دی گورنمنٹ صادق کالج ویمن یونیورسٹی بہاولپور کی وائس چانسلر پروفیسر ڈاکٹر شازیہ انجم نے مختلف شعبہ جات کی کلاسز کا دورہ کیا اور نئی آنے والی طالبات کو جامعہ میں خوش آمدید کہا۔ وائس چانسلر نے طالبات سے ملاقات کے دوران ان کے تعلیمی و سہولتی مسائل سنے، انہیں حوصلہ افزائی اور رہنمائی فراہم کی۔ انہوں نے کہا کہ یونیورسٹی طالبات کی تعلیم، تربیت اور ترقی کے لیے ہر ممکن سہولت فراہم کرنے کے لیے پرعزم ہے۔ پروفیسر ڈاکٹر شازیہ انجم نے طالبات کو نصیحت کی کہ وہ اپنی تعلیم پر بھرپور توجہ دیں، نظم و ضبط اپنائیں اور خود اعتمادی کے ساتھ آگے بڑھیں۔ انہوں نے کہا کہ نئی طالبات کے لیے یونیورسٹی علم، تحقیق اور شخصیت سازی کا مرکز ہے جہاں ان کے خوابوں کی تعبیر کے مواقع فراہم کیے جاتے ہیں۔ وائس چانسلر نے ڈاکٹر صائمہ انجم رجسٹرار جامعہ کو ہدایت کی کہ طالبات کے مسائل کے فوری حل کے لیے مؤثر اقدامات کیے جائیں تاکہ تعلیمی ماحول مزید بہتر اور معاون ثابت ہو۔

