اہم خبریں

نجاب یونیورسٹی اور دفتر محتسب پنجاب کے ریسرچ اینڈ ڈویلپمنٹ ونگ کے ساتھ باہمی دلچسپی کے شعبوں میں تحقیقی تعاون کو فروغ دینے کا معاہدہ طے پاگیا۔ اس سلسلے میں مفاہمتی یاداشت پر دستخط کی تقریب وائس چانسلر پنجاب یونیورسٹی آفس کے کمیٹی روم میں منعقد ہوئی۔اس موقع پروائس چانسلر پروفیسر ڈاکٹر محمد علی، دفتر محتسب پنجاب کے سینئر ایڈوائزر ریسرچ ڈاکٹر میاں وحید الدین، ڈائریکٹر پنجاب یونیورسٹی ایکسٹرنل لنکجزپروفیسر ڈاکٹر یامینہ سلمان، دفتر محتسب پنجاب کے ڈائریکٹر ریسرچ ڈاکٹر مکرم علی خان اور دفتر محتسب پنجاب کے سینئر پالیسی ایڈوائزرز نے شرکت کی۔معاہدے کا مقصد تعلیمی تعاون کو مضبوط بنانا، تحقیقی وسائل کے تبادلے میں سہولت فراہم کرنا اور مشترکہ سمپوزیا، سیمینارز، ورکشاپس، کانفرنسز وغیرہ کا اہتمام کرنا ہے۔معاہدے کا مقصدتحقیق کوفروغ دینے کے لیے باہمی تعاون پر مبنی اشاعتوں اورپروفیشنلز کی تربیت کی حوصلہ افزائی کرنا ہے۔ شرکاء نے پالیسی سازی کی حمایت میں علمی تعاون کی اہمیت کو اجاگر کیا۔

وزیر اعلیٰ ہونہار اسکالرشپ ایوارڈ کی ایک شاندار تقریب کنگ ایڈورڈ میڈیکل یونیورسٹی میں منعقد ہوئی۔ تقریب کی میزبانی کنگ ایڈورڈ میڈیکل یونیورسٹی کے رجسٹرار پروفیسر محمد عمران نے کی۔ اس موقع پر معزز مہمانوں نے شرکت کی، جن میں صوبائی وزیر برائے اسپیشلائزڈ ہیلتھ کیئر خواجہ سلمان رفیق، صوبائی وزیر برائے اسکول و اعلیٰ تعلیم رانا سکندر حیات خان، اور وائس چانسلر پروفیسر محمود ایاز شامل تھے۔

تقریب کا آغاز تلاوتِ قرآن پاک اور قومی ترانے سے ہوا، جس کے بعد معزز مہمانوں کو خوش آمدید کہا گیا۔ اپنے خطاب میں صوبائی وزیر صحت خواجہ سلمان رفیق نے تقریب میں شرکت پر خوشی کا اظہار کیا اور طلبہ کی صلاحیتوں کو سراہا۔ انہوں نے اعلان کیا کہ کنگ ایڈورڈ میڈیکل یونیورسٹی کے طلبہ کو 15.8 ملین روپے کے اسکالرشپس دیے جا رہے ہیں۔

صوبائی وزیر برائے اسکول ایجوکیشن رانا سکندر حیات خان نے ہونہار اسکالرشپ پروگرام کی اہمیت پر روشنی ڈالتے ہوئے کہا کہ یہ پاکستان کی تعلیمی تاریخ کا سب سے بڑا منصوبہ ہے۔ انہوں نے بتایا کہ 61% اسکالرشپس طالبات کو دی جا رہی ہیں، جبکہ مفت ایم ڈی کیٹ کوچنگ پروگرام بھی متعارف کرایا گیا ہے، جو شاندار نتائج دے رہا ہے۔ مزید برآں، انہوں نے اعلان کیا کہ پنجاب حکومت اس سال 1,10,000 لیپ ٹاپ تقسیم کرے گی، جبکہ آئندہ بھی ہونہار طلبہ کو مزید لیپ ٹاپ دیے جائیں گے۔

