شعبہ پاکستان اسٹڈیز نے شعبہ قانون اورآئی یو بی کشمیر اور نظریہ پاکستان سوسائٹی کے اشتراک سے اسلامیہ یونیورسٹی بہاولپور میں بانی پاکستان قائد اعظم محمد علی جناح کے یوم پیدائش کی مناسبت سے غلام محمد گھوٹوی ہال عباسیہ کیمپس میں سیمینار کا انعقاد کیا۔ وائس چانسلر پروفیسر ڈاکٹر محمد کامران نے اپنے پیغام میں قائد کے یوم ولادت کے موقع پر نوجوان نسل میں ان کی اقدار کو ابھارنے کی اہمیت پر زور دیا۔ انہوں نے کہا کہ قائداعظم کا وژن اور اصول ہماری رہنمائی کرتے ہیں کیونکہ ہم پاکستان کو ترقی اور ہم آہنگی کا مینار بنانے کی کوشش کر رہے ہیں۔ قائداعظم کے وژن، قیادت اور پاکستان کی تخلیق میں شراکت کے اعزاز میں منعقد ہونے والی اس تقریب میں کلیدی مقررین ڈاکٹر روبینہ یاسمین اور ڈاکٹر رمضان طاہر نے شرکت کی جنہوں نے جناