شعبہ جغرافیہ اسلامیہ یونیورسٹی بہاولپور کے زیر اہتمام آفات کے خطرے میں کمی کے عالمی دن کی مناسبت سے آفات کے خطرات میں کمی اور کمیونٹیز کو بااختیار بنانے اور ایک محفوظ مستقبل کے عنوان سے ایک سیمینار کا انعقاد کیا گیا۔ معزز مہمان مقررین ساجد نور اور ڈاکٹر قرۃ العین صفدر، اسسٹنٹ پروفیسر اور شعبہ ماحولیات کے لیکچرار ڈاکٹر اویس منیر نے خطاب کیا۔ مقررین نے کہا کہ ہر سال 13 اکتوبر ڈیزاسٹر رسک ریڈکشن (IDDRR) کے عالمی دن کے طور پر منایا جاتا ہے۔ اس دن کا مقصد آفات کے خطرات کو کم کرنا ہے۔  اقوام متحدہ کے ذیلی ادارے یو این ڈی پی کی کوششوں کا مقصد قدرتی آفات سے نمٹنے کی تیاری کو بڑھانا،  آب و ہوا کے لچکدار انفراسٹرکچر کی حمایت، کمزور کمیونٹیز کی حفاظت کریں اور پائیدار ترقی کو فروغ دینا ہے۔قاضی خلیل الرحمان نے خطاب کرتے ہوئے شعبہ جغرافیہ میں دستیاب جدید ترین سہولیات اور وسائل کی مدد سے طلباء وطالبات کی عملی تربیت پر گفتگو کی۔  چیئرمین شعبہ جغرافیہ پروفیسر ڈاکٹر شیر محمد ملک مہمان مقررین کا شکریہ ادا کیا اور سیمینار کے انعقاد پر منتظمین کی کوششوں کو سراہا۔

چین میں ہونان یونیورسٹی آف میڈیسن نے اپنے نئے افتتاح شدہ تحقیقی عمارت کو پاکستانی سائنسدان پروفیسر ڈاکٹر محمد اقبال چوہدری کے نام سے منسوب کیا ہے تاکہ میڈیکل سائنسز میں ان کی شاندار خدمات کو خراج تحسین پیش کیا جا سکے۔یہ جدید تحقیقی عمارت 13,000 مربع فٹ پر مشتمل ہے اور اس میں 17 کل وقتی محققین کام کریں گے جو پاکستان اور چین کے درمیان سائنسی تعاون کو فروغ دینے کے لیے کوشاں ہوں گے، ایک پریس ریلیز کے مطابق۔

1912 میں مشہور طبی ماہر تعلیم مسٹر یان فوچنگ کے ذریعہ قائم کی گئی، ہونان یونیورسٹی آف میڈیسن چین کی ممتاز قومی عوامی میڈیکل یونیورسٹیوں میں سے ایک کے طور پر جانی جاتی ہے۔یہ یونیورسٹی ہونان صوبائی محکمہ تعلیم کے زیر اہتمام کام کرتی ہے اور دو کیمپسز، جنکسی اور جنہائی، پر محیط ہے، جن کا کل رقبہ 945,300 مربع میٹر ہے۔یونیورسٹی میں 4,642 اساتذہ اور 14,425 کل وقتی طلبہ شامل ہیں، اور یہ 20 مکمل انڈرگریجویٹ اور گریجویٹ میڈیکل پروگرامز پیش کرتی ہے۔پروفیسر چوہدری کے نام سے نئی تحقیقی عمارت کا نام منسوب ہونا ایک تاریخی لمحہ ہے، جو HNUM میں پہلی بار کسی پاکستانی سائنسدان کو اس طرح کا اعزاز دیا گیا ہے۔

نامور ماہر تعلیم اور کیمیا دان پروفیسر ڈاکٹر شازیہ انجم نےبطور وائس چانسلر دی گورنمنٹ
صادق کالج ویمن یونیورسٹی کا چارج سنبھال لیا۔ وائس چانسلر سیکرٹریٹ پہنچنے پر پرو وائس
چانسلر پروفیسر ڈاکٹر محمد اشفاق محمود قریشی اور ڈاکٹر صائمہ انجم رجسٹرار نے انکا پر تپاک
استقبال کیا۔ بعد از آمد انہوں نے تما م ڈینز اور پرنسپل آفیسران سے تعارفی ملاقات کی جہاں انہیں
یونیورسٹی کی کاکردگی بارے بریف کیا گیا۔ اس موقع پر نو منتخب وائس چانسلر نےجامعہ میں
تعلیم و تحقیق کے میدان میں ترقی کو سراہتے ہوئے بہتر سے بہترین کرنے کا عزم
ظاہرکیا۔انہوں نے اس بات زور دیا کیا بطور ٹیم ہمیں دستیاب وسائل کو بروئے کار لا کر دی
گورنمنٹ صادق کالج ویمن یونیورسٹی کو ملک پاکستان کی صف اول کی جامعات میں لانا ہے۔
پروفیسر ڈاکٹر شازیہ انجم ایک ممتاز ماہر تعلیم اور کیمیادان ہیں۔ اس سے پہلے وہ بطور ڈین
فیکلٹی آف کیمیکل اینڈبیالوجیکل سائنسز اسلامیہ یونیورسٹی بہاولپور رہ چکی ہیں۔ پروفیسر ڈاکٹر
شازیہ انجم کو یہ اعزاز حاصل ہے کہ وہ دی گورنمنٹ صادق کالج ویمن یونیورسٹی کی ایلومنائی ہیں۔
انہوں نے سال 1990 میں بی ایس سی کا امتحان یہاں سے پا س کیا۔

رحیم یار خان خواجہ فرید یونیورسٹی آف انجینئرنگ اینڈ انفارمیشن ٹیکنالوجی رحیم یار خان میں کشمیریوں سے اظہار یک جہتی کے موقع پر پرو وائس چانسلر پروفیسر ڈاکٹر شہزاد مرتضی کی قیادت میں ریلی نکالی جا رہی ہے

خواجہ فرید یونیورسٹی آف انجینئرنگ اینڈ انفارمیشن ٹیکنالوجی رحیم یار خان میں کشمیری بہن بھائیوں سے اظہار یکجہتی کے لیے یوم سیاہ بھر پور انداز سے منایا گیا۔ وائس چانسلر پروفیسر انجینئر ڈاکٹر عامر اعظم خان کی ہدایت پر جامعہ بھر میں کشمیریوں کے حق خودارادیت اور مقبوضہ کشمیر پر بھارت کے غاصبانہ قبضے کے خلاف خصوصی سیمینار اور آگاہی واک کا انعقاد کیا گیا۔اس حوالے سے پروفیسر ڈاکٹر عامر اعظم خان نے اپنے خصوصی پیغام میں کہا کہ غاصب ریاست کی جانب سے مقبوضہ کشمیر کے باسیوں پر جو انسانیت سوز مظالم ڈھائے گئے دنیا میں ان کی مثال ملنا مشکل ہے۔ 27اکتوبر 1947کا دن تاریخ کا وہ سیاہ ترین دن ہے جب بھارتی فوج غیر قانونی طور پر کشمیر میں اُتری اور وادی کو فوجی چھاونی میں بدل دیا۔ انہوں نے کہا اس دن سے شروع ہوئی جدوجہد آزادی آج بھی ملی جوش و جذبہ سے جاری ہے اور اب کشمیریوں کی چوتھی نسل اپنی آزادی کی جنگ لڑ رہی ہے۔بھارتی حکومت نے مقبوضہ کشمیر کی خصوصی حیثیت ختم کر کے کشمیریوں کی شناخت ختم کرنے کی مذموم کوشش کی، آبادی کا تناسب تبدیل کرکے خطہ کو مختلف حصوں میں تقسیم کرنے جیسی حرکتوں سے تحریک آزادی کو مٹانے کی ناکام اور مذموم کوشش کی۔ وائس چانسلر کا کہنا تھا کہ تمام پاکستانی قائد اعظم محمد علی جناح کے فرمان کے مطابق کشمیر کو اپنی شہہ رگ سمجھتے ہیں۔ کشمیری اور پاکستانی یک جان دو قالب کی طرح ہیں۔ وطن عزیز پاکستان نے مسئلہ کشمیر کو دنیا کے ہر فورم پر بھرپور طریقے سے اٹھایا اور کشمیریوں کا مقدمہ تمام سفارتی محاذوں پر لڑا۔ وہ دن دور نہیں کہ جب کشمیر کی سر زمین پر بھارت کے ناجائز تسلط سے آزادی کا سورج طلوع ہوگا۔