وائس چانسلر کنگ ایڈورڈ میڈیکل یونیورسٹی پروفیسر محمود ایاز نے پنجاب حکومت کی تعلیمی پالیسی کو سراہتے ہوئے کہا کہ میرٹ پر 224 طلبہ کو اسکالرشپ دی گئی ہے، جن میں ایم بی بی ایس، الائیڈ ہیلتھ سائنسز اور ڈی پی ٹی کے طلبہ شامل ہیں۔ انہوں نے وزیر اعلیٰ پنجاب مریم نواز شریف کا شکریہ ادا کرتے ہوئے کہا کہ پنجاب حکومت کا یہ اقدام تعلیمی ترقی کے لیے نہایت اہم ہے اور درحقیقت یہ پنجاب حکومت کا ایک تاریخی اقدام تصور کیا جائے گا، جو صوبے اور پاکستان کی ترقی اور خوشحالی کے لیے ایک بہترین سرمایہ کاری ہے۔ انہوں نے رانا سکندر حیات خان کی میڈیکل طلبہ کے لیے کی جانے والی کوششوں کو بھی قابلِ تحسین قرار دیا۔

تقریب اختتام پذیر ہوئی۔

4o

ہائر اجو کیشن کمشن نے نیشنل کریکولم ریویو کمیٹیوں کے ذریعے نظرثانی شدہ چار مزید نصاب کا نوٹیفیکیشن جاری کر دیا ، جو کہ سیاسیات، اسلامیات، ریموٹ سینسنگ اور ، اور آرکیٹیکچر کے شعبوں سے متعلق ہیں۔

اپ ڈیٹ شدہ نصاب کا مقصد تعلیمی معیار کو بلند کرنا، صنعت کی ضروریات سے ہم آہنگ کرنا، اور متعلقہ تعلیمی شعبوں میں بدلتے ہوئے مارکیٹ کے رجحانات کو شامل کرنا ہے۔ NCRCs میں ممتاز پروفیسرز، سینئر فیکلٹی، اور نمایاں اسکالرز کے ساتھ ساتھ ایکریڈیشن کونسلز، تحقیق و ترقی (R&D) تنظیموں، اور متعلقہ صنعتوں کے ماہرین شامل ہوتے ہیں۔

نظرثانی شدہ نصاب میں تعلیمی معیارات پر توجہ دی گئی ہے، جن میں ڈگری پروگرام کا نام، اہلیت کے معیارات، پروگرام کے تعلیمی نتائج، مطالعے کے منصوبے، کورس کے تعلیمی نتائج، ڈگری حاصل کرنے کے تقاضے، اور عالمی معیارات، مقامی ضروریات، اور مارکیٹ کی طلب کے مطابق خصوصی مضامین کے اختیارات شامل ہیں