وزیراعلیٰ پنجاب مریم نوازشریف کی خصوصی ہدایت پر محکمہ ایجوکیشن کے زیراہتمام عالمی ٹیچرز ڈے کی مناسب سے بہترین کارکردگی کا مظاہرہ کرنیوالے اساتذہ کی اعزاز میں ڈی پی ایس سکول میں پُروقار تقریب کا اہتمام کیاگیا۔ تقریب میں وفاقی وزیرمملکت /ممبر قومی اسمبلی ملک رشیداحمدخاں، صوبائی وزیرتعلیم رانا سکندر حیات خاں، ممبرز صوبائی اسمبلی چوہدری الیاس گجر، چوہدری احسن رضا خاں، صفیہ سعید، ڈپٹی کمشنر قصور عمران علی، سی ای او ایجوکیشن گلزاراحمدبھٹی، اساتذہ اور شہریوں کی کثیر تعداد نے شرکت کی۔ تقریب سے خطاب کرتے ہوئے وفاقی وزیرمملکت ملک رشیداحمدخاں نے اساتذہ کو زبردست الفاظ میں خراجِ تحسین پیش کرتے ہوئے کہاکہ آج ملک کا تعلیم یافتہ طبقہ جن جن شعبوں میں ملکی تعمیر و ترقی اور سلامتی کے لیے اپنا کردار ادا کر رہا ہے وہ اساتذہ ہی کی دی ہوئی تعلیم کا نتیجہ ہے۔ ٹیچرز ڈے سے مراد اساتذہ کو خراجِ تحسین پیش کرنا ہی نہیں بلکہ استاد اورکلاس روم کے تعلق کو مضبوط بناناہے ۔اساتذہ کا احترام کرنیوالی قومیں ہمیشہ ترقی کی منازل طے کرتی ہیں اور اعلیٰ مقام تک پہنچی ہیں ۔ تقریب سے خطاب کے دوران صوبائی وزیر تعلیم راناسکندر حیات خاں کاکہنا تھا کہ اساتذہ کرام انبیاء علیہ السلام کے وارث اور ملک کی نظریاتی سر حدوں کے محافظ ہیں ہم اساتذہ کی عظمت کو سلام پیش کر تے ہیں جو قوم کی تعلیم و تربیت کو محنت اور جا نفشانی سے انجام دے رہے ہیں ۔ اساتذہ کرام کااحترام کرنے والی قومیں ہی ترقی کی منازل طے کرتی ہیں معاشرے میں علم کی ترویج اورجہالت کے خاتمے کیلئے اساتذہ کرام کااہم کردارہے جنہیں خراج تحسین پیش کرنا طلباء وطالبات سمیت پوری قوم کااخلاقی فریضہ ہے ۔ حکومت اساتذہ کے مسائل کو حل کرنے میں سنجیدگی سے کام کررہی ہے۔ کسی بھی معاشرے میں استاد کا مقام بلند ہے حکومت پنجاب جہاں ہونہار طلبا کی حوصلہ افزائی کررہی ہے وہاں بہترین کارکردگی کے حامل اساتذہ کو بھی پذیرائی دی جا رہی ہے۔ صوبائی وزیر نے اساتذہ کی خدما ت کو سراہتے ہوئے انہیں خراج تحسین پیش کیا۔ تقریب سے رکن صوبائی اسمبلی صفیہ سعید نے خطاب کرتے ہوئے کہاکہ اساتذہ قابل تحسین اور قابل تعریف ہیں کہ یہ لوگ نا مساعد حالات کے باوجود اپنے فرائض منصبی انجام دے رہے ہیں۔ اساتذہ اپنے علم و فن کے ذریے زندگی کے تمام شعبوں میں انقلاب برپا کر کے قوموں کی تقدیر بدلنے میں بڑا اہم کردار ادا کرتے ہیں ۔اساتذہ قوم کے سر کا تاج ہیں جن کا ادب اور احترام کیے بغیر کامیابی ممکن نہیں۔ ٹیچرز ڈے کی منعقدہ تقریب سے خطاب کرتے ہوئے ممبر صوبائی اسمبلی چوہدری احسن رضاخاں نے کہاکہ استاد ایک سنگ تراش ہے جو ایک عام سے پتھر کو گوہر نایاب بنا دیتا ہے ایک پتھر کو ہیرا بنانے والے آج کے تنگ دست ،محنت کش عظیم استاد کو سلام پیش کرتے ہیں ۔ اساتذہ قوموں کی تقدیر کو بنانے میں اپنا اہم کردار ادا کرتے ہیں ،اسا تذہ کی ان کاوشوں کو کوئی قوم بھی فراموش نہیں کر سکتی۔ تقریب سے خطاب کے دوران ڈپٹی کمشنر عمران علی نے کہاکہ اساتذہ طلباء کیلئے اپنے آپ کو رول ماڈل بنائیں اور قومی تعمیر اساتذہ کا نصب العین ہونا چاہیے۔ استاد اس جوہری کی مانند ہے جو پتھر کے ایک ٹکڑے کی تراش خراش سے اسے ہیرے کا روپ دے کر بیش قیمت بنا دیتا ہے آج سکول سے باہر موجود بچے ہمارے لیے ایک چیلنج کا درجہ رکھتے ہیں ان کے والدین اس بات کا احساس نہیں رکھتے لیکن ایک استاد کو ایسے بچوں کا احساس بھی کرنا ہے اور انہیں بھی کسی طرح سکول لا کر زیور تعلیم سے آراستہ کرنا ہے یہی استاد کا مقام اور اس کی معراج ہے ۔ ملک سے جہالت کے خاتمہ کے لیے علم کی شمع کو روشن رکھنا ہے ملک و قوم کی تقدیر بدلنے کا عزم رکھنے والے اساتذہ کو سلام جب تک اس قوم کے اساتذہ اپنا فرض ادا کررہے ہیں دنیا کی کوئی طاقت ہمیں مغلوب نہیں کر سکتی ۔تقریب کے اختتام پر اچھی کارکردگی کے حامل اساتذہ میں تعریفی سرٹیفیکیٹس تقسیم کئے