یوم سیاہ کشمیر کی مناسبت سےمقبوضہ کشمیر کے عوام کے ساتھ اظہار یکجہتی کےلیے اوکاڑہ یونیورسٹی کے ڈائریکٹوریٹ آف اسٹوڈنٹ افیئرز کی جانب سے ایک ریلی کا اہتمام کیا گیا جس میں اساتذہ، طلباء اور انتظامی افسران کی ایک بڑی تعداد نے شرکت کی۔ اس ریلی کا مقصد آزادی اور حق خود ارادیت کےلیے کشمیریوں کی جدوجہد کو خراج تحسین پیش کرنا تھا۔
ریلی یونیورسٹی کے مرکزی دروازے سے شروع ہو کر پورے کیمپس سے ہوتی ہوئی ایڈمن بلاک کے سامنے اختتام پزید ہوئی۔ ریلی کے شرکاء نے بینرز اور پلے کارڈز اٹھا رکھے تھے جن پہ انصاف، امن اور کشمیریوں کے حق خودارادیت کے حق میں نعرے درج تھے۔
ریلی سے خطاب کرتے ہوئے ڈائریکٹر اسٹوڈنٹ افیئرز ڈاکٹر امجد علی نے کہا کہ ہمیں ہر سال یوم سیاہ منانا چاہیے تاکہ دنیا کو یہ باور کرایا جا سکے کی کشمیری عوام کس طرح سے بھارتی ظلم و بربریت کے سائے میں زندگیاں گزار رہے ہیں۔ ان کا مزید کہنا تھا کہ یہ دن کشمیریوں کی مزاحمت کی علامت ہے۔ ہم آج یہاں پہ کشمیریوں کی جدوجہد آزادی کو خراج تحسین پیش کرنے کےلیے اکٹھا ہوئے ہیں۔
اس موقع پر اپنے خصوصی پیغام میں اوکاڑہ یونیورسٹی کے وائس چانسلر پروفیسر ڈاکٹر جاوید اختر بین الاقوامی کمیونٹی سے اپیل کی کہ وہ مسئلہ کشمیر کے پر امن حل میں اپنا کردار ادا کریں، کیونکہ اس مسئلے کے حل کے بغیر خطے میں امن اور ترقی کا خواب شرمندہ تعبیر نہیں ہو سکتا۔ انہوں نے ریلی کے کامیاب انعقاد پہ ڈاکٹر امجد کی کاوش کو سراہا اور طلباء کو ہدایت کی کہ وہ کشمیر میں امن کے قیام کےلیے اپنی آوازیں بلند کرتے رہیں۔
ریلی کے اختتام پہ مظلوم کشمیریوں کےلیے ایک منٹ کی خاموشی اختیار کی گئی اور بعد میں کشمیر میں امن اور خوشحالی کےلیے دعا کی گئی۔

