Monday, February 23, 2026
تازہ ترین
رابطہ کریں
Home Uncategorized
Category:

Uncategorized

Uncategorized

ہیئر ایجوکیشن میں دوطرفہ تعاون بڑھانے کے لیے HEC کے چیئرمین کی ہنگری کے سفیر سے ملاقات

by Ilmiat
written by Ilmiat

اسلام آباد: چیئرمین ہائر ایجوکیشن کمیشن (HEC) ڈاکٹر نیاز احمد اختر نے HEC سیکریٹریٹ میں ہنگری کے سفیر ڈاکٹر زولٹن وارگا سے ملاقات کی تاکہ دونوں ممالک کے درمیان اعلیٰ تعلیم میں تعاون کو مزید مستحکم کیا جا سکے۔

ملاقات کے دوران چیئرمین HEC نے ہنگری حکومت کی تعریف کی، جو پاکستانی طلبہ کے لیے سالانہ 400 مکمل مالی معاونت والی اسکالرشپس (بیچلرز، ماسٹرز اور پی ایچ ڈی) فراہم کرتی ہے۔ انہوں نے ہنگری کے انجینئرنگ ڈگریوں کے پاکستان میں تسلیم نہ ہونے کے طویل عرصے سے مسئلے کے حل کو بھی سراہا، جس سے پاکستانی گریجویٹس کو خاطر خواہ فائدہ حاصل ہوگا۔ انہوں نے تعلیمی تعاون کو مزید وسعت دینے پر زور دیا۔

ہنگری کے سفیر نے پاکستان سے واپس آنے والے سابقہ طلبہ (Alumni) کے ساتھ رابطے بڑھانے اور تحقیق، طلبہ کی موبلٹی، ثقافت اور آثار قدیمہ میں شراکت داری کو فروغ دینے میں دلچسپی ظاہر کی، خاص طور پر ٹیکسلا، ہڑپہ اور موہنجو دڑو کی قدیم تہذیبوں سے متعلق شعبوں میں۔ انہوں نے بتایا کہ ہنگری کے ریکٹرز کانفرنس پاکستان کے وائس چانسلرز فورم کے ساتھ فعال رابطے میں ہے تاکہ ادارہ جاتی تعلقات کو مزید مضبوط کیا جا سکے۔

یہ ملاقات دونوں ممالک

0 comment
0 FacebookTwitterPinterestEmail
Uncategorizedمضامین

3  رمضان کی تراویح میں پڑھے جانے والے قرآن ِ پاک کی تفہیم…….ترتیب ۔۔۔۔۔رانا شفیق پسروری

by Ilmiat
written by Ilmiat

چوتھی تراویح

سورۃ الانعام…… 6 ویں سورت

سورۃ انعام نزول کے لحاظ سے مکی سورت ہے۔ 166 آیات اور 20رکوع ہیں۔ پہلے بارہ رکوع ساتویں پارہ میں اور باقی آٹھ رکوع آٹھویں پارے میں شامل ہیں۔ اس سورت مبارکہ کا اصل موضوع توحید الٰہی ہے۔ اس میں مشرکین کی ان رسوم کابھی ذکر ہے جو ان میں مروج تھیں۔ مشرکین کی ازلی بدبختی کا ذکر کر کے توحید کے دلائل دیئے گئے ہیں اور ساتھ ہی مشرکین کی حرام سے رغبت کا بھی بیان ہے۔ اسی طرح اسلام کے خلاف سازشیں کرنے والوں کے انجام کا بھی تذکرہ ہے۔ کفار کی اس ذلیل خواہش کا بھی تذکرہ کیاگیا ہے کہ ”رسالت جیسا عظیم منصب اور اس کے انعامات ان کو بھی دیئے جائیں“۔ 

 کفار کے اس اعتراض کا جواب بھی ہے کہ تبلیغ کے لئے فرشتے کیوں نہیں آئے۔ کفار تو ان پر بھی اعتراض کرتے اور اگر کاغذ پر لکھا ہوا نازل ہوتاتو اس پر بھی اعتراض ہوتا کہ وہ تو جادو ہے۔ اللہ کی نافرمانی سے تباہی اوربربادی ہے، جس کی شہادت تباہ شدہ قوموں کے کھنڈروں سے ہو سکتی ہے۔ مسلمان بن کر ہی دنیا اور آخرت میں کامیابی ہو سکتی ہے اور اسلام کے معنی ہی اطاعت کے ہیں اور آپﷺ فرما دیں کہ مجھے حکم دیاگیا ہے کہ میں سب سے پہلے اللہ کی اطاعت کروں۔ وہ حکمت والا اور خبروالا ہے۔ ہمیشہ یہ ہوا کہ انبیاء علیہ السلام تشریف لائے تو لوگوں نے ان کا مذاق اڑایا اور انہیں جھٹلایا اس لئے وہ برباد ہوئے اور دنیا کے عیش کی وجہ سے خدا کو بھول گئے، پھر عذاب الٰہی نے ان کو پکڑ لیا اورا للہ کی گرفت سے کوئی شخص باہر نہیں۔ آپﷺ فرما دیں کہ کبھی تم نے یہ بھی سوچا کہ اگر اللہ تمہاری سماعت اور تمہاری بینائی تم سے چھین لے اور تمہارے دلوں پرمہر کر دے تو اللہ کے سوا کون ہے جو یہ قوتیں تم کو واپس دلا سکتا ہے۔ پھر عذاب کی دھمکی ہے اور ایمان والوں کو خوشخبری ہے۔ قیامت کے دن کوئی کسی کے کام نہیں آئے گا، نہ سفارش چلے گی اور نہ مال و دولت فائدہ دیں گے۔ صرف عمل صالح ہی سے عذاب ٹل سکتا ہے۔ پھر حضورﷺ کو اور آپؐ کے واسطے سے امت کو تعلیم دی گئی ہے کہ وہ ذکر الٰہی سے غافل نہ رہیں اور جو لوگ اللہ کے ذکر میں لگے رہتے ہیں، انہیں اپنے پاس سے نہ ہٹائیں، بلکہ ان سے احسن سلوک کریں۔ رحمت والا خدا ضرور توبہ کرنے والوں کو بخش دے گا۔ کسی کی خواہش کی پیروی نہ کی جائے۔ صرف اللہ کی اطاعت کی جائے، ہر قسم کے شرک سے بچیں۔