#TEACHERDAY#ILMIATONLINE

 وائس چانسلر اسلامیہ یونیورسٹی بہاول پور پروفیسر ڈاکٹر محمد کامران نے کہا ہے کہ عالمی یوم اساتذہ ایک اہم موقع ہے جو اساتذہ کو ان کے غیر متزلزل عزم لگن اور طلباءوطالبات کے ذہنوں اور مستقبل کی تشکیل اور عزت افزائی کے لیے وقف ہے۔ وائس چانسلر نے ان خیالات کا اظہار  عالمی یوم اساتذہ کی مناسبت سے اسلامیہ یونیورسٹی بہاولپور کے شعبہ سوشل ورک اور ہیلپنگ ہینڈ فار ریلیف اینڈ ڈویلپمنٹ کے تعاون سے عباسیہ کیمپس کے غلام محمد گھوٹوی ہال میں یونیورسٹی کے فیکلٹی ممبران کو خراج تحسین پیش کرنے کی تقریب کے دوران کیا۔  وائس چانسلر پروفیسر ڈاکٹر محمد کامران نےا قوم کی تعمیر اور طلباء کی ہمہ گیر ترقی میں اساتذہ کے اہم کردار پر زور دیا۔  وائس چانسلرنے کہا کہ اساتذہ معاشرے کے حقیقی معمار ہیں اور ان کا اثر و رسوخ کلاس رومز سے بہت آگے تک پھیلا ہوا ہے جو اقدار نظم و ضبط اور آنے والی نسلوں کے نقطہ نظر کو تشکیل دیتا ہے۔  انہوں نے کہا کہ طلباءوطالبات اپنے اساتذہ کا عکس ہوتے ہیں جو اپنے علم اخلاقیات اور وژن کو دنیا میں آگے بڑھاتے ہیں۔ انہوں نے اساتذہ اور طلباءوطالبات دونوں کی حوصلہ افزائی کی کہ وہ احترام سیکھنے اور فکری تجسس کی روایت کو فروغ دیتے رہیں۔ اس موقع پر پروفیسر ڈاکٹر روبینہ بھٹی ڈین فیکلٹی آف سوشل سائنسز اور پروفیسر ڈاکٹر آصف نوید رانجھا چیئرمین شعبہ سوشل ورک نے بھی خطاب کرتے ہوئے عالمی سطح پر منائے جانے والے اس دن کی اہمیت پر روشنی ڈالی۔  انہوں نے تقریب میں خصوصی شرکت پر وائس چانسلر کا شکریہ ادا کیااوراس سرگرمی کے انعقاد پر طلباءوطالبات کی تعریف کی۔ ان کا کہنا تھا کہ اس تقریب نے نہ صرف اساتذہ اور طلباء کے درمیان تعلق کو مضبوط کیا بلکہ تدریس کے عظیم پیشے اور انسانی ترقی اور سماجی ترقی پر اس کے لازوال اثرات کی ایک خوبصورت یاد دہانی کا کام بھی کیا۔

#TEACHERDAY #iub@#ILMIATONLINE

نیشنل کالج آف آرٹس (این سی اے) نے نیشنل اکاؤنٹیبلٹی بیورو (نیب) لاہور کے اشتراک سے ’’بدعنوانی کے خلاف متحد – شفاف پاکستان کی جانب‘‘ کے عنوان سے آگاہی نمائش کا انعقاد ظہور الاخلاق گیلری، نیشنل کالج آف آرٹس لاہور میں کیا۔نمائش کا افتتاح وائس چانسلر این سی اے پروفیسر ڈاکٹر مرتضیٰ جعفری اور ایڈیشنل ڈائریکٹر نیب  لاہور عطیہ عظمت نے مشترکہ طور پر کیا۔ اس موقع پر طلبہ کے فن پارے بدعنوانی کے خاتمے، شفافیت اور ایمانداری کے موضوعات کو اجاگر کرتے نظر آئے۔

پروفیسر ڈاکٹر مرتضیٰ جعفری نے اپنے خطاب میں کہا کہ فن اور فنکار معاشرتی شعور اجاگر کرنے میں اہم کردار ادا کرتے ہیں۔ انہوں نے کہا کہ آرٹ بدعنوانی کے خلاف پیغام عام کرنے اور شہریوں کو ایمانداری کی ترغیب دینے کا مؤثر ذریعہ ہے۔ایڈیشنل ڈائریکٹر نیب عطیہ عظمت نے این سی اے کی کاوشوں کو سراہتے ہوئے کہا کہ نیب نوجوان نسل کو بدعنوانی کے خاتمے اور شفافیت کے فروغ کے لیے متحرک دیکھنا چاہتا ہے۔ انہوں نے کہا کہ طلبہ کے یہ فن پارے بدعنوانی کے خلاف شعور بیدار کرنے کی ایک مثبت کوشش ہیں۔

