#PU News
اسلام آباد۔11ستمبر (اے پی پی):وزیراعظم محمد شہباز شریف نے کہا ہے کہ بابائے قوم قائد اعظم محمد علی جناح نے انتہائی نامساعد حالات میں اپنی سیاسی بصیرت اور قائدانہ صلاحیتوں کو بروئے کار لاتے ہوئے برصغیر کے مسلمانوں کے لئے علیحدہ وطن حاصل کیا،پاکستان دنیا کے نقشے پر پہلی اسلامی نظریاتی ریاست ہے، آنے والی نسلوں کے لئے قائد اعظم کی تعلیمات و رہنمائی پہنچانا بھی ہماری اجتماعی ذمہ داری ہے، آئیں بحیثیت قوم قائد اعظم کی مدبرانہ سیاسی رہنمائی، نظریاتی اصولوں اور ایمان، اتحاد اور یقین محکم کے تحت نظام ریاست چلانے کا تجدید عہد کریں۔
بدھ کو وزیراعظم آفس کے میڈیا ونگ سے جاری بیان کے مطابق بانی پاکستان قائداعظم محمد علی جناح کی 77 ویں برسی پر اپنے پیغام میں وزیراعظم نے کہا کہ بابائے قوم قائد اعظم محمد علی جناح کی 77 ویں برسی پر ان کی بے مثال سیاسی قیادت اور بے لوث قومی رہنمائی پر پورا ملک ان کو خراج عقیدت پیش کرتا ہے،قائداعظم محمد علی جناح دنیا کی تاریخ کے وہ عظیم رہنما ہیں جنہوں نے انتہائی نامساعد حالات میں اپنی سیاسی بصیرت اور قائدانہ صلاحیتوں کو بروئے کار لاتے ہوئے برصغیر کے مسلمانوں کے لئے علیحدہ وطن حاصل کیا۔
–
انہوں نے کہا کہ قائداعظم نے برصغیر کے مسلمانوں کے سیاسی و مذہبی حقوق، معاشی و معاشرتی ترقی اور ان کی ثقافت کے تحفظ کے لئے ایک آزاد مملکت کے لئے پر خلوص جدوجہد کی،اللہ تعالیٰ نے قائداعظم کی قیادت میں آزادی کی جدوجہد کو بار آور کیا اور مسلمانوں کو پاکستان کی صورت میں ایک آزاد ریاست کی نعمت سے نوازا، قیام پاکستان تاریخ میں اس لئے بھی منفرد اور نمایاں حیثیت رکھتا ہے کیونکہ یہ دنیا کے نقشے میں پہلی اسلامی نظریاتی ریاست ہے۔
انہوں نے کہا کہ تقسیم کے وقت سامنے آنے والے بے پناہ چیلنجوں کے باوجود، جن میں لاکھوں افراد کی کی نقل مکانی، وسائل کی کمی اور انتظامی رکاوٹیں شامل تھیں، انہوں نے مضبوط پاکستان کی بنیاد رکھی اور قوم میں آگے بڑھنے کا اعتماد اور حوصلہ پیدا کیا،قائداعظم نے ریاست پاکستان کی بنیاد مسلمہ اصولوں پر رکھی جس میں مذہبی آزادی، یکساں بنیادی حقوق، جمہوریت اور انصاف اور تمام مذہبی اقلیتوں کے لئے برابری سر فہرست ہے۔
انہوں نے کہا کہ قائداعظم کی سیاسی میراث میں ہی پاکستان کی ترقی و خوشحالی اور فلاح و بہبود کا راز پنہاں ہے،پاکستان کو ترقی یافتہ ممالک کی صف میں شامل اور صحیح معنوں میں اسلامی فلاحی ریاست بنانے کی منزل مقصود کے لئے پوری قوم کی اجتماعی کاوش درکار ہے، پاکستان کی آئندہ آنے والی نسلوں کے لئے قائد اعظم کی تعلیمات و رہنمائی پہنچانا بھی ہماری اجتماعی ذمہ داری ہے۔
وزیراعظم نے کہا کہ آج کا دن اس بات کا متقاضی ہے کہ ہم بحیثیت قوم قائداعظم کی مدبرانہ سیاسی رہنمائی، نظریاتی اصول اور ایمان، اتحاد اور یقین محکم کے تحت نظام ریاست چلانے کا تجدید عہد کریں، پوری پاکستانی قوم دعا گو ہے کہ اللہ تعالیٰ بانی پاکستان قائداعظم محمد علی جناح کے درجات بلند کرے اور ہمیں بحیثیت قوم ان کے بتائے ہوئے راستے پر عمل پیرا ہونے کی توفیق دے۔
وزیر تعلیم جلالپور پیر والہ میں پھنسے لوگوں کے ریسکیو آپریشن کی نگرانی کر رہے ہیں۔
وزیر تعلیم رانا سکندر حیات رات گئے ایک بار پھر سیلاب زدہ علاقوں کا دودہ کرنے ملتان پہنچ گئے جہاں انہوں نے سیلابی صورتحال اور انتظامی سہولیات کا جائزہ لیا، ریلیف کیمپوں کا دورہ کیا اور متاثرین سے ملاقات کرتے ہوئے ان کا حوصلہ بڑھایا۔ وزیر تعلیم نے ضلعی انتظامیہ سے ریلیف آپریشنز کی رفتار، وسائل کی فراہمی اور بحالی کے اقدامات پر تفصیلی بریفنگ لی اور انتظامیہ کو متاثرین کی آباد کاری کے عمل میں کوئی کمی نہ چھوڑنے اور بروقت اور مؤثر اقدامات کے ذریعے متاثرین کو زیادہ سے زیادہ سہولت فراہم کرنے کی ہدایت کی۔ رانا سکندر حیات نے کہا کہ ریسکیو ٹیمیں اور ضلعی انتظامیہ ہر لمحہ سیلاب متاثرین کی خدمت میں مصروف ہیں۔ ریلیف کیمپوں میں تعلیم اور صحت سے لے کر روزمرہ سہولیات تک ہر پہلو پر مربوط حکمتِ عملی کے ساتھ اقدامات جاری ہیں۔ انہوں نے کہا کہ سیلاب متاثرین کی خدمت اور بحالی کے وعدے پر ڈٹے ہوئے ہیں۔ ہم سب مل کر اس آزمائش کو عزم و حوصلے کے ساتھ عبور کریں گے۔ وزیر تعلیم نے کہا کہ ہماری اولین ترجیح متاثرین کی مشکلات کم کرنا اور بچوں کے چہروں پر مسکراہٹ واپس لانا ہے۔
غازی یونیورسٹی ڈیرہ غازی خان میں وائس چانسلر پروفیسر ڈاکٹر اشفاق احمد کی زیر صدارت اور نظامت امور طلباء و شعبہ اسلامیات کے زیرِ اہتمام “جشن ولادت باسعادت مبارک” کے حوالے سے ایک پروقار محفلِ میلاد النبی ﷺ کا انعقاد کیا گیا۔ جس میں یونیورسٹی کے اساتذہ اور نمائندہ طلباء و طالبات شریک ہوئَے، اس موقع پر پروفیسر ڈاکٹر محمد کامران، پروفیسر ڈاکٹر ارشد منیر ، پروفیسر ڈاکٹر سعد اللہ لغاری، ڈاکٹر محمد آصف، ڈاکٹر ارم عزیز، ڈاکٹر راشدہ قاضی، ڈاکٹر محمد ابراہیم، ڈاکٹر محمد سہیل اختر سکھانی، ڈاکٹر وسیم عباس، ڈاکٹر ضیاء اللہ ضیاء، ڈاکٹر سلمان حیدر، ڈاکٹر ریحانہ بی بی، ڈاکٹر محمد علی تارڑ، اورڈاکٹر عمران لودھی و دیگر موجود تھے، نظامت کے فرائض شعبہ اسلامیات سے ڈاکٹر اشفاق احمد نے ادا کیئے، یہ بابرکت محفل نہ صرف طلبہ و طالبات کے لیے ایمان افروز ثابت ہوئی بلکہ اس نے سب شرکاء کو سیرتِ رسول ﷺ کے عملی تقاضوں کی طرف متوجہ کیا۔ تقریب کا باقاعدہ آغاز تلاوتِ کلامِ پاک سے ہوا، جس کی سعادت محمد اسید نے حاصل کی۔ قرآنِ حکیم کی روح پرور تلاوت نے محفل میں ایک خاص نورانیت اور سکون پیدا کیا۔ اس کے بعد ہاجرہ بی بی نے آقائے دو جہاں ﷺ کی بارگاہ میں عقیدت کے پھول نچھاور کرتے ہوئے نعتیہ کلام پیش کیا۔ اس کے بعد عشرہ رحمت للعالمین میں سابقہ مقابلہ جات میں جن بچوں نے پہلی پوزیشن حاصل کی تھی، ان بچوں نے اس پروگرام میں دوبارہ اپنی کارکردگی پیش کی، عزیر خالد نے اپنی روح پرور آواز میں اذان پیش کی۔حسنین ریاض نے ہدیہ نعت رسول مقبول ﷺ پیش کیا۔ حافظ حمزہ ابراہیم نے موئثر انداز میں انگریزی زبان میں سیرت النبی ﷺ بیان کی۔ مہمان سپیکر مولانا فہد عزیز نے اپنی تقریر میں کہا کہ حضور اکرم ﷺ کی سیرت انسانیت کے لیے کامل نمونہ ہے۔ آپ ﷺ نے امن، محبت اور اخوت کا درس دیا۔ آپ ﷺ کی زندگی عدل و انصاف اور رحم دلی سے بھرپور تھی۔ یتیموں، مسکینوں اور ضرورت مندوں کے لیے آپ ﷺ کی شفقت بے مثال تھی۔ دنیا و آخرت کی کامیابی کا راز آپ ﷺ کی سیرت سے ملتا ہے اور اس پر عمل پیرا ہو کر ہی کامیابی ممکن ہے۔