پھر ارشاد ہے کہ غیب کی کنجیاں اللہ کے پاس ہیں اور اس کو ذرے ذرے کا علم ہے۔ درخت کا پتا اس کے علم کے بغیر نہیں گرتا۔ زمین کی تہہ ہو، خشکی ہو، تری ہو، ہر چیز کا اسے علم ہے۔ وہ اپنے بندوں پر پوری طرح قدرت رکھتا ہے۔ ایمان کی تلقین، اتحاد و اتفاق کی تعلیم، دنیا پرستی سے احتراز کا حکم ہے اور یہ حکم بھی ہے کہ ان لوگوں سے دور رہیں جو اللہ پر اور اس کے رسولﷺ پر اعتراض کرتے ہیں اوردنیا میں غرق رہتے ہیں۔ پھر قیامت کا ذکر ہے تاکہ معلوم ہو سکے کہ شرک کا نتیجہ کیا ہو گا۔ اس کے بعد ابراہیم علیہ السلام کا واقعہ ہے۔ انہوں نے اپنے باپ کو بت پرستی پرٹوکاتھااور کہا تھا کہ وہ اور ان کی قوم گمراہی میں مبتلا ہے۔ ابراہیم علیہ السلام کی رسالت کے بعد دوسرے پیغمبروں کی رسالت کا ذکر آتا ہے کہ ان کی دعوت بھی وہی تھی جو قرآن کی ہے، یعنی توحید، آخرت پر ایمان اور عمل صالح کی ترغیب۔ یہود کہتے ہیں کہ خدا نے آج تک کوئی کتاب کسی پر نازل نہیں کی۔ اگر ایسا ہے تو تورات کس نے نازل کی اور وہ جس پر نازل ہوئی وہ بھی انسان ہی تھا اور قرآن تو ایسی مبارک کتاب ہے جوتصدیق کرتی ہے اپنے سے اگلی کتابوں کی، مکہ والوں اور تمام انسانوں کو اس سے نصیحت حاصل کرنی چاہیے۔

قرآن میں حلال اور حرام کے متعلق واضح احکام موجود ہیں۔ اللہ کے نافرمانوں کو اپنے اعمال خوش نما معلوم ہوتے ہیں اس لئے وہ اللہ کی طرف رجوع نہیں کرتے اور نہ آخرت سے ڈرتے ہیں، یہ نفس کا فریب ہے۔ جن یا انسان جو بھی خدا سے باغی ہوگا وہ سب جہنم میں ڈالے جائیں گے۔ اللہ جس کو ہدایت فرمانا چاہتا ہے اس کے لئے اسلام کا راستہ کھول د یتا ہے۔ جن و انس کی ہدایت کے لئے ہادی اور رسول آئے کہ یہ اللہ کی سنت ہے کہ وہ بغیر اتمام حجت کے کوئی بستی تباہ نہیں کرتا اور اسے ہر طرح قدرت حاصل ہے اور وہ کل کی طرح آج بھی بستیوں کو تباہ کر سکتا ہے۔ شرک اور مشرکین کی مذمت بھی ہے کہ مشرکین نئی نئی باتیں گھڑ لیتے تھے، اولاد کو قتل کر دیتے تھے اور اللہ کے دیئے ہوئے رزق کو بغیر علم کے حرام قرار دے دیتے تھے۔ ایسی تمام حرکتیں اللہ کے نزدیک ناپسندیدہ ہیں۔ اب حکم ہے کہ باغ یا کھیتی کی زکوٰۃ ادا کی جائے۔ پھر اللہ کے انعامات کا ذکر ہے جو بندوں پر کئے گئے ہیں۔ مثلاً سواری اورگوشت کے لئے جانور پیدا کئے گئے ہیں۔ حلال جانوروں کے سلسلے میں ارشاد ہے کہ ان کو بتوں پر چڑھانا محض مشرکانہ رسم ہے، خدا کا حکم ایسا نہیں ہے۔ ارشاد ہے کہ خدا نے مردار اور بہتا ہواخون خنزیر یا جس پرخدا کے سوا کسی اور کا نام پکارا گیا ہو حرام قراردیاہے۔ ہرناخن سے کھانے والا جانور بھی اور بعض دوسری چیزیں بھی ان پر حرام ہیں۔

بطور سزا کے یہ بھی ارشاد ہے کہ منکرین اٹکل پچو باتیں کرتے ہیں، مسلمانوں کو ان سے بچنا چاہئے۔ اب ایسی دس باتیں بتائی گئی ہیں جن کا ارتکاب سخت گناہ اور قیامت میں عذاب کا موجب ہے۔ یعنی (1) شرک (2) والدین سے حسن سلوک نہ کرنا (3) مفلسی کے خوف سے اولاد کا قتل (4) زنا (5) ناحق قتل (6) یتیم کا مال ہڑپ کرنا (7) ناپ تول میں کمی بیشی (8) عدل وانصاف نہ کرنا (9) عہد شکنی اور (10) اسلام پر نہ چلنا۔ بلکہ ایک ملت میں رہ کر دین میں فرقہ بندی کر کے اس پر چلنا۔ اس طرح کے احکامات تورات میں بھی تھے۔ اب قرآن کے نزول کے بعد حجت تمام ہو گئی اور اب کوئی یہ نہیں کہہ سکتا کہ ہماری طرف کتاب نہیں بھیجی گئی یا کوئی رسول نہیں آیا۔ حضور انورﷺ تشریف لے آئے ہیں اور قرآن بھی نازل ہوچکا ہے۔ اب توہدایت حاصل کر لینی چاہئے، ورنہ قیامت میں سخت عذاب ہو گا اور عذاب آتا دیکھ کر ایمان لانا مقبول نہیں۔ پھر ابراہیم علیہ السلام کی وہ ہدایت دہرائی گئی ہے جو انہوں نے اپنی قوم کوعطا فرمائی تھی، یعنی یہ کہ میری نماز، میری قربانی، میرا جینا اور میرا مرنا سب اللہ کے لئے ہے جو تمام جہانوں کا رب ہے۔ وہی ہے جس نے تم کو دنیا میں اپنا خلیفہ بنایا اور تمہارے درجے ایک دوسرے پر بلند کئے، وہی عذاب دینے والا اور وہی بخشنے والا بھی ہے۔  

 

آج کی حدیث | Page 9 | اردو محفل فورمقرآن پاک. اردو ترجمہ. حدیث شریف

 

بشکریہ روزنامہ پاکستان

0 comment
0 FacebookTwitterPinterestEmail
Uncategorizedمضامین

نماز تراویح میں پڑھی گئے قران پاک کی تفہیم۔۔۔۔۔۔۔۔۔ترتیب رانا شفیق پسروری

by Ilmiat
written by Ilmiat

مضان المبارک میں ہر مسجد میں نماز تراویح میں قرآن مجید کے ختم کا باقاعدہ اہتمام ہوتا ہے۔ حفاظ کرام اپنے اپنے شوق کے مطابق روزانہ مصلی کا اہتمام کرتے ہیں اور اس کے مطابق قرآن پاک کا حصہ تلاوت کرتے ہیں، کوئی سورتوں کے مطابق تقسیم کرتا ہے اور کوئی پاروں کے مطابق۔ ہم قرآن پاک کا خلاصہ سورتوں کے مطابق بیان کریں گے۔ غرض بہرحال رمضان المبارک میں قرآن پاک کے واسطہ سے سعادت حاصل کرنا ہے۔

پہلی تراویح

سورہ الفاتحہ:پہلی سورت

قرآن مجید کی پہلی سورہ ہے۔ رسول پاک ؐ نے اس کے بے شمار نام بیان فرمائے ہیں، امام جلال الدین سیوطی نے 25 اور مولانا عبدالستار دہلوی نے 30 نام (احادیث کی روشنی میں) درج کئے ہیں۔ ان میں سے مشہور نام درج ذیل ہیں۔ -1الفاتحہ، -2 فاتحہ الکتاب، -3 الدعا، -4 الشفاء، -5 الکنز، -6 اساس القرآن، -7 الحمد، -8 ام القرآن، -9 ام الکتاب -10 الصلٰوۃ وغیرہ۔ -1 سورہ الفاتحہ

جیسا کہ اس کے نام سے ظاہر ہے، قرآن پاک کی سب سے پہلی سورہ ہے۔گویا اسی سے قرآن پاک کھلتا ہے اور اسی سے اس کی ابتدا ہوتی ہے۔ اس سورۃ میں 7 آیتیں ہیں۔ 27 کلمات ہیں اور 140 حروف ہیں۔ یہ سورہ مکیہ ہے، گو کہ مدینے میں بھی نازل ہوئی ہے۔ یہ سورہ تمام قرآن کا خلاصہ ہے اور اس کے بغیر کوئی رکعت مکمل اور مقبول نہیں۔ اس سورہ سے پہلے بِسم اللہ اَلرحمٰن الرحیم لکھنا اور پڑھنا ضروری ہے، بلکہ سوائے سورہ التوبہ کے ہر سورہ سے پہلے اسے پڑھنا لکھنا چاہئے اور ہر مباح کام کی ابتداء بِسم اللہ اَلرحمٰن الرحیم سے کرنا مستحب اور موجب خیرو برکت ہے۔