میڈیکل اینڈ ہیلتھ ڈویژن اور اسٹیٹ کیئر ڈائریکٹوریٹ اسلامیہ یونیورسٹی بہاول پورکے زیر اہتمام انسدادِ ڈینگی مہم کے سلسلے میں خصوصی سیمینار غلام محمد گھوٹوی ہال میں منعقد کیا گیا۔ سیمینار کی صدارت وائس چانسلر پروفیسرڈاکٹر محمد کامران نے کی۔ اپنے خطاب میں وائس چانسلر نے کہا کہ کسی بھی ملک کی ترقی کے لیے صحت، تعلیم اور قانون تین اہم ستون ہیں۔تعلیم کسی بھی ملک کی ترقی کے لیے بہت ضروری ہے، اسی طرح صحت کا شعبہ ہے ہر انسان کے لیے نہایت اہم ہے۔ صحت کی بنیادی ضروریات پورا کرنا حکومت کی ترجحات میں شامل ہونا چاہیے۔ تیسرا اور اہم ترین شعبہ قانون اور  انصاف ہے جسکے  بغیر کوئی بھی معاشرہ اپنا وجود قائم نہیں رکھ سکتا۔ انہوں نے کہا کہ طلباو طالبات کے لیے تعلیم اور روزگار کا حصول اور اپنے والدین کی خدمت بنیادی ذمہ داریاں ہیں۔ جب ہمارے والدین بزرگ ہو جاتے  تو ان کی خدمت فرض اولین ہے۔ وائس چانسلر نے انسداد ڈینگی کے سلسلے میں سیمینار کے انعقاد کو سراہا۔ انہوں نے کہا کہ اسلامیہ یونیورسٹی بہاول پور عالمی سطح کی جامعہ ہے اور یہاں کے تعلیمی پروگرام ملک بھر میں انتہائی معیاری اور مقبول ہیں۔ اسلامیہ یونیورسٹی بہاول پور کے اساتذہ اور طلباو طالبات ملک و قوم کا اثاثہ ہیں اور وطن عزیز کی ترقی میں نمایاں انداز میں حصہ لے رہے ہیں۔ ڈاکٹر تنویر حسین شاہ ڈائریکٹر ہیلتھ ڈویژن بہاول پور نے اپنے خطاب میں کہا کہ ضلعی و ڈویژنل انتظامیہ اور اسلامیہ یونیورسٹی بہاول پور کی ٹیم کی آگاہی مہم کی وجہ سے بہاول پور ڈویژن میں ڈینگی بخار کے کیس نہ ہونے کے برابر ہیں۔ انہوں نے وائس چانسلر پروفیسر ڈاکٹر محمد کامران اور پوری ٹیم کی ڈینگی مہم کی کاوش کو سراہا۔ پروفیسر ڈاکٹر سعید احمد ڈین فیکلٹی آف فارمیسی اور الائیڈ ہیلتھ سائنسز نے کہا کہ مچھر اور ملیریا کی کہانی صدیوں پرانی ہے مگر وقت کے ساتھ ساتھ وائر س اتنا طاقتور ہو گیا کہ مچھر نے ڈینگی کی شکل اختیار کر لی ہے۔ ہمیں اپنی قوت مدافعت کو بہتر بنانے کی ضرور ت ہے۔ اچھی خوراک ہی جسم کو مضبوط اور بیمار یوں کے خلاف مزاحمت کے لیے تیار کر سکتی ہے۔ پروفیسر ڈاکٹر روبینہ بھٹی نے کہا کہ آج کا سیمینار کمیونٹی ڈویلپمنٹ سے متعلق ہے۔ اسلامیہ یونیورسٹی بہاول پور اس طرح کے سیمینار وقتا فوقتا منعقد کرتی رہتی ہے تاکہ کمیونٹی میں اپنا قائدانہ کردار ادا کرتی  رہے۔ کرونا وباء کے دوران بھی اسلامیہ یونیورسٹی بہاول پور نے کمیونٹی کے لیے ویکسینیشن کے حوالے سے اقدامات کیے اور طلباو طالبات، ملازمین اور عام لوگوں کو اس سے مستفید کیا۔اسلامیہ یونیورسٹی بہاول پور پہلی ہیپاٹائٹس فری یونیورسٹی ہونے کا بھی اعزاز حاصل کر چکی ہے۔ پروفیسر ڈاکٹر راؤ عمران حبیب ڈین فیکلٹی آف لاء نے کہا کہ صفائی نصف ایمان ہے۔ ڈینگی سے بچاؤ کے لیے پہلا قدم اپنے ماحول کو صاف  ستھرا بنانا ہے۔ پینے کے پانی کو ڈھانپ کر رکھیں اور مچھر کی افزائش کی جگہوں پر پانی کو نہ ٹھہرنے دیں۔ ان اقدامات سے  ڈینگی سے محفوظ رہ سکتے ہیں۔ پروفیسر ڈاکٹر فیاض الدین شعبہ فارمیسی و ایڈوائزر نارکوٹکس و ہیلتھ کیئر سوسائٹی نے کہا کہ اسلامیہ یونیورسٹی بہاول پور ڈینگی سے بچاؤ کے لیے بہت کام کر رہی ہے اور آئی یو بی ہیلتھ کیئر سوسائٹی اس سلسلے میں مختلف سیمینار اور آگاہی سیشن بھی منعقد کرتی رہتی ہے۔ڈاکٹر محمد لطیف پرنسپل آفیسر اسٹیٹ کیئر نے کہا کہ ڈینگی کے پھیلاو کو روکنے کے لیے احتیاطی تدابیر کے حوالے سے ہفتے میں دو سے تین بار گھروں، دفاتر اور دکانوں میں صفائی کر کے مچھر مار ادویات کا سپرے کرنا چاہیے۔ ڈینگی مچھر کی افزائش صاف پانی میں ہوتی ہے اس لیے صاف پانی جمع کرنے کے برتنوں مثلاً گھڑے، ڈرم، ٹینکی وغیرہ کو مناسب طریقے سے ڈھانپ کر رکھنا چاہیے۔ یونیورسٹی میں واقع مصنوعی جھیلوں میں ڈینگی لاوے کو کھانے والی مچھلیوں یا مناسب ادویات کے چھڑکاؤ، اینٹی ڈینگی سپرے اور فوگنگ کا بندوبست کیا جا رہا ہے۔ تعمیراتی سامان اور پرانے ٹائرز وغیرہ میں پانی اکھٹا نہ ہونے دیا جائے۔ اِسی طرح سیوریج سسٹم کو بھی فعال رکھا جا رہا ہے۔ ڈینگی مچھر کے افزئش کی تمام ممکنہ جگہوں کی باقاعدہ نگرانی کی جا رہی ہے۔ڈاکٹر محمد عثمان چیمہ چیف میڈیکل آفیسر نے کہا کہ ڈینگی بخار کی ابتدائی علامات میں شدید بخار اور جسم میں درد ہوتا ہے جس کے باعث بھوک بھی نہیں لگتی، آنکھوں کے پیچھے درد شروع ہوتا ہے جو سر کے دوسری طرف پھیل جاتا ہے۔ جسم پر ایسے دھبے نمودار ہونے لگتے ہیں جو خسرے کی بیماری میں دکھائی دیتے ہیں۔ سانس لینے میں دشواری ہوتی ہے اور رنگت پیلی ہونے کے علاوہ پیٹ میں شدید تکلیف کے باعث مریض صدمے کی حالت میں چلا جاتا ہے۔ مریض کو نارمل خوراک کے ساتھ زیادہ مقدار میں جوس، سوپ اور دودھ دینا چاہیے اور مکمل آرام مہیا کرنا چاہیے۔ اس سلسلے میں احتیاطی تدابیر کے حوالے سے ہفتے میں دو سے تین بار گھروں، دفاتر اور دکانوں میں صفائی کر کے مچھر مار کرنا چاہیے۔ سیمینار میں ڈین فیکلٹی آف مینجمنٹ سائنسز اینڈ کامرس پروفیسر ڈاکٹر جوادا قبال، ڈائریکٹر ایڈوانسڈ اسٹدیز اینڈ ریسرچ پروفیسر ڈاکٹر آصف نوید رانجھا، خزانہ دار ڈاکٹر عبدالستار ظہوری، پرنسپل میڈیکل آفیسر ڈاکٹر ملیحہ عارف،  پرنسپل نرسنگ کالج ڈاکٹرفرحان مختار، پروفیسر ڈاکٹر نوید اسلم ملغانی ڈائریکٹر سپیس مینجمنٹ اور طلباو طالبات بھی موجود تھے۔وائس چانسلر پروفیسر ڈاکٹر محمد کامران نے اس موقع پر سیمینار میں شریک طلبا و طالبات میں انسداد ڈینگی کے سلسلے میں معلوماتی لٹریچر بھی تقسیم کیا۔ سیمینار کے میزبانی کے فرائض اطہر محمود لاشاری لیکچرار شعبہ سرائیکی نے ادا کیے۔  