خواتین کے عالمی دن کے سلسلے میں وزیر اعلیٰ پنجاب مریم نواز شریف کے ویژن کے مطابق اسلامیہ یونیورسٹی بہاولپور کی خواتین اساتذہ، ملازمین اور طالبات بھرپور طریقے سے تقریبات منارہی ہے۔ اس سلسلے میں وائس چانسلراسلامیہ یونیورسٹی بہاول پور پروفیسر ڈاکٹر محمد کامران کی ہدایت پر تمام کیمپسز میں مختلف شعبہ جات تقریبات منعقد کر رہے ہیں۔ یونیورسٹی کالج آف آرٹ اینڈ ڈیزائن میں فیکلٹی اور طلباؤطالبات کے بنائے ہوئے فن پاروں کی نمائش منعقد ہوئی۔ اس موقع پر وائس چانسلر پروفیسر ڈاکٹر محمد کامران مہمان خصوصی تھے۔ خواتین کے عالمی دن کے تھیم پر بنائے گئے فن پاروں کی نمائش میں بہاول پور کے نو مختلف تعلیمی اداروں سے اساتذہ اور طلباو طالبات شریک ہوئے۔ اس موقع پر صف اول میں قیادت کرتی ہوئے آئرن لیڈیز آف بہاول پور کے نام سے ویڈیو ڈاکیومینٹری کا افتتاح بھی ہوا۔ طلباوطالبات نے ہاتھوں سے بنائے ہوئے خوبصورت سوینئرز کے سٹالز بھی لگائے۔ یونیورسٹی کالج آف آرٹ اینڈ ڈیزائن، پارکس اینڈ ہارٹیکلچر اتھارٹی بہاول پور کے اشتراک سے وال پینٹنگ کی خوبصورت سرگرمی میں بھی شریک ہیں۔ اس موقع پر پرنسپل یونیورسٹی کالج آف آرٹ اینڈ ڈیزائن ڈاکٹر فرحانہ الطاف قریشی نے خواتین کے عالمی دن کی مناسبت سے کالج میں ہونے والی سرگرمیوں پر تفصیلی بریفنگ دی اور کہا کہ اساتذہ اور طالبات کے علاوہ بہاول پور سے خواتین ان سرگرمیوں میں بڑھ چڑھ کر حصہ لے رہی ہیں۔ اس موقع پر پروفیسر ڈاکٹر روبینہ بھٹی ڈین فیکلٹی آف سوشل سائنسز، تکمیل سکوئر کی ڈائریکٹرڈاکٹر قیصرہ، سماجی رہنما امبر تنصیر اور دیگر خواتین بھی شریک تھیں

پنجاب یونیورسٹی اورمرجان پولیمر انڈسٹریز کے درمیان معاہدہ
لاہور (3مارچ،سوموار):پنجاب یونیورسٹی انسٹیٹیوٹ آف پولیمر اینڈ ٹیکسٹائل انجینئرنگ اور مرجان پولیمر انڈسٹریز لاہور پاکستان کے مابین کوٹنگز، چپکنے والی، سیلنٹ، ایلسٹومرز اور پینٹس ٹیکنالوجیزکے لیے مشترکہ لیبارٹری کے قیام کے لیے معاہدہ طے پا گیا۔ اس سلسلے میں مفاہمتی یادداشت پر دستخط کی تقریب وائس چانسلر پنجاب یونیورسٹی آفس کے کمیٹی روم میں منعقد ہوئی۔ اس موقع پر وائس چانسلر پنجاب یونیورسٹی پروفیسر ڈاکٹر محمد علی، ڈائریکٹر انسٹیٹیوٹ آف پولیمر اینڈ ٹیکسٹائل انجینئرنگ ڈاکٹر شہزاد مقصود خان،چیف ایگزیکٹیو آفیسر مرجان پولیمر انڈسٹریز ڈاکٹر محمد عابد، ڈائریکٹر ایکسٹرنل لنکجزڈاکٹر یامینہ سلمان و دیگر نے شرکت کی۔ تفصیلات کے مطابق، یہ معاہد ہ انڈسٹری اور اکیڈیمیا کے روابط کو مضبوط کرے گا، مقامی صنعت کو فروغ دینے میں مدد کرے گا اور طلباء کو ملازمت کے مواقع فراہم کرے گا۔ تقریب سے خطاب کرتے ہوئے وائس چانسلر پروفیسرڈاکٹر محمد علی نے کہا کہ صنعتوں کے ساتھ تعلقات کو فروغ دینا یونیورسٹی کی اولین ترجیح ہے۔ کوٹنگز، چپکنے والے، سیلنٹ، ایلسٹومر اور پینٹ ٹیکنالوجیز کے لیے لیبارٹری کا قیام انسٹیٹیوٹ آف پولیمر اینڈ ٹیکسٹائل انجینئرنگ پنجاب یونیورسٹی میں جدید ترین سہولت فراہم کرے گا۔ یہ لیبارٹری پیشگی کوٹنگ ٹیکنالوجیز کے لیے صنعت کے معیارات پر پورا اترنے اور مارکیٹ کی مسابقت کو بڑھانے کے لیے کام کرے گی۔ انہوں نے کہا کہ معاہدے سے پنجاب یونیورسٹی کے طلباء کو روزگار کے بہتر مواقع میسر آئیں گے۔ڈاکٹر عابد نے کہا کہ پنجاب یونیورسٹی کے طلباء کو انٹرن شپ اور روزگار کے مواقع فراہم کریں گے۔

 پنجاب یونیورسٹی نے حسن بابر ولد ظہیر احمد بابرکو آرٹ اینڈ ڈیزائن، شہلا نورین دختر حفیظ الدین کو باٹنی، مصباح امانت دخترامانت علی کواینوائرمینٹل سائنسز،فاطمہ بشیر احمد دختربشیر احمدکو زوالوجی، حافظہ ثمرہ عنبرین دختر عابد حسین صدیقی کو زوالوجی، مصباح ایوب دختر محمد ایوب کو باٹنی، ہمایوں ارشدولد محمد ارشد کو بائیولوجیکل سائنسز (بائیو کیمسٹری)، عابد حسین ولد نور احمدکو انفارمیشن مینجمنٹ، اویس ستار غوری ولد عبدالستار غوری کو کیمیکل انجینئرنگ اور طیبہ اسحاق دخترمحمد اسحاق کو بائیولوجیکل سائنسز (مالیکولر بیالوجی) کے مضمون میں، پی ایچ ڈی مقالہ جات کی تکمیل کے بعد،پی ایچ ڈی کی ڈگریاں جاری کردی ہیں۔

UMT کے صدر ابراہیم حسن مراد نے سوڈانی نوجوانوں کے لیے ایک خصوصی اسکالرشپ کی صورت میں تعاون کا وعدہ کیا ہے۔ یہ اسکالرشپ سوڈانی طلبہ کو UMT میں تعلیم حاصل کرنے کا موقع فراہم کرے گی، تاکہ وہ اپنی مکمل صلاحیتوں تک پہنچ سکیں۔

UMT کے ڈائریکٹر انٹرنیشنلائزیشن متقی ملک نے پاکستان میں سوڈان کے سفیر، عزت مآب صالح محمد احمد سے دستخطی تقریب کے دوران ملاقات کی۔ سفیر نے UMT کے صدر کے اس اقدام کو گہرے الفاظ میں سراہا، اور دونوں رہنماؤں نے سوڈان اور پاکستان میں اعلیٰ تعلیم کے منظرنامے پر تبادلہ خیال کیا۔ دونوں نے سوڈانی نوجوانوں کی تعلیمی ترقی کے لیے مشترکہ طور پر کام کرنے پر اتفاق کیا۔

متقی ملک نے سفیر کو ادارے کے دورے کی دعوت دی، جسے سفیر نے بخوشی قبول کیا اور پاکستان کے سب سے کم عمر یونیورسٹی صدر، ابراہیم حسن مراد سے ملاقات کی خواہش کا اظہار کیا۔

یونیورسٹی آف ساؤتھ ایشیا میں ایمپلائی ایبیلیٹی ویک 2025 کے تحت ایک معلوماتی اور فکر انگیز سیشن “کمیونٹی جرنلزم میں ڈیٹا ڈریون اسٹوری ٹیلنگ” کے موضوع پر منعقد ہوا۔ اس سیشن کے معزز مہمان تحقیقی صحافی مقرر کامران ساقی تھے۔
اس سیشن میں ڈیٹا کے ذریعے کہانیوں کی تشکیل، صحافتی ساکھ میں اضافے، اور کمیونٹی جرنلزم پر اس کے اثرات پر روشنی ڈالی گئی۔ طلبہ کو ڈیٹا اینالیٹکس کے استعمال اور اس کے عوامی مباحثے میں کردار کے حوالے سے قیمتی معلومات فراہم کی گئیں۔
محترمہ سعدیہ مجید (ہیڈ آف ڈیپارٹمنٹ، میڈیا اسٹڈیز – یونیورسٹی آف ساؤتھ ایشیا) نے مہمان کو یادگاری شیلڈ پیش کی، جبکہ سید ذیشان حیدر (لیکچرار) نے سیشن کی نظامت کے فرائض انجام دیے۔

وزیراعظم محمد شہباز شریف نے کہاہے کہ پاکستان اورچین کے درمیان خلائی تحقیق میں تعاون کاسمجھوتہ اورپہلے پاکستانی خلا باز کو چین کے خلائی سٹیشن تک لے جانے کااقدام پاک چین دوستی کاایک نیاباب ہے،سمجھوتہ سے دونوں ممالک کے درمیان مضبوط دوستی کی عکاسی ہو رہی ہے،پاک چین اقتصادی راہداری کے عظیم منصوبہ کے ذریعہ پاکستان میں بڑے بڑے منصوبے مکمل کئے گئے، سپارکوکوپاک چین خلائی تعاون سے بھرپورطریقے سے استفادہ کرنا ہو گا۔ان

ہوں نے یہ بات جمعہ کویہاں قومی خلائی ایجنسی، پاکستان سپیس اینڈ اپر ایٹموسفیئر ریسرچ کمیشن اور عوامی جمہوریہ چین کی مینڈ اسپیس ایجنسی کے ساتھ باہمی تعاون کے معاہدے پر دستخطوں کی تقریب سے خطاب کرتے ہوئے کہی جس کے تحت پاکستان کے پہلے خلا باز کو چینی خلائی سٹیشن تیانگونگ کے مشن پر روانہ کیا جائے گا۔ وزیراعظم نے کہاکہ پاکستان اورچین کے درمیان خلائی تحقیق میں تعاون کاسمجھوتہ پاک چین دوستی کاایک نیاباب ہے اور اس سے دونوں ممالک کے درمیان مضبوط دوستی کی عکاسی ہو رہی ہے۔

وزیراعظم نے کہا کہ پاکستان میں سپارکو کے ادارے کاقیام 1961میں عمل میں آیاتھا مگر ہم نے اس شعبہ میں کوئی خاص ترقی نہیں کی،پاکستان اب چین کے ساتھ اس پروگرام کوآگے بڑھا رہاہے، ہم نے نہ صرف اس کامیاب بنانا ہے بلکہ لیڈرشپ اورمحنت کے ذریعہ اپنے نوجوانوں کیلئے نئی راہیں اورنئے مواقع تلاش کرنے کے ساتھ ساتھ ان کی امنگوں کوبار آور کر نا ہو گا۔ وزیراعظم نے کہاکہ سپارکو پراس حوالہ سے بڑی ذمہ داری عائد ہوتی ہے۔سپارکوکو اس تعاون سے بھرپورطریقے سے استفادہ کرنا ہو گا۔

قبل ازیں تقریب سے خطاب کرتے ہوئے وفاقی وزیرمنصوبہ بندی،ترقی وخصوصی اقدامات پروفیسراحسن اقبال نے کہاکہ آج کے سمجھوتہ سے پاک چین دوستی آسمانوں سے بلند ہوگئی ہے۔حکومت نے وزیراعظم کی قیادت میں ملک کوٹیکنالوجی کے ذریعہ آگے بڑھانے کاجوایجنڈا مرتب کیاہے اس میں خلائی ٹیکنالوجی بھی اہم شعبہ ہے۔خلائی ٹیکنالوجی ممالک کی اقتصادی نمو، قومی سلامتی،اورماحولیاتی وموسمیاتی پائیداریت کی ضمانت بن گئی ہے۔اندازہ ہے کہ عنقریب یہ ایک ٹریلین ڈالرکی صنعت بن جائے گی۔ مختلف ممالک اس ٹیکنالوجی میں تیزی کے ساتھ آگے بڑھ رہے ہیں۔ پاکستان 1961میں اپنی خلائی ایجنسی قائم کی لیکن بو جوہ ہم اس شعبہ میں اپنی لیڈرشپ برقرارنہ رکھ سکے۔ اڑان پاکستان کے ذریعہ ہم پاکستان کے اس کھوئے ہوئے مقام کو حاصل کرنے مختلف شعبوں میں آگے بڑھنے کامنصوبہ بناچکے ہیں۔