سورہ الفاتحہ کی ابتدا حمد و ثنا سے ہوتی ہے۔ اس لئے بِسم اللہ اَلرحمٰن الرحیم کے ساتھ ہی اللہ پاک کی حمد و ثنا کرنا افضل ہے۔ حمد و ثنا کا مستحق صرف اللہ پاک ہے اور صرف اللہ پاک کی ذات کو حمد زیبا ہے جو تمام جہانوں کا پالنے والا ہے۔ سورہ مبارکہ میں حمد و ثناء ہے۔ اس کی ربوبیت، رحمت اور مالکیت کا ذکر ہے۔ خیر کی توفیق بھی اسی سے حاصل ہو سکتی ہے، ہدایت بھی وہی کرتا ہے اور وہی کر سکتا ہے۔ بندوں کو صرف اس کی طرف متوجہ ہونا چاہئے۔ وہی عبادت کے لائق ہے، اسی سے استعانت کرنا چاہئے اور اسی کی مدد کی طلب چاہئے۔ رشد و ہدایت دینے والا بھی وہی ہے۔ دعا کرنے کے آداب بھی اس سورہ میں واضح ہیں کہ صالحین کے حال سے موافقت اور گمراہوں سے اجتناب ہی خاص دعا ہونی چاہئے۔ دنیوی زندگی کا خاتمہ اور جزا و سزا کا دن بھی اسی لئے یاد دلایا گیا ہے کہ ہم صرف اس سے ڈریں جو اس دنیا اور دوسری دنیا کا مالک ہے اور جو ہر طرح اپنے بندوں پر فضل کرنے والا ہے۔ سورۃ فاتحہ کے اختتام پر آمین پڑھنا بھی سنت ہے جس کے معنی ہیں ”ایسا ہی کر“ یا قبول فرما“ یہ لفظ قرآن میں شامل نہیں لیکن اس کا ادا کرنا پسندیدہ ہے کیونکہ حضور انور ﷺ کا پسندیدہ ہے۔

سورۃ البقرہ 
سورۃ البقرہ قرآن کی سب سے طویل سورت ہے جس میں ایمان، عبادات، اخلاقیات اور معاشرتی قوانین بیان کیے گئے ہیں۔ اس میں متقین، کفار اور منافقین کی صفات، حضرت آدم علیہ السلام کا واقعہ، بنی اسرائیل کی تاریخ، ان کی نافرمانیوں اور انعامات کا ذکر ہے۔ ایمان، نماز، زکوٰۃ، صبر اور عمل صالح پر زور دیا گیا ہے۔ روزے، رمضان، صدقات، سود کی حرمت، قرض و لین دین کے اصول اور دعا کی تعلیم بھی دی گئی ہے۔ سورت کا اختتام اللہ سے مغفرت، رحمت اور مدد کی دعا پر ہوتا ہے۔

دوسری تراویح  میں تلاوت کی گئی  سورۃ آلِ عمران میں بیان کئے گئے  مضا مین

سورۃ آلِ عمران مدنی سورت ہے جس میں قرآن کی حقانیت، اہلِ کتاب کے عقائد کی اصلاح، ایمان و عمل کی اہمیت اور مسلمانوں کی اجتماعی ذمہ داریوں کو بیان کیا گیا ہے۔ اس سورت میں نجران کے عیسائی وفد کے ساتھ مکالمہ، حضرت مریم، حضرت زکریا، حضرت یحیٰی اور حضرت عیسیٰ علیہم السلام کے حالات اور عیسیٰ علیہ السلام کے بارے میں عیسائیوں کے غلط عقائد کی تردید کی گئی ہے۔

سورت میں دنیا کی عارضی زندگی کے مقابلے میں آخرت کی کامیابی کو اصل مقصد قرار دیا گیا ہے، مال و اولاد کو فتنہ بتایا گیا اور اللہ و رسول کی اطاعت کو فلاح کا ذریعہ بتایا گیا ہے۔ یہودیوں کی تحریفِ کتاب، انبیاء کے قتل اور دین میں خیانت کا ذکر کرتے ہوئے مسلمانوں کو تمام انبیاء پر ایمان لانے، زکوٰۃ و صدقات ادا کرنے اور اتحاد و اتفاق قائم رکھنے کی تلقین کی گئی ہے۔

جنگ بدر اور جنگ اُحد کے واقعات کے ذریعے ثابت قدمی، نظم و ضبط اور قیادت کی اطاعت کی اہمیت واضح کی گئی ہے، اور منافقین کی سازشوں سے خبردار کیا گیا ہے۔ بخل کی مذمت، جہاد میں مال و جان کی قربانی اور دین کی سربلندی کیلئے جدوجہد پر زور دیا گیا ہے۔آخر میں کائنات کی نشانیوں سے توحید کا سبق دیا گیا اور دعا، صبر، اتحاد اور آخرت کی کامیابی کی تعلیم دی گئی ہے۔

بشکریہ روزنامہ پاکستان

0 comment
0 FacebookTwitterPinterestEmail
Uncategorized

ایچ ای سی آئندہ نسل کے ماہرین تعلیم، محققین اور قومی رہنماؤں کی تیاری میں کلیدی کردار ادا کرتا رہے گا، تاکہ پاکستان کا اعلیٰ تعلیمی نظام عالمی معیار کے مطابق ترقی کر سکے۔…….. چیئرمین ہائر ایجوکیشن کمیشن (ایچ ای سی) پروفیسر ڈاکٹر نیاز احمد اختر

by Ilmiat
written by Ilmiat

اسلام آباد: چیئرمین ہائر ایجوکیشن کمیشن (ایچ ای سی) پروفیسر ڈاکٹر نیاز احمد اختر نے حال ہی میں ایچ ای سی کے ہیومن ریسورس ڈیولپمنٹ (HRD) ڈویژن کے ساتھ ایک اسٹریٹجک جائزہ اجلاس کی صدارت کی، جس میں قومی اور بین الاقوامی اسکالرشپ پروگرامز کی پیش رفت اور اثرات کا تفصیلی جائزہ لیا گیا۔