اس کے بعد سابقہ مقابلوں میں پوزیشن حاصل کرنے والے طلباء و طالبات کو سند اعزاز سے نوازا گیا۔ پروگرام کے آخر میں وائس چانسلر پروفیسر ڈاکٹر اشفاق احمد نے اپنے خیالات کا اظہا رکرتے ہوئے خصوصاً اس پہلو کی طرف توجہ مرکوز کی کہ نبی کریم ﷺ کی تعلیمات آج کے دور میں ہماری انفرادی و اجتماعی زندگی کے لیے کس قدر بہترین راہنمائی کا ذریعہ ہیں۔ انہوں نے رسول اللہ ﷺ کی صادق و امین شخصیت، عدل و انصاف اور معاشرتی مساوات کے عملی پہلوؤں پر روشنی ڈالی۔ انہوں نے طلباء و طالبات کو یہ پیغام دیا کہ وہ حضور اکرم ﷺ کی سیرت سے سبق حاصل کریں، علم حاصل کرنے کو اپنی اولین ترجیح بنائیں، سچائی، محنت اور ایمانداری کو اپنی زندگی کا شعار بنائیں، دوسروں کے ساتھ حسنِ اخلاق سے پیش آئیں اور خدمتِ انسانیت کو اپنا مقصدِ حیات بنائیں، کیونکہ یہی کامیابی اور عزت کا اصل راستہ ہے۔ انہوں نے سیرتِ رسول ﷺ کی روشنی میں طلبہ کو نصیحت کی کہ وہ اپنی عملی زندگی میں سچائی، محنت، اخلاقیات اور خدمتِ خلق کو اپنا شعار بنائیں تاکہ ایک مثالی معاشرہ تشکیل پاسکے۔
اس بابرکت محفل کے اختتام پرڈاکٹر محمد ابراہیم نے جامع دعا مانگی ، جس میں امتِ مسلمہ کی سربلندی، ملک و قوم کی ترقی، اور تعلیمی ادارے کی کامیابی کے لیے خصوصی دعائیں کی گئیں۔یہ محفلِ میلاد طلبہ و طالبات کے لیے ایک روحانی تربیت گاہ ثابت ہوئی۔ نہ صرف ان کے دلوں میں عشقِ رسول ﷺ کی شمع مزید روشن ہوئی بلکہ انہیں یہ پیغام بھی ملا کہ حقیقی کامیابی سیرتِ نبوی ﷺ کو اپنانے میں ہے۔ اس تقریب نے تعلیمی ماحول کو مثبت، پرامن اور بابرکت بنانے میں اہم کردار ادا کیا
اسلام آباد (خصوصی نامہ نگار) نیشنل یونیورسٹی آف سائنس اینڈ ٹیکنالوجی (NUST) نے اعلان کیا ہے کہ این یو ایس ٹی فارمولہ اسٹوڈنٹ ٹیم اور اس کے سابق طلبہ نے کئی سال کی انتھک محنت کے بعد ملک میں پہلی بار ’’فارمولہ پاکستان‘‘ کا باضابطہ آغاز کر دیا ہے۔
فارمولہ پاکستان، اسکولوں کی سطح پر فارمولہ ریس کا مقامی ورژن ہے، جس میں ہائی اسکول کے طلبہ اپنی منی ایچر ایف۔ون (F1) گاڑیاں خود ڈیزائن اور تیار کرنے کے بعد دلچسپ ریس میں حصہ لیں گے۔ اس پروگرام کا مقصد نوجوانوں کو انجینئرنگ، مینجمنٹ اور اختراع کی عملی تربیت فراہم کرنا ہے۔منتظمین کے مطابق پروگرام کا اختتام جنوری میں ایک شاندار قومی ریس پر ہوگا، جس میں ملک بھر کے طلبہ اپنی صلاحیتوں کا مظاہرہ کریں گے۔
Vice Chancellor Professor Dr. Muhammad Kamran has said that the Islamia University of Bahawalpur (IUB) stands with its flood-affected brothers in this time of trial. The entire IUB community—including faculty, staff, students, and alumni—is working shoulder to shoulder with the provincial government and district administration for the rescue, relief, and rehabilitation of the flood victims.