نہوں نے کہاکہ زراعت،آفات سے نمٹنے، موزونیت،شہری منصوبہ بندی،بنیادی ڈھانچہ کی ترقی اورسب سے بڑھ کرہماری بقا وسلامتی کامستقبل خلائی ٹیکنالوجی سے وابستہ ہے۔انہوں نے کہاکہ موجودہ سمجھوتہ ایک سنگ میل کی حیثیت رکھتاہے اوراس سے پاکستان زمین سے مدارمیں پہنچنے کے قابل ہو جائے گا۔یہ پروگرام خلائی تحقیق کے شعبہ میں پاکستانی قوم کی امنگوں اور تمنائوں کے مطابق ہے۔اس سے ہمارے نوجوانوں اورذہین دماغوں کواپنے وژن اور خیالات کونئے ایجادات کی صورت میں ڈھالنے کے مواقع دستیاب ہوں گے۔

چین کے ڈائریکٹرجنرل مینڈسپیس ایجنسی پروفیسرلین شی چیانگ نے اپنے خطاب میں کہاکہ یہ دونوں ممالک کے درمیان تعاون اوردوستی کے حوالہ سے تاریخی لمحہ ہے، دونوں ممالک کے درمیان ایروسپیس کے شعبہ میں تعاون خوش آئندہے۔ سمجھوتہ کے تحت مستقبل قریب میں پہلے پاکستانی خلابازکوچین کے خلائی سٹیشن میں پہنچانے کی تریبت اورموقع فراہم کریں گے۔ علاوہ ازیں پاکستانی خلا بازوں کوتربیت بھی فراہم کی جائے گانہوں نے کہاکہ چین نے پہلے غیرملکی خلا ء باز کواپنے خلائی سٹیشن لے جانے کیلئے پاکستان کاانتخاب کیاہے جس سے دونوں ممالک کے درمیان سدا بہار تزویراتی شراکت داری کی عکاسی ہورہی ہے۔ انہوں نے کہاکہ وہ یقین دلاتے ہیں کہ معاہدے کے تحت چین تمام اہداف اورطے کردہ امور کو منطقی انجام تک پہنچانے میں مکمل طورپرپرعزم ہیں۔

تقریب سے سپارکوکے چئیرمین محمدیوسف خان نے خطاب کرتے ہوئے کہاکہ پاکستان کے تین مصنوعی سیارے خلا میں موجودہیں جومکمل طورپرفعال ہیں۔اس سال کے آخرتک چار مزید سیارچوں کوخلا میں زمین کے مدارمیں پہنچایا جائے گا۔2011سے پاکستان نے جیوسٹیشنری مدارمیں دومواصلاتی سیارچے پہنچائے ہیں۔مئی 2024میں پاک سیٹ ایم ایم ون کومدارمیں پہنچایاگیا جو ڈیجیٹل پاکستان کے حوالہ سے ایک سنگ میل ہے۔انہوں نے کہاکہ انسانی خلائی مشن کے قدام سے خلائی تسخیرکے حوالہ سے ہمارے عزم کی عکاسی ہورہی ہے۔انہوں نے کہاکہ اس سمجھوتہ کے تحت پہلے پاکستانی خلاباز کاانتخاب کیاجائے گا، انہیں خلاء بازی کی تربیت دی جائے گی اور انہیں چین کے خلائی سٹیشن تک لے جانے کاموقع فراہم ہو گا۔