اجلاس میں ممبر ایچ ای سی (HRD) انجینئر محمد رضا چوہان نے پراجیکٹ ڈائریکٹرز کے ہمراہ مختلف اسکالرشپ پروگرامز کی موجودہ صورتحال، اہم کامیابیوں اور اہداف پر جامع بریفنگ دی۔ انہوں نے اسکالرز کو سہولیات فراہم کرنے اور تعلیمی مواقع کی فراہمی کے نظام کو مزید مؤثر بنانے کے لیے جاری اقدامات سے بھی آگاہ کیا۔

چیئرمین ایچ ای سی نے HRD ڈویژن کی سرگرمیوں کو مزید مضبوط بنانے پر زور دیتے ہوئے ہدایت کی کہ تمام منصوبوں کو قومی وژن اور ملکی تعلیمی ضروریات کے ساتھ ہم آہنگ کیا جائے اور مخصوص علمی اہداف کے حصول کو یقینی بنایا جائے۔

انہوں نے کہا کہ ادارہ جاتی بہتری اور شفاف سرمایہ کاری کے ذریعے ایچ ای سی آئندہ نسل کے ماہرین تعلیم، محققین اور قومی رہنماؤں کی تیاری میں کلیدی کردار ادا کرتا رہے گا، تاکہ پاکستان کا اعلیٰ تعلیمی نظام عالمی معیار کے مطابق ترقی کر سکے۔

0 comment
0 FacebookTwitterPinterestEmail
Uncategorized

وزیراعلیٰ پنجاب چوتھے ہائر ایجوکیشن ڈیپارٹمنٹ اسپورٹس ایونٹس 2025-26 کے تحت صوبائی سطح پر کرکٹ چیمپئن شپ (بوائز اینڈ گرلز) کی افتتاحی تقریب۔۔۔۔۔۔۔اس ایونٹ میں پنجاب کے 9 ڈویژنز سے 240 طلبہ و طالبات کرکٹرز حصہ لے رہے ہیں

by Ilmiat
written by Ilmiat

وزیراعلیٰ پنجاب چوتھے ہائر ایجوکیشن ڈیپارٹمنٹ اسپورٹس ایونٹس 2025-26 کے تحت صوبائی سطح پر کرکٹ چیمپئن شپ (بوائز اینڈ گرلز) کی رنگا رنگ اور شاندار افتتاحی تقریب گورنمنٹ گریجویٹ امبالہ کالج سرگودھا کے خوبصورت اور سرسبز گراؤنڈ میں منعقد ہوئی۔ تقریب کے مہمانانِ خصوصی رکن قومی اسمبلی محترمہ ایرم حمید حمید اور ڈائریکٹر پبلک انسٹرکشن (کالجز) پنجاب ڈاکٹر سید انصر اظہر تھے۔

May be an image of one or more people and text that says 'L進 Ch est D nsar sar Azh jes) js)Punjat unjab GR pAeNo'

اس ایونٹ میں پنجاب کے 9 ڈویژنز سے 240 طلبہ و طالبات کرکٹرز حصہ لے رہے ہیں۔ طلبہ و کھلاڑیوں نے وزیراعلیٰ پنجاب محترمہ مریم نواز اور وزیر برائے اعلیٰ تعلیم رانا سکندر حیات کا خصوصی شکریہ ادا کیا جنہوں نے سرکاری کالجز میں کھیلوں کے فروغ سمیت تمام سہولیات فراہم کرنے میں اہم کردار ادا کیا۔اس موقع پر سابق کپتان پاکستان ویمنز کرکٹ ٹیم اور ہائر ایجوکیشن ڈیپارٹمنٹ کی کرکٹ ایمبیسیڈر ندا ڈار نے نوجوان کرکٹرز سے خطاب کرتے ہوئے اپنے تجربات شیئر کیے اور طلبہ و طالبات کی صلاحیتوں، جذبے اور کھیل سے لگن کو سراہا۔

0 comment
0 FacebookTwitterPinterestEmail
Uncategorized

اسلامیہ یونیورسٹی بہاولپور کے شعبۂ اطلاقی نفسیات کے زیرِ اہتمام آئی یو بی مینٹل ہیلتھ پالیسی 2025 کے تحت ذہنی صحت پر ایک بین الاقوامی سمپوزیم اور تربیتی ورکشاپ کا انعقاد

by Ilmiat
written by Ilmiat

اسلامیہ یونیورسٹی بہاولپور کے شعبۂ اطلاقی نفسیات کے زیرِ اہتمام آئی یو بی مینٹل ہیلتھ پالیسی 2025 کے تحت ذہنی صحت پر ایک بین الاقوامی سمپوزیم اور تربیتی ورکشاپ کا انعقاد کیا گیا، جو یونیورسٹی کی پہلی ادارہ جاتی مینٹل ہیلتھ پالیسی کے نفاذ کی ایک اہم پیش رفت ہے۔ تقریب کی صدارت وائس چانسلر پروفیسر ڈاکٹر محمد کامران نے کی۔ یہ سمپوزیم ہائبرڈ موڈ میں منعقد ہوا، جس