The Vice Chancellor expressed these views while presiding over a meeting of the IUB Flood Relief Cell at the Abbasia Campus. He stated that the Flood Relief Cell’s bank account has been reactivated so that the university community and philanthropists may contribute donations for the flood-affected people. The registration of student volunteers is ongoing, and so far more than 500 students have been enrolled.
Head of the IUB Flood Relief Cell, Professor Dr. Muhammad Asif Naveed Ranjha, said that through coordination with the National and Provincial Disaster Management Cells, Higher Education Commission, Punjab Higher Education Commission, and Punjab Higher Education Department, the university’s central Flood Relief Cell has been made operational.
Teams from Islamia University Bahawalpur are conducting surveys of flood-affected areas along the Sutlej River to establish medical camps, veterinary camps, and psychological rehabilitation centers. The Vice Chancellor instructed that arrangements for food, clothing, and medicines for flood victims be ensured. In this regard, university teams will visit the affected areas.
The meeting was attended by Professor Dr. Jawad Iqbal (Dean, Faculty of Management Sciences & Commerce), Professor Dr. Muhammad Khalid Mansoor (Dean, Faculty of Veterinary & Animal Sciences), Professor Dr. Muhammad Saleem (Chairman, Department of Applied Psychology), Treasurer Tariq Mahmood Sheikh, IT Director Zulfiqar Saeed, Registrar Muhammad Shujaat ur Rehman, Director Public Relations Dr. Shehzad Ahmad Khalid, Chief Medical Officer Dr. Usman Cheema, Chief Security Officer Abdul Wadood, OSA Head Dr. Muhammad Ibrahim, and Irshad Hussain from the Engineering Division.
وائس چانسلر پروفیسر ڈاکٹر محمد کامران نے کہا ہے کہ اسلامیہ یونیورسٹی بہاول پور آزمائش کی گھڑی میں اپنے سیلاب زدہ بھائیوں کے ساتھ کھڑی ہے۔ اسلامیہ یونیورسٹی بہاول پور کی تمام کمیونٹی اساتذہ ملازمین طلباوطالبات اور ایلومنائی سیلاب متاثرین کے ریسکیو ریلیف اور بحالی کے لیے صوبائی حکومت اور ضلعی انتظامیہ کے شانہ بشانہ کھڑے ہیں۔ وائس چانسلر نے اس بات کا اظہار عباسیہ کیمپس میں آئی یوبی فلڈ ریلیف سیل کے اجلاس کی صدارت کرتے ہوئے کیا۔ انہوں نے کہا کہ آئی یوبی فلڈ ریلیف سیل کا بنک اکاؤنٹ بحال کر دیا گیا ہے تاکہ یونیورسٹی کمیونٹی اور مخیر حضرات سیلاب زدگان کے لیے امداد جمع کر سکیں۔ یونیورسٹی کے رضاکار طلباوطالبات کی رجسٹریشن جاری ہے اور اب تک 500 سے زائد طلباو طالبات کا اندراج کیا گیا ہے۔ آئی یو بی فلڈ ریلیف سیل کے سربراہ پروفیسر ڈاکٹر محمد آصف نوید رانجھا نے کہا کہ قومی اور صوبائی ڈیزاسٹر مینجمنٹ سیل ہائر ایجوکیشن کمیشن پنجاب ہائر ایجوکیشن کمیشن اور پنجاب ہائر ایجوکیشن ڈیپارٹمنٹ کی جانب سے کی گئی کوارڈینیشن کے تحت یونیورسٹی کا مرکزی فلڈ ریلیف سیل فعال کر دیا گیا ہے۔ اسلامیہ یونیورسٹی بہاول پور کی ٹیمیں دریائے ستلج کے سیلاب متاثرہ علاقوں کا سروے کر رہی ہیں تاکہ میڈیکل کیمپ ویٹرنری کیمپ اور نفسیاتی بحالی کے کیمپس قائم کیے جائیں۔ وائس چانسلر نے ہدایت کی کی کہ سیلاب متاثرین کے لیے خوراک کپڑوں اور ادویات کا انتظام کیا جائے ۔ اس سلسلے میں یونیورسٹی ٹیمیں سیلاب متاثرہ علاقوں میں جائیں گی ۔ اجلاس میں پروفیسر ڈاکٹر جواد اقبال ڈین فیکلٹی آف مینجمنٹ سائنسز اینڈ کامرس ،پروفیسر ڈاکٹر محمد خالد منصور ڈین فیکلٹی آف وٹرنری اینڈ اینیمل سائنسز ،پروفیسر ڈاکٹر محمد سلیم چیئرمین ڈیپارٹمنٹ اپلائیڈ سائیکالوجی، خزانہ دار طار ق محمود شیخ، ڈائریکٹر آئی ٹی ذوالفقار سعید، رجسٹرار محمد شجیع الرحمن ،ڈائریکٹر پبلک ریلیشنز ڈاکٹر شہزاد احمد خالد ،چیف میڈیکل آفیسر ڈاکٹر عثمان چیمہ، چیف سیکورٹی آفیسر عبدالودود، اوسا کے سربراہ ڈاکٹر محمد ابراہیم، انجینئرنگ ڈویژن سے ارشاد حسین نے شرکت کی۔
مظفرآباد (خصوصی نامہ نگار) “نیشنل یوتھ ہیلپ لائن” کے زیرِ اہتمام آزاد جموں و کشمیر یونیورسٹی (UAJK) کے چیلا کیمپس میں ایک سیمینار منعقد ہوا جس کا مقصد نوجوانوں کو درپیش نفسیاتی اور تولیدی صحت کے مسائل کو اجاگر کرنا اور ہیلپ لائن کو بطور معاون سہولت متعارف کرانا تھا۔
سیمینار میں نوجوانوں کے نفسیاتی مسائل پر ایک خصوصی انٹریکٹو سیشن رکھا گیا، جس میں سہولت کاروں نے سوال و جواب کے ذریعے طلبہ کو بھرپور انداز میں شریک کیا اور فکر انگیز مباحثہ کیا گیا۔ اس موقع پر ایک عملی مشق کے طور پر فرضی کاؤنسلنگ ایکسرسائز بھی پیش کی گئی جس سے شرکاء کو یہ سمجھنے میں مدد ملی کہ نیشنل یوتھ ہیلپ لائن ضرورت کے وقت نوجوانوں کو کس طرح سہارا فراہم کرتی ہے۔
تقریب کے اختتام پر ایچ ای سی، یو این ایف پی اے اور اے سی ٹی انٹرنیشنل کے نمائندوں نے شرکاء میں شیلڈز تقسیم کیں۔
نیشنل کالج آف آرٹس (این سی اے) نے تعلیمی سیشن 2026 کے داخلہ ٹیسٹ کامیابی کے ساتھ ملک بھر میں مقررہ مراکز پر منعقد کیے۔ یہ ٹیسٹ بیک وقت لاہور، اسلام آباد/راولپنڈی، کراچی، کوئٹہ، پشاور اور گلگت بلتستان میں منعقد ہوا، تاکہ ملک کے تمام خطوں کے امیدواروں کو آسان اور برابری کی سہولت فراہم کی جا سکے۔