:لاہور ہائیکورٹ نے سموگ اور ماحولیاتی آلودگی کے تدارک کے حوالے سے دائر درخواستوں پر سماعت کرتے ہوئے حکم دیا ہے کہ سکولوں کی چھٹی کے وقت مکمل ٹریفک پلان ہونا چاہیے ،سکولز انتظامیہ سے مشاورت کر کے معلوم کیا جائے کہ چھٹی کے اوقات کیا ہیں۔ عدالت نے ریمارکس دئیے کہ اگر ایل ڈی اے سکولوں کی چھٹی کے وقت ٹریفک کو ون وے کردے تو مسائل حل ہو سکتے ہیں۔ عدالت نے سی ٹی او کو ٹریفک پلان بنانے کا حکم دیتے ہوئے مزید سماعت آئندہ ہفتے تک ملتوی کردی۔

دوران سماعت عدالت نے ہدایت کی کہ سکولوں کی چھٹی کے دوران سروس روڈ پر ون وے کی خلاف ورزی کی صورت میں دس ہزار روپے جرمانہ کیا جائے،عدالت نے مزید کہا کہ ایک کیمرہ نصب کیا جائے جو مانیٹرنگ کرے اور خلاف ورزی کرنے والوں کو جرمانے کئے جائیں۔ لاہور ہائیکورٹ کے جسٹس شاہد کریم نے سموگ کے تدارک کیس میں ہارون فاروق ، اظہر صدیق سمیت دیگر کی ایک ہی نوعیت کی دائر درخواستوں پر سماعت کی جس میں ماحولیاتی آلودگی اور سموگ کے تدارک کیلئے اقدامات نہ کرنے کی نشاندہی کی گئی ہے۔ جمعہ کے روز دوران سماعت عدالتی حکم پر ٹریفک پولیس کے اعلی حکام سمیت دیگر محکموں کے افسران پیش ہوئے۔سماعت کے دوران ممبر جوڈیشل کمیشن نے عدالت کو آگاہ کیا کہ سکولوں کے باہر ڈراپ لائنز بنانے کے حوالے سے لاہور ڈیولپمنٹ اتھارٹی (ایل ڈی اے)کو نوٹس جاری کیا گیا تھا مگر وہ خاموش ہے، اس پر عدالت نے چیف ٹائون پلانر کو ذاتی حیثیت میں طلب کرنے کا حکم دیا۔ ایل ڈی اے کے وکیل نے موقف اپنایا کہ چار کنال سے بڑے اسکولوں کو ڈراپ لائنز بنانے کے احکامات دیے جا رہے ہیں۔ عدالت نے سکولوں کے لیے پارکنگ کی ضرورت پر زور دیتے ہوئے کہا کہ چیف ٹائون پلانر کو ایسے آئیڈیاز کے ساتھ آنا چاہیے۔

دوران سماعت واسا کے وکیل نے عدالت کو آگاہ کیا کہ لاہور کے نالوں کو کور کرنے کے منصوبے کا پی سی ون تیار ہو چکا ہے۔ جس پر عدالت نے ریمارکس دیے کہ گلبرگ کے نالے کو کور کر کے بہت کچھ بنایا جا سکتا ہے۔ واسا کے وکیل نے موقف دیا کہ یہ نالے برسات میں لاہور کو بچاتے ہیں اس لیے ان کو مکمل کور کرنا مشکل ہے۔

ممبر جوڈیشل کمیشن نے عدالت کو آگاہ کیا کہ ٹریفک وارڈنز کے لیے ہیلتھ الائونس کی سمری آئی جی پولیس نے بھجوا دی ہے جس پر عدالت نے ہوم ڈیپارٹمنٹ کو ہدایت کی کہ سمری منظور کی جائے۔۔عدالت نے کیس کی مزید سماعت آئندہ ہفتے تک ملتوی کر دی اور آئندہ سماعت پر عدالتی احکامات کی عملدرآمد رپورٹ طلب کرلی ۔