میں اساتذہ، طلباو طالبات اور ماہرینِ نفسیات نے بالمشافہ اور آن لائن شرکت کی۔ بین الاقوامی ماہر ڈاکٹر اقبال نعیم (مانچسٹر، برطانیہ) نے عالمی سطح پر ذہنی صحت کے مؤثر نظام اور شواہد پر مبنی طریقۂ کار پر روشنی ڈالی، جبکہ بشریٰ طیبہ، صدر ینگ سائیکالوجسٹس ایسوسی ایشن پاکستان، نے نوجوانوں کی ذہنی صحت اور پیشہ ورانہ اخلاقیات پر گفتگو کی۔پالیسی سے متعلق رہنما سیشن پروفیسر ڈاکٹر محمد سلیم، چیئرمین شعبۂ اطلاقی نفسیات اور پالیسی لیڈ، آئی یو بی مینٹل ہیلتھ پالیسی 2025 نے پیش کیا، جس میں پالیسی کے عملی نفاذ، ایس او پیز اور ریفرل نظام کی وضاحت کی گئی۔ڈین فیکلٹی آف سوشل سائنسز پروفیسر ڈاکٹر روبینہ بھٹی، اور فیکلٹی آف سوشل سائنسز کے تمام شعبہ جاتی سربراہان نے خصوصی شرکت کی اور آئی یو بی مینٹل ہیلتھ پالیسی 2025 کو ایک بروقت، جامع اور قابلِ تقلید اقدام قرار دیتے ہوئے اسے بھرپور سراہا۔ 

0 comment
0 FacebookTwitterPinterestEmail
Uncategorizedاہم خبریں

وزیرِ اعلیٰ پنجاب کے   کی زیر ہدائت محکمۂ ہائر ایجوکیشن کے چوتھے اسپورٹس ایونٹس 2025-26جیت لو میدان کا آغاز

by Ilmiat
written by Ilmiat

راولپنڈی: وزیرِ اعلیٰ پنجاب کے   کی زیر ہدائت محکمۂ ہائر ایجوکیشن کے چوتھے اسپورٹس ایونٹس 2025-26 کے سلسلے میں صوبائی سطح پر ہاکی (بوائز اینڈ گرلز) چیمپئن شپ کی رنگا رنگ اور شاندار افتتاحی تقریب گورنمنٹ وقارُالنسا گرلز کالج راولپنڈی کی اسٹیٹ آف دی آرٹ اسپورٹس سہولیات میں منعقد ہوئی۔

افتتاحی تقریب کی مہمانِ خصوصی ممبر صوبائی اسمبلی اور پارلیمانی سیکرٹری برائے اطلاعات و ثقافت، محترمہ شازیہ رضوان تھیں۔ چیمپئن شپ میں پنجاب کے 9 ڈویژنز سے تعلق رکھنے والے 230 نامور اور باصلاحیت کھلاڑی حصہ لے رہے ہیں، جو صوبائی سطح پر اپنی صلاحیتوں کا مظاہرہ کریں گے۔

اس موقع پر طلبہ و طالبات اور کھلاڑیوں نے وزیرِ اعلیٰ پنجاب محترمہ مریم نواز اور صوبائی وزیر برائے ہائر ایجوکیشن رانا سکندر حیات (تعلیم کا سپاہی) کا خصوصی طور پر شکریہ ادا کیا۔ انہوں نے کہا کہ پنجاب کے تعلیمی اداروں میں کھیلوں کے فروغ، طلبہ کو بھرپور مواقع فراہم کرنے اور اسپورٹس کلچر کو مضبوط بنانے کے لیے ان کی انتھک کاوشیں اور پختہ عزم قابلِ تحسین ہیں۔

منتظمین کے مطابق یہ ایونٹ نوجوانوں میں صحت مند سرگرمیوں، مثبت مقابلے، نظم و ضبط اور قائدانہ صلاحیتوں کے فروغ میں اہم کردار ادا کرے گا۔ اسپورٹس ایونٹس کا پیغام ہے: “جیت لو ہر میدان”۔

0 comment
0 FacebookTwitterPinterestEmail
Uncategorizedخبریں

نوجوانوں کو بااختیار بنانا ان کی حکومت کی اولین ترجیح ہے۔ نوجوانوں پر کی جانے والی سرمایہ کاری دراصل پاکستان کے روشن مستقبل کی ضمانت ہے