3 Attachments • Scanned by Gmail

پنجاب کی محتسب، نبیلہ حکیم خان نے یونیورسٹی آف گجرات کو ہراسمنٹ کمیٹی تشکیل نہ دینے اور ہراسانی سے متعلق ضابطہ اخلاق کو ظاہر نہ کرنے پر 1 لاکھ روپے جرمانہ کیا ہے، جیسا کہ خواتین کو کام کی جگہ پر ہراسانی سے تحفظ اور پنجاب ویمنز پراپرٹی رائٹس ایکٹ 2021 کے تحت لازم ہے۔

محتسب نے اس بات پر زور دیا کہ تمام ادارے—خواہ سرکاری، نیم سرکاری یا نجی ہوں—ہراسانی کی انکوائری کمیٹی تشکیل دینے اور ہراسانی کے ضابطہ اخلاق کا قانونی مسودہ اس زبان میں ظاہر کرنے کے پابند ہیں جو ادارے کے اراکین کے لیے قابلِ فہم ہو۔

یونیورسٹی کو سات دن کے اندر جرمانہ ادا کرنے کا حکم دیا گیا ہے، بصورت دیگر عدالت کی توہین کی کارروائی کا سامنا کرنا پڑ سکتا ہے۔

ن

ن

ن

ن

پنجاب

ن کے لیے درخواست کا شیڈول سیشن 2024-25″

نن

ن

ن

ن

ن

ن

در