون سون کے دوران جاری رکھنے کے عزم کا بھی اعادہ کیا۔

بہاؤ الدین زکریا یونیورسٹی میں آزادی کی 77 ویں سالگرہ کا وائس چانسلر، پروفیسر ڈاکٹر محمد علی.کی زیر صدارت ہوا۔ تقریب کا آغاز تلاوت کلام پاک سے ہوا۔، جس کے بعد قومی ترانہ گایا گیا،۔ ا
ڈاکٹر محمد علی (T.I.، S.I.) نے اپنے آباؤ اجداد کی قربانیوں اور پاکستان کو دوبارہ عظیم بنانے کی ذمہ داری پر زور دیتے ہوئے۔ اپنے خطاب میں کہا کہ ہمارے بھرپور قدرتی وسائل اور ہمارے نوجوانوں کی بے پناہ صلاحیتوں پر روشنی ڈالی اور سب پر زور دیا کہ وہ اپنی کوششوں کو ملک کی ترقی کی طرف موڑ دیں۔
ا شاندار خدمات کے اعتراف میں، سوسائٹی کے 11 صدور کو تمغوں سے نوازا گیا، اور 4 غیر معمولی طلباء کو 2023-24 کے سیشن میں ان کے مثالی کام کے لیے باوقار ”رول آف آنر” ایوارڈ سے نوازا گیا۔

اسلامیہ یونیورسٹی بہاول پور میں یوم آزادی کی مرکزی تقریب عباسیہ کیمپس میں منعقد ہوئی۔ پروفیسر ڈاکٹر نوید اختر وائس چانسلراسلامیہ یونیورسٹی بہاول پور نے پرچم کشائی کی۔ اس موقع پر ڈینز، سینئر اساتذہ کرام، معززین شہر اور طلبا و طالبات موجود تھے۔ اپنے صدارتی خطاب میں وائس چانسلر اسلامیہ یونیورسٹی بہاول پور پروفیسر ڈاکٹر نویدا ختر نے کہا کہ آج آزادی کا دن ہے۔ آج سے ٹھیک 77 سال قبل اسلامیان برصغیر نے قائد اعظم کی قیادت میں انگریز سامراج اور ہندو بالا دستی سے نجات پاکر دنیا کی سب سے بڑی مملکت پاکستان اس عہد کے ساتھ حاصل کی تھی کہ یہ مملکت مسلم امہ کے لیے نظریاتی تجربہ گاہ ہو گی۔ انہوں نے کہا کہ یہ وطن برطانوی سامراج کے خلاف بر عظیم کے مسلمانوں کی دو سو سال کی جد وجہد کا حاصل اور ثمر ہے۔پاکستان رب کائنات کی طرف سے ایک عظیم نعمت ہے۔ جن مقاصد کے لیے بر صغیر کے مسلمانوں نے عظیم جدوجہد کی تھی وہ ضرور پورے ہوں گے۔ ہم سب پر یہ ذمہ داری عائد ہوتی ہے کہ ہم سب مل کر قائد اعظم محمد علی جناح کے اصولوں اتحاد، ایمان، تنظیم اور یقین محکم پر کار بند ہو کر اپنے ملک کا نام روشن کریں۔ علاقائی، لسانی اور فرقہ واریت سے بالاترہو کر ایک خودار قوم بن کر تعمیر پاکستان میں اپنی ذمہ داریاں پوری کریں یہی تجدید عہد ہے۔وائس چانسلر نے یوم آزادی اور پلانٹ فار پاکستان مہم کے تحت نوجوانوں میں شجر کاری کے لئے پودے تقسیم کیے۔