by Ilmiat
written by Ilmiat

وفاقی وزیر برائے امورِ کشمیر و گلگت بلتستان اور سیفران و صدر پاکستان مسلم لیگ (ن) خیبر پختونخوا انجینئر امیر مقام نے کہا ہے نوجوانوں کو بااختیار بنانا ان کی حکومت کی اولین ترجیح ہے۔ نوجوانوں پر کی جانے والی سرمایہ کاری دراصل پاکستان کے روشن مستقبل کی ضمانت ہے. ملاکنڈ یونیورسٹی میں پرائم منسٹر یوتھ لیپ ٹاپ سکیم فیز فور کی تقسیم کی تقریب سے خطاب کرتے ہوئے وفاقی وزیر انجینئر امیر مقام نے کہا اب تک ملک بھر میں 10 لاکھ سے زائد لیپ ٹاپ تقسیم کیے جا چکے ہیں اور یہ سلسلہ آئندہ بھی پوری رفتار سے جاری رہے گا. وفاقی وزیر نے بتایا کہ آج ملاکنڈ یونیورسٹی کے 600 میرٹ پر آنے والے طلبہ و طالبات میں لیپ ٹاپ تقسیم کیے جا رہے ہیں۔ انہوں نے یونیورسٹی کی کارکردگی کو سراہتے ہوئے کہا کہ ملاکنڈ یونیورسٹی کا خیبر پختونخوا میں پہلی اور ملک بھر میں نمایاں پوزیشن حاصل کرنا اس بات کا ثبوت ہے کہ اگر پہاڑی اور دور دراز علاقوں کے نوجوانوں کو مواقع دیے جائیں تو وہ بھی ملک و قوم کی ترقی میں کلیدی کردار ادا کر سکتے ہیں. وفاقی وزیر انجینئر امیر مقام نے کہا کہ وزیراعظم شہباز شریف کے وژن کے مطابق حکومت ڈیجیٹل اسکلز پروگرام، اسکالرشپس، گرین یوتھ موومنٹ، اسپورٹس سہولیات اور دانش اسکولوں جیسے منصوبوں پر بھی بھرپور توجہ دے رہی ہے تاکہ نوجوانوں کو تعلیم، ہنر اور روزگار کے بہتر مواقع فراہم کیے جا سکیں. انہوں نے یقین دلایا کہ ملاکنڈ یونیورسٹی کے مسائل اور مطالبات کے حل کے لیے ان کا دفتر ہر وقت دستیاب ہے اور تعلیمی و اسپورٹس انفراسٹرکچر کی بہتری کے لیے پی سی ون کی منظوری میں مکمل تعاون کیا جائے گا.

 

May be an image of dais and text that says 'Prime Minister S Youth Laptop Scheme Phase-IV Laptan Distribution orpiacay orpa'

 

 

 

 

 

 

 

0 comment
0 FacebookTwitterPinterestEmail
Uncategorized

اسلامیہ یونیورسٹی بہاولپور کی سینڈیکیٹ کا 90 واں اجلاس وائس چانسلر پروفیسر ڈاکٹر محمد کامران کی زیر صدارت عباسیہ کیمپس میں منعقد ہوا۔

by Ilmiat
written by Ilmiat

اسلامیہ یونیورسٹی بہاولپور کی سینڈیکیٹ کا 90 واں اجلاس وائس چانسلر پروفیسر ڈاکٹر محمد کامران کی زیر صدارت عباسیہ کیمپس میں منعقد ہوا۔ اجلاس میں اہم انتظامی، قانونی اور اکیڈیمک معاملات زیر بحث آئے اور فیصلے کیے گئے۔اجلاس میں گزشتہ سلیکشن بورڈ اجلاس میں پرنسپل سیٹوں پر تعیناتی سمیت اہم سفارشات پر غورو خوص کیا گیا۔ اجلاس میں اپنی مدت مکمل کرنے والے سینڈیکیٹ ممبران پروفیسر ڈاکٹرمحمد اکرم چوہدری اور ڈاکٹر مغیث امین کی خدمات کو سراہا گیا۔ اجلاس میں رکن صوبائی اسمبلی میاں محمد شعیب اویسی، رکن صوبائی اسمبلی سعدیہ مظفر، سابق وائس چانسلر یونیورسٹی آف سرگودھا پروفیسر ڈاکٹر محمد اکرم چوہدری، ڈین فیکلٹی آف انجینئرنگ اینڈ ٹیکنالوجی پروفیسر ڈاکٹر محمد امجد، ڈین فیکلٹی آف ویٹرنری اینڈ اینیمل سائنسز پروفیسر ڈاکٹر محمد خالد منصور، ڈائریکٹر کوارڈینیشن ہائر ایجوکیشن کمیشن شاہ زیب عباسی، ایڈیشنل سیکرٹری ہائر ایجوکیشن ڈیپارٹمنٹ زاہدہ اظہر، ڈپٹی سیکرٹری فنانس ڈیپارٹمنٹ ماریہ جاوید، ڈاکٹر عالیہ نذیر، ایسوسی ایٹ پروفیسر، قیصر اعجاز اسسٹنٹ پروفیسر، محمد زمان علی لیکچرر اور  محمد شجیع الرحمن رجسٹرار و سیکریٹری شریک ہوئے