منہاج القرآن انٹرنیشنل کی سپریم کونسل کے چیئرمین پروفیسر ڈاکٹر حسن محی الدین قادری نے ترناوا خان پور میں ’’منہاج کالج آف شریعہ اینڈ اسلامک سائنسز‘‘ کے تعمیراتی منصوبے کا سنگِ بنیاد اپنے دستِ مبارک سے رکھا اور کامیابی و تکمیل کے لیے خصوصی دعا کروائی۔ اس موقع پر منہاج القرآن کے کارکنان، مقامی قائدین اور اہلِ علاقہ کی بڑی تعداد موجود تھی، جنہوں نے اس تعلیمی ادارے کے قیام پر خوشی اور مسرت کا اظہار کیا اور اپنی نیک تمناؤں کا پیغام دیا۔

تقریب میں ناظمِ اعلیٰ منہاج القرآن خرم نواز گنڈاپور، ڈائریکٹر پراجیکٹ اینڈ انسٹیٹیوشنز منہاج ویلفیئر فاؤنڈیشن سید امجد علی شاہ، ملک ممتاز اکبر، علامہ جاوید قادری، حاجی غلام شبیر، شیخ فرحان عزیز، ڈاکٹر عمران یونس، سردار جاوید، انجینئر رفیع الدین، خالد اقبال جدون، راجہ وقار، ڈاکٹر جہانگیر جان، کامران سہیل ایڈووکیٹ اور عامر خان سمیت تحریکِ منہاج القرآن ترناوا کے ذمہ داران اور کارکنان بڑی تعداد میں شریک تھے۔

اسلام آباد: 2 اکتوبر – علامہ اقبال اوپن یونیورسٹی (AIOU) میں “رشین لینگویج کورس” کی سرٹیفکیٹ تقسیم تقریب منعقد ہوئی۔ اس موقع پر پاکستان میں روس کے سفیر، ہز ایکسی لینسی البرٹ پی. خوریف نے بطور مہمانِ خصوصی شرکت کی، جبکہ وائس چانسلر پروفیسر ڈاکٹر ناصر محمود نے تقریب کی صدارت کی۔تقریب میں کورس مکمل کرنے والے طلبہ کو اسناد تقسیم کی گئیں اور دونوں ممالک کے درمیان تعلیمی و ثقافتی تعلقات کے فروغ پر روشنی ڈالی گئی۔ روسی سفیر نے کہا کہ زبانوں کی تعلیم عوامی سطح پر تعلقات مضبوط بنانے کا بہترین ذریعہ ہے۔ وائس چانسلر ڈاکٹر ناصر محمود نے AIOU کی جانب سے بین الاقوامی زبانوں کے فروغ کو ایک اہم تعلیمی سنگِ میل قرار دیا۔

وزارت برائے وفاقی تعلیم و پیشہ وارانہ تربیت نے نمل اور یونیسیف پاکستان کے تعاون سے اسلام آباد میں پاکستان سائن لینگویج (پی ایس ایل) کے معیار کے قیام کے لیے ایک قومی مشاورت کا انعقاد کیا۔ یہ اہم مشاورتی اجلاس اقوام متحدہ کی کنٹری ٹیم کی معذوری سے متعلق شمولیتی حکمت عملی کا حصہ ہے اور اس کا مقصد قوت سماعت سے محروم و متاثرہ افراد کے لیے ملک بھر میں رابطے کی سہولت بہتر بنانے کے لیے ایک قومی روڈ میپ تیار کرنا ہے۔اس کثیرالجہتی مشاورتی اجلاس میں سرکاری اداروں، تعلیمی شعبے، قوت سماعت سے محروم افراد اور سول سوسائٹی کے نمائندوں نے شرکت کی۔