امتحانی انتظامات کا جائزہ لینے اور امیدواروں کا حوصلہ بڑھانے کے لیے وائس چانسلر نیشنل کالج آف آرٹس، پروفیسر ڈاکٹر مرتضیٰ جعفری نے خود ایک ٹیسٹ سنٹر کا دورہ کیا۔ اس اقدام نے این سی اے کے شفاف اور میرٹ پر مبنی داخلہ پالیسی کے عزم کو اجاگر کیا۔
پاکستان بھر میں داخلہ ٹیسٹ منعقد کر کے نیشنل کالج آف آرٹس اپنی فیڈرل چارٹرڈ انسٹیٹیوٹ کی روایت کو برقرار رکھے ہوئے ہے، جو فنون، ڈیزائن اور ثقافت کے شعبوں میں ملک بھر کے طلبہ کو اپنے خواب پورے کرنے کے یکساں مواقع فراہم کرتا ہے۔
یونیورسٹی آف انجینئرنگ اینڈ ٹیکنالوجی (یو ای ٹی) لاہور کے الیکٹریکل انجینئرنگ ڈیپارٹمنٹ میں میگا کمپیوٹر لیبز کا افتتاح وائس چانسلر یو ای ٹی پروفیسر ڈاکٹر شاہد منیر نے کیا۔ یہ لیبز 100 کمپیوٹرز اور 14 جدید ایئر کنڈیشنرز پر مشتمل ہیں، جن کا قیام یو ای ٹی کے ایلومینائی کے تعاون سے عمل میں آیا۔
افتتاحی تقریب میں ڈین الیکٹریکل، چیئرمین الیکٹریکل، فیکلٹی ممبران اور صنعتوں کے نمائندگان نے شرکت کی۔ اس موقع پر وائس چانسلر نے کہا کہ ایلومینائی کا تعاون اس منصوبے میں قابلِ تحسین ہے، اور یہ خوش آئند بات ہے کہ لوگ اپنے مادرِ علمی کو یاد رکھتے ہیں۔ انہوں نے مزید کہا کہ طلباء کو معیاری لیبز، جدید انفراسٹرکچر، سٹیٹ آف دی آرٹ کلاس رومز، ہاسٹل سہولیات اور بہترین کیمپس لائف فراہم کرنا ہماری اولین ترجیح ہے۔
میگا کمپیوٹر لیبز کے قیام کیلئے ایلومینائی نے مجموعی طور پر 2 کروڑ روپے کی خطیر رقم عطیہ کی۔ منصوبے کے پہلے فیز میں ایلومینائی نے 70 لاکھ روپے عطیہ کیے، جبکہ فیز ٹو کے تحت جدید ایئر کنڈیشنڈ کمپیوٹر لیب ایک کروڑ 30 لاکھ روپے کی لاگت سے مکمل ہوئی۔ اظہار گروپ آف کمپنیز نے ڈیڑھ اور دو ٹن کے 14 اے سی عطیہ کیے، جبکہ 100 کمپیوٹرز کا عطیہ اظہار گروپ، اتفاق گروپ اور ٹی ایف انڈسٹریز نے کیا۔ اس کے علاوہ ایلومینائی رفعت اعجاز نور نے 4 بائیو میٹرک حاضری سسٹم بھی فراہم کیے۔
اپنے خطاب میں ڈاکٹر شاہد منیر نے بتایا کہ یو ای ٹی لاہور کو پنجاب کی دیگر جامعات کے لیے رول ماڈل قرار دیا گیا ہے۔ حال ہی میں حکومتِ پنجاب نے وائس چانسلر کو خط کے ذریعے رواں برس ریکارڈ داخلوں پر خراجِ تحسین پیش کیا اور ان اقدامات اور پالیسیوں سے آگاہی مانگی جن کے باعث یہ تاریخی داخلے ممکن ہوئے۔ انہوں نے کہا کہ یہ سب خلوص، محنت اور ٹیم ورک کا نتیجہ ہے۔
مزید برآں، وفاقی حکومت نے یو ای ٹی لاہور کے لیے ساڑھے تین ارب روپے کی گرانٹ کی منظوری دے دی ہے، جو وفاقی اور صوبائی حکومتوں کے اعتماد کا مظہر ہے۔ تقریب میں شریک صنعتوں کے نمائندگان نے یقین دہانی کرائی کہ وہ مستقبل میں بھی ڈیپارٹمنٹ کی ترقی اور استحکام کے لیے اپنا تعاون جاری رکھیں گے۔