لاہور (14-08-24): یو نیورسٹی آف ویٹرنری اینڈ اینیمل سائنسز لاہور میں گذشتہ روز پاکستان کے ستترہویں یوم آزادی کے حوالے سے ایک پرُ وقارتقر
 یب منعقدہو ئی۔ جس میں وائس چانسلر میری ٹو ریئس پروفیسر ڈاکٹرمحمد یونس (تمغہ امتیاز) نے ڈین فیکلٹی آف ویٹر نری سائنس پروفیسر ڈاکٹر انیلہ ضمیر درا نی، پروفیسر ڈاکٹر کامران اشرف، پروفیسر ڈاکٹر مطیع الرحمن اور رجسٹرار سجاد حیدرکے ہمراہ پرچم کشائی کی۔ تقر یب میں یو نیورسٹی کے فیکلٹی ممبران،ایڈ منسٹر یٹیو سٹاف اور اُن کی فیملیز کی بڑی تعداد نے شرکت کی۔ جشن آ زا دی کے حوا لے سے یونیورسٹی میں پاکستان کی سلامتی و تر قی، کشمیر اور فلسطین کی آزادی کے لیئے خصو صی دعا کی گئی نیزدن کی منا سبت سے یونیورسٹی میں کیک کاٹنے کی تقریب کا انعقاد بھی ہوا۔دریں اثنا ء سٹی کیمپس میں ہر یا لی کو فرو غ دینے کی غرض سے پروفیسر ڈاکٹرمحمد یونس نے دیگر سینئر فیکلٹی ممبران و افسران کے ہمراہ بڑ ی تعداد میں پودے بھی لگا ئے۔
+
اُس مو قع پر خطاب کرتے ہوئے پرو فیسرڈاکٹرمحمد یونس نے اسا تذہ، طلبہ اورملازمین کو پاکستان کے ستترہویں یوم آزادی کی مبا رکبا د پیش کی نیز اُ نہو ں نے

a بر صغیر پاک و ہند کے مسلما نو ں کے لیئے ایک آزا د ملک کے حصول سے متعلقہ قا ئد اعظم محمد علی جناح کی سیا سی جدو جہد اور ادا کی گئی انتھک کاوشوں اور گراں قدر خدمات پر خراج تحسین پیش کیا۔ پروفیسر ڈاکٹر محمد یونس نے کہا کہ ہما ر ے بز ر گو ں نے ایک آ زاد ملک کے حصول کی جدو جہد میں اپنی بیش قدر قیمتی جا نو ں کے نذ را نے پیش کیئے،تب ہمیں خدا نے آزا دی کی نعمت سے نوا ز ا کہ آج ہم ایک آزاد ملک میں ایک آزاد قوم کی طر ح زندگی گز ار رہے ہیں۔اُ نہو ں نے کہا کہ ہمارا ملک اسلام کے نام پر حا صل کیا گیا تھا اور ہمیں اس بات پر پورا فخر ہے نیز کہا کہ پاکستانی ہونے کے نا طے ہم پر ذمہ داری عا ئد ہو تی ہے کہ ہم اپنے علم و عمل سے ملک کی تر قی میں اپنا کلیدی کردار ادا کریں۔د ریں اثنا ویٹر نری یونیورسٹی کے تمام کیمپسز جن میں راوی کیمپس پتوکی، کالج آف ویٹر نری اینیمل سائنسز جھنگ،خا ن بہا در چو ہدری مشتاق احمد کالج آف ویٹر نری اینیمل سائنسز نارووال اور پیراویٹر نری انسٹی ٹیو ٹ کروڑ لعل ایسن لیہ کیمپس میں بھی پرچم کشائی کی تقاریب منعقد ہو ئیں۔