تقریب میں متعدد معزز شخصیات نے شرکت کی جن میں ریکٹر نمل میجر جنرل شاہد محمود کیانی ہلال امتیاز (ریٹائرڈ)، وزیر مملکت برائے وفاقی تعلیم و پیشہ ورانہ تربیت وجیہہ قمر، ڈائریکٹر جنرل خصوصی تعلیم وزارت وفاقی تعلیم و پیشہ ورانہ تربیت کیپٹن (ر) آصف اقبال، ڈپٹی ریذیڈنٹ نمائندہ یونیسیف پاکستان شرمیلا رسول، سربراہ اقوام متحدہ ریذیڈنٹ کوآرڈینیٹر افکے بوٹسمن اور چیف ایگزیکٹو آفیسر پاکستان ایسوسی ایشن آف دی ڈیف عرفان ممتاز شامل تھے۔

اپنے خطاب میں ریکٹر نمل میجر جنرل (ر) شاہد محمود کیانی نے پاکستان میں طویل عرصے سے موجود شمولیتی خلا کو پر کرنے کے لیے ایک قومی سطح پر منظور شدہ پاکستان سائن لینگویج معیار متعارف کرانے کی ضرورت پر زور دیا۔ انہوں نے اس بات کو اجاگر کیا کہ نمل زبانوں پر تحقیق اور جدید ٹیکنالوجیز کے شعبے میں اپنی مہارت کی بدولت اس منصوبے کے لیے ایک غیر جانبدار علمی میزبان کا کردار ادا کرنے کے لیے بہترین ادارہ ہے۔

انہوں نے مزید کہا کہ نمل کے پاس اتنی صلاحیت اور ساکھ ہے کہ وہ بہرے افراد کی نمائندہ تنظیموں، سرکاری اداروں، محققین اور نجی شعبے کو ایک مشترکہ مقصد کے لیے اکٹھا کر سکے۔ریکٹر نمل نے یونیورسٹی کے اس وژن کا بھی ذکر کیا جس کے تحت ایک معیاری پاکستان سائن لینگویج (S-PSL) کے ساتھ 10,000 سے زائد اندراجات پر مشتمل ایک جامع لغت بھی تیار کی جائے گی۔ یہ لغت مصنوعی ذہانت (اے آئی) اور مشین لرننگ (ایم ایل) سے مزین بصری وسائل سے تقویت پائے گی تاکہ بہرے افراد کے لیے تعلیم، صحت اور عوامی خدمات تک رسائی آسان بنائی جا سکے۔

زندگی میں مکمل طور پر حصہ لے سکیں گے، تعلیم اور ضروری خدمات تک رسائی حاصل کریں گے۔ نمل نے ایک خصوصی پی ایس ایل پراجیکٹ آفس قائم کرنے کا اعلان بھی کیا ہے جو ایک پیشہ ورانہ سائن کیپچر سٹوڈیو اور بہرے افراد کے رابطہ افسران کے ساتھ کام کرے گا۔

#Inclusion #PakistanSignLanguage #DeafCommunity #Accessibility #SpecialEducation #DisabilityRights #DGSE #UNICEF #EducationForAll #SocialInclusion #EqualOpportunities #LanguageOfRights #Empowerment #VocationalTraining #AutismSupport #DigitalInclusion #HumanRights #PSLStandardization