0 comment
0 FacebookTwitterPinterestEmail
Uncategorized

پنجاب یونیورسٹی آسا کے زیر اہتمام ریٹائرڈ اساتذہ کے اعزاز میں تقریب کا انعقاد

by Ilmiat
written by Ilmiat

پنجاب یونیورسٹی اکیڈمک سٹاف ایسو سی ایشن کے زیر اہتمام ریٹائرہونے والے اساتذہ کے اعزاز میں خصوصی تقریب کا انعقاد الرازی ہال میں کیا گیا۔ اس موقع پر وائس چانسلر پروفیسر ڈاکٹر محمد علی، پرووائس چانسلرپروفیسرڈاکٹر خالد محمود،صدراکیڈمک سٹاف ایسوسی ایشن ڈاکٹر امجد عباس مگسی،سیکریٹری ڈاکٹر محمداسلام،پروفیسرڈاکٹر غالب عطا ء سمیت عہدیدران اور فیکلٹی ممبران نے شرکت کی۔ تقریب سے خطاب کرتے ہوئے وائس چانسلر پروفیسر ڈاکٹر محمد علی نے کہا کہ ریٹائرڈ ہونے والے اساتذہ ادارے کا فخر ہیں۔ انہوں نے کہا کہ ریٹائرمنٹ سسٹم کا حصہ ہے، مگر استاد کو کبھی ریٹائر نہیں ہونا چاہیے۔ انہوں نے کہا کہ جس طرح وکیل، صحافی، فنکارکبھی ریٹائر ڈ نہیں ہوتے اسی طرح اساتذہ کو بھی اپنے کیریئر کے عروج پر مزید خدمت کا موقع ملنا چاہیے۔ ان۔ ڈاکٹر امجد عباس مگسی نے ریٹائرڈاساتذہ کو خراج تحسین پیش کرتے ہوئے کہا کہ ماضی میں اس سطح پر اساتذہ کے اعزاز میں تقریب کا رواج نہیں تھا۔ انہوں نے کہا کہ اساتذہ کرام میں اختلاف ہوتے ہیں، مگر بطور ایسوسی ایشن ہم سب کے لیے منتخب ہوتے ہیں۔ انہوں نے کہا کہ ایسی تقاریب یونیورسٹی کا نام روشن کرنے والے اساتذہ کے لیے چھوٹی سی کاوش ہے۔ انہوں نے پنجاب یونیورسٹی کے لیے بہترین خدمات انجام دینے پر اساتذہ کی خدمات کو سراہا۔

 

پاکستان میں امن کے لئے تمام مذاہب کے لوگوں کو ایک دوسرے کی خوشیوں میں شریک ہونا چاہیے، ڈاکٹر محمد علی

 

:وائس چانسلر پنجاب یونیورسٹی پروفیسر ڈاکٹر محمد علی نے کہا ہے کہ ہم سب ایک جیسے ہیں اور پاکستان میں امن و سلامتی کے لئے ہمیں ایک دوسرے کی خوشی اور غم میں شریک ہونا چاہیے۔ وہ پنجاب یونیورسٹی ایڈمنسٹریٹیو اینڈ ٹیکنیکل سٹاف ایسوسی ایشن اور مسیحی ملازمین کی طرف سے کرسمس کیک کٹنگ تقریب کا انعقاد فیصل آڈیٹوریم میں ہوا جس میں پرنسپل کنیئرڈ کالج پروفیسرڈاکٹر ارم انجم،رجسٹرار ڈاکٹر احمد اسلام،سینیئرپاسٹر انورفضل،صدر ملازمین ایسوسی ایشن چوہدری بشارت محمود،،اور ملازمین کی بڑی تعداد نے شرکت کی۔اپنے خطاب میں وائس چانسلرپروفیسر ڈاکٹر محمد علی نے مسیحی ملازمین کو کرسمس اورنئے سال کی مبارک باد پیش کی۔ انہوں نے کہا کہ ہم اس تہوار کی خوشی میں مسیحی برادری کے ساتھ ہیں جن کی پاکستان کے لئے بے پناہ خدمات ہیں۔ انہوں نے کہا کہ پاکستان میں تمام مذاہب کے لوگوں کو مساوی حقوق حاصل ہیں۔ انہوں نے کہا کہ بہترین تقریب کے انعقاد پر چوہدری بشارت اور ان کی ٹیم کی کو ششوں کو کو سراہا۔ ڈاکٹر ارم انجم نے کہا کہ ڈاکٹر محمد علی جیسے استاد ملنا خوش نصیبی ہے۔ انہوں نے کہاکہ ہمیں زمین پر ستارے کی مانند چمکنے کیلئے اپنی ذمہ داریوں کو بخوبی انجام دینا ہوگا۔ سینیئر پاسٹر انور فضل نے کہا کہ ہمیں حضرت عیسٰی علیہ السلام کے محبت، امن اور بھائی چارے کے پیغام پر عمل کرنے کی ضرورت ہے۔انہوں نے کہا کہ عصر حاضر میں لوگ ایک دوسرے کی کمزوریوں کا فائدہ اٹھانے کی کوشش کرتے ہیں جس کے تدارک کے لئے اپنے آباؤ اجداد کی تعلیمات کی پیروی کرنا ہوگی۔ انہوں نے پنجاب یونیورسٹی میں کرسمس کی بہترین تقریب کے انعقاد پر وائس چانسلر اور ان کی ٹیم کو مبارک باد پیش کی۔چوہدری بشارت محمود نے مسیحی ملازمین کو کرسمس کی مبارک باد پیش کی اور خوبصورت تقریب کے لیے تعاون پر وائس چانسلر ڈاکٹر محمد علی کا شکریہ ادا کیا۔ہیں۔بعد ازاں تقریب میں وائس چانسلر پروفیسر ڈاکٹر محمد علی ودیگر نے کرسمس کا کیک کاٹا۔

 

0 comment
0 FacebookTwitterPinterestEmail
Newer Posts
Older Posts