یونیورسٹی آف انجینئرنگ اینڈ ٹیکنالوجی لاہور میں 77ویں یوم آزادی کی مناسبت سے پرچم کشائی کی رنگا رنگ تقریب کا انعقاد کیا گیا۔ کیمپس کو برقی قمقموں اور جھنڈوں سے سجایا گیا نیز ملی نغمے بھی پیش کیے گئے۔ وائس چانسلر یو ای ٹی پروفیسر ڈاکٹر ناصر حیات نے بطور مہمان خصوصی شر کت کی اور قومی پرچم لہرا کر تقریب کا باقاعدہ آغاز کیا۔ چاک و چوبند گارڈز نے سلامی پیش کی۔ تقریب میں ڈینز، چیئرپرسنز، رجسٹرار، دائریکٹر ککس، ڈی ایس اے،کنٹرولر امتحانات، پی آر او، دیگر تعلیمی و انتظامی عملے اور طلباء کی کثیر تعداد نے شرکت کی۔ جشن آزادی کے اس پر مسرت موقع پر فیملیز بالخصوص بچوں کا جوش و خروش دیدنی تھا۔ تقریب کے اختتام پرڈی ایس اے آفس کی جانب سے منعقد ہونے والے اردو اور انگریزی مضمون نویسی اور ذہنی آزمائش کے مقابلہ جات میں پہلی اور دوسری پوزیشن حاصل کرنے والے طلباوطالبات میں اسناد تقسیم کی گئیں۔ جشن آزادی کی مناسبت سے کیک کاٹا گیا پودے بھی لگائے گئے نیزملک میں امن و امان اور خوشحالی کیلئے خصوصی دعا کی گئی۔

:وائس چانسلر پنجاب یونیورسٹی پروفیسر ڈاکٹر خالد محمود نے کہا ہے کہ غلام قوموں پر نظر ڈالیں تو آزادی کی قدرو قیمت معلوم ہوتی ہے،ہمیں آزادی کی نعمت سے نوازنے پر اللہ تعالیٰ کا شکرگزار ہونا چاہیے۔ وہ پنجاب یونیورسٹی میں یوم آزادی کے موقع پر ایڈمن بلاک کے سامنے منعقدہ پرچم کشائی کی تقریب سے خطاب کررہے تھے۔ اس موقع پر رجسٹرار ڈاکٹر احمد اسلام، ایشین روئنگ چیمپئین شپ میں گولڈ میڈلزجیتنے والے پنجاب یونیورسٹی کے طلباء عبدالرحمن، گوہر ایوب، زرک خان اور اقراء سمیت اساتذہ،افسران، ملازمین، طلباء و طالبات، فیملیزنے بھرپور شرکت کی۔ تقریب میں وائس چانسلر نے پرچم کشائی کی اورکبوتر آزاد کئے۔اپنے خطاب میں پروفیسر ڈاکٹر خالد محمود نے کہا کہ مقبوضہ کشمیر اور بھارت میں آج بھی اقلیتیں ہندووٗں کے ظلم و ستم کا شکار ہیں۔ انہوں نے کہا کہ بھارت میں مسلمانوں کو آج بھی مذہبی، ثقافتی و معاشی آزادی میسر نہیں۔ انہوں نے کہا کہ ہم قائد اعظم محمد علی جناح، علامہ اقبال و دیگر رہنماوں کی سوچ اور کوششوں کو خراج تحسین پیش کرتے ہیں جنہوں نے بروقت اس ضرورت کا احساس کیا کہ ہماری قوم کو الگ وطن کی ضرورت ہے۔ انہوں نے کہا کہ پنجاب یونیورسٹی گوادر سے سکردو تک بچوں کو تعلیم دیتی ہے۔انہوں نے کہا کہ محنت،کوشش،ایمانداری اور صلاحیتیوں کو بروئے کار لا کر پاکستانی قوم کو دنیا کی بہترین قوم بنائیں گے۔ انہوں نے کہا کہ طلباء،اساتذہ و ملازمین ملکی ترقی اور اتحاد کے فروغ میں کردار ادا کریں۔ انہوں نے کہا کہ پاکستانی قوم صلاحیتوں کے اعتبار سے کسی سے کم نہیں۔انہوں نے کہاکہ اساتذہ و ملازمین کلاسز و دفاتر میں ملکی ترقی کے لئے کام کریں۔تقریب میں ایشین روئنگ چیمپئین شپ میں گولڈ میڈل حاصل کرنے والے طلباؤ طالبہ کو خراج تحسین پیش کیا گیا۔ تقریب کے اختتام پر ملک و قوم کی سلامتی کے لئے دعائیں کی گئیں۔ بعد ازاں وائس چانسلر پروفیسر ڈاکٹر خالد محمود نے سنٹر آف ایکسی لینس ان مالیکیولر بائیولوجی (کیمب) میں شجر مہم کے سلسلے میں پودا لگا کرزیتون کے باغ کا افتتاح کیا۔ اس موقع پر ڈائریکٹر کیمب ڈاکٹر معاذ الرحمان، ڈائریکٹر سنٹر فار اپلائیڈ مالیکیولر بائیولوجی پروفیسر ریحان صادق، یونیورسٹی آف میری لینڈ، امریکہ سے پروفیسر زبیر احمد،سابق ڈائریکٹرز پروفیسر طیب حسنین اورپروفیسر احمد علی شاہد، سینئر پروفیسرز پروفیسر کوثر ملک،پروفیسر ادریس خان اور ملازمین نے شرکت کی۔ اپنے پیغام میں ڈاکٹر خالد محمود کا کہنا تھا کہ پاکستان کے محفوط مستقبل کیلئے سب کوزیادہ سے زیادہ پودے لگانا ہوں گے۔ انہوں نے کہاکہ سرسبروشاداب پاکستان سے ہی موسمیاتی تبدیلیوں سے بچا جا سکتا ہے۔  

چیئرمین ایچ ای سی ڈاکٹر مختار احمد تقریب کے مہمان خصوصی تھے ، جس میں ایگزیکٹو ڈائریکٹر ایچ ای سی ڈاکٹر ضیاء القیوم ، سینئر مینجمنٹ اور ایچ ای سی کے متعدد عملے کے ارکان نے شرکت کی ۔ اپنے خطاب میں ڈاکٹر مختار احمد نے ایک خوشحال قوم کی بنیاد کے طور پر تعلیم کی اہمیت پر زور دیا ۔ انہوں نے سب کو پاکستان کی بہتری کے لیے مل کر کام کرنے کی ترغیب دی اور ان پر زور دیا کہ وہ ملک کے مستقبل کی تشکیل میں دیانتداری ، اختراع اور لگن کے ساتھ قیادت کریں ۔

علامہ اقبال اوپن یونیورسٹی (اے آئی او یو) میں ایک شاندار تقریب منعقد ہوئی، جہاں یونیورسٹی کی گولڈن جوبلی کے موقع پر یادگاری ڈاک ٹکٹوں کی رونمائی کی گئی۔ اس تقریب کے مہمان خصوصی وزیر برائے صنعت و پیداوار، رانا تنویر حسین تھے۔

یہ اہم سنگ میل خصوصی ڈاک ٹکٹوں کے اجراء کے ساتھ منایا گیا، جو یونیورسٹی کی معیاری تعلیم فراہم کرنے اور اس کے سماجی اثرات کی علامت ہیں۔ اپنے خطاب میں وزیر برائے صنعت و پیداوار، رانا تنویر حسین نے پاکستان کے تعلیمی شعبے میں اے آئی او یو کی شاندار خدمات کی تعریف کی۔ انہوں نے اس بات پر زور دیا کہ ایسے سنگ میل تعلیمی اداروں کی کوششوں کو تسلیم کرنے کے لیے بہت اہم ہیں جو قوم کے مستقبل کی تشکیل میں کردار ادا کر رہے ہیں۔ ” نے سب کے لیے قابل رسائی تعلیم کو فروغ دینے میں اہم کردار ادا کیا ہے، اور یہ یادگاری ٹکٹ اس کی پائیدار وراثت کی گواہی ہیں،” انہوں نے کہا۔

پروفیسر ڈاکٹر ناصر محمود، وائس چانسلر اے آئی او یو نے اس تاریخی تقریب میں تعاون پر پاکستان پوسٹ کا شکریہ ادا کیا۔ انہوں نے یونیورسٹی کے پچھلے پچاس سالوں کے سفر کو اجاگر کیا اور اہم کامیابیوں اور سنگ میل کا ذکر کیا۔ “جب ہم اپنے سفر پر نظر ڈالتے ہیں، تو ہم اپنے محنتی اساتذہ، عملے اور طلباء کی خدمات کا اعتراف کرتے ہیں جنہوں نے اس کو ممکن بنایا۔” پروفیسر ڈاکٹر محمود نے کہا، “ان ڈاک ٹکٹوں کی رونمائی اے آئی او یو کے لیے فخر کا لمحہ ہے، کیونکہ یہ ہماری تعلیم کی مسلسل جستجو اور علمی برتری کے عزم کی علامت ہیں۔”