:پنجاب یونیورسٹی شعبہ فزکس کے زیر اہتمام ’کوانٹم صدی: نظریہ اور فکر کے سو سالہ سفر‘پرالرازی ہال میں خصوصی تقریب کا انعقاد کیاگیا۔ اس موقع پر پنجاب یونیورسٹی کے پرو وائس چانسلر پروفیسر ڈاکٹر خالد محمود، چیئرپرسن شعبہ فزکس ڈاکٹر منزہ ذوالفقار علی،قائداعظم یونیورسٹی اسلام آبادسے ڈاکٹر فرحان سیف، لمز سے ڈاکٹر عائشہ خلیق، سابق ڈائریکٹر سینٹر فار ہائی انرجی فزکس ڈاکٹر بلال مسعود، فیکلٹی ممبران اور طلباؤطالبات نے شرکت کی۔تقریب کا انعقادبین الاقوامی سال برائے کوانٹم سائنس و ٹیکنالوجی کے سلسلے میں کیا گیا  جس میں کوانٹم میکانکس کی تاریخی ترقی اور فلسفیانہ بنیادوں پر روشنی ڈالی گئی،جن میں بیسویں صدی کے اوائل کے مایہ ناز سائنس دان آئن اسٹائن اور ہائزن برگ کے انقلابی خیالات سے لے کر جدید تحقیق اور اطلاق تک کے پہلو شامل تھے۔تقریب میں کمپیوٹنگ، ابلاغ، مصنوعی ذہانت جیسے جدید علوم میں کوانٹم تھیوری کے کردار کے ساتھ ساتھ دلچسپ تصورات جیسے کوانٹم ٹیلی پورٹیشن اور کلاسیکی نظام سے کوانٹم نظام تک کے ارتقاء پرسیر حاصل بات چیت کی گئی۔ اپنے خطاب میں پرو وائس چانسلرپروفیسر ڈاکٹر خالد محمودنے کوانٹم سائنس و ٹیکنالوجی کے بین الاقوامی سال کی عالمی اہمیت پر روشنی ڈالی اور پاکستان کے نوجوانوں کوبا اختیار بنانے میں سائنس اور ٹیکنالوجی کے کلیدی کردار پر زور دیا۔اپنے اختتامی کلمات میں ڈاکٹر منزہ ذوالفقار علی نے مقررین،طلباء اوراساتذہ کی کاوشوں کو سراہا جن کی بدولت تقریب کو پذیرائی ملی۔ انہوں نے کہا کہ کوانٹم سائنس و ٹیکنالوجی کی دائمی وراثت اور مستقبل کے امکانات پر مزید روشنی ڈالنے کے لیے سلسلہ وار لیکچرز کا انعقاد جاری رہے گا۔اس موقع پر نامور طبیعیات دانوں نے اپنے کلیدی خطابات میں کوانٹم میکینکس کی نظریاتی بنیادوں کے ساتھ اس کے عملی اور تعلیمی پہلوؤں پر روشنی ڈالی۔

پاکستان کا ایک اعلیٰ سطحی وفد چین پاکستان ماڈرن ایگریکلچر انڈسٹری ایجوکیشن کولیبریٹو انوویشن ڈویلپمنٹ کانفرنس میں شرکت کے لیے چین کے صوبہ شانڈونگ کے شہر ویفانگ پہنچ گیا ہے۔ وفد میں اسلامیہ یونیورسٹی آف بہاولپور کے وائس چانسلر پروفیسر ڈاکٹر محمد کامران، نادر چٹھہ سیکرٹری سکل ڈویلپمنٹ اینڈ انٹرپرینیورشپ پنجاب (سابق کمشنر بہاولپور) خان محمد بیجنگ میں پاکستان کے سفارت خانے کے سائنس کونسلر یاانگ ایم سی مسٹر میکس ما اور یاسر شکور شامل تھے۔ یو این آئی انٹرنیشنل کے پروفیسر ڈاکٹر محمد نوید اسلم اسلامیہ یونیورسٹی بہاولپور سے اور سنگھوا یونیورسٹی بیجنگ کے سینئر وزٹنگ سائنسدان اور سنگھوا یونیورسٹی بیجنگ سے ملک محمد رؤف کی دیگر معزز مندوبین کے ساتھ موجودگی پاکستان اور چین کے درمیان زراعت کے شعبے میں بڑھتے ہوئے تعاون کی عکاسی کرتی ہے ۔ یہ دورہ زرعی تکنیکی تعلیم کو جدید بنانے صنعت اور اکیڈمی کے روابط کو مضبوط بنانے اور درست زراعت محفوظ کاشت فصل کے بعد کے انتظام اور مہارتوں کی ترقی کے لیے مشترکہ کوششوں پر زور دیتا ہے۔ کانفرنس کے دوران وفد ویفانگ میں مقامی پیشہ ورانہ اور اعلیٰ تعلیم کے اداروں کے ساتھ ساتھ زرعی صنعت کے شراکت داروں کے ساتھ بھی بات چیت کرے گا جبکہ پروگرام میں میزبان اداروں کے ساتھ ملاقاتیں اور تحقیق اور ترقیاتی سہولیات کے دورے بھی شامل ہیں جن کا مقصد تعاون اور ٹیکنالوجی کی منتقلی کے لیے ترجیحی شعبوں کی نشاندہی کرنا ہے۔

#ٰIUB #Ilmiatonline