ڈائریکٹر جنرل پاکستان پوسٹ نے پاکستان کے تعلیمی منظرنامے میں یونیورسٹی کے اہم کردار کو تسلیم کیا اور اس موقع کو یادگاری ٹکٹوں کے اجراء کے ذریعے منانے پر خوشی کا اظہار کیا۔ انہوں نے تعلیمی منصوبوں کی حمایت اور ملک کی غنی وراثت کو فلکیٹلی کلیکشنز کے ذریعے محفوظ رکھنے کے لیے پاکستان پوسٹ آفس کے عزم کا اعادہ کیا۔تقریب میں فیکلٹی ممبران، عہدیداران، سابق طلباء، طلباء اور معزز مہمانوں نے شرکت کی، جنہوں نے سب نے مل کر اے آئی او یو کی گولڈن جوبلی کی خوشی منائی۔

وزیر تعلیم رانا سکندر حیات اور چیئرمین ٹاسک فورس برائے امتحانات مزمل محمود کی زیر صدارت پنجاب کے تمام تعلیمی بورڈز پر مشتمل اہم اجلاس منعقد ہوا جس میں تعلیمی بورڈز کی تین سالہ کارکردگی کا جائزہ لیا گیا۔ رانا سکندر حیات اور مزمل محمود کو تعلیمی بورڈز کو درپیش چیلنجز و مسائل، بورڈز کے تحت امتحانی سنٹرز میں کیمروں کی تنصیب اور سنٹرز کی سیکورٹی و نگرانی سے متعلقہ امور پر بریفنگ دی گئی۔ اجلاس میں سیکنڈ اینول امتحانات کے انتظامات کا جائزہ بھی لیا گیا۔ رانا سکندر حیات اور چیئرمین ٹاسک فورس مزمل محمود نے امتحانی سنٹرز کی جیو میپنگ کی ہدایت کرتے ہوئے امتحانات میں شفافیت برقرار رکھنے کیلئے بورڈز سے لائحہ عمل بھی طلب کیا۔ اس موقع پر سیاسی بنیادوں پر لگائے گئے چیئرمین، کنٹرولرز اور اہم عہدوں پر فائز دیگر افسران کو تبدیل کرنے اور بورڈ کے تمام اہم عہدوں پر تعینات ہونے والے افسران کیلئے باقاعدہ کرائیٹیریا طے کرنے کا بھی فیصلہ کیا گیا۔ وزیر تعلیم نے بورڈز میں بڑی تبدیلیوں اور اصلاحات کا عندیہ دیتے ہوئے کہا کہ گذشتہ حکومت کے سیاسی بنیادوں پر لگائے گئے چیئرمین و کنٹرولر بورڈز بھی تبدیل ہوں گے جبکہ آئندہ تعیناتیاں میرٹ پر اور باقاعدہ ٹیسٹ کے ذریعے ہوں گی۔ اس کے ساتھ ساتھ عہدوں کے خواہشمندوں کی آئی ٹی سکلز کو بھی ترجیحی طور پر جانچا جائے گا۔ وزیر تعلیم اور مزمل محمود نے تمام بورڈز کو ہدایت کی کہ امتحانی اُمیدواروں کو سٹینڈرڈائز سہولیات دینے میں کسر نہ چھوڑی جائے۔ اجلاس میں امتحانات کے رزلٹ تیار کرنے کے دورانیہ میں کمی پر بھی غور کیا گیا۔ رانا سکندر حیات اور چیئرمین امتحانی ٹاسک فورس نے تمام بورڈز کو آئی ٹی فرینڈلی بنانے، ون ونڈو آپریشن آن لائن کرنے کی بھی ہدایت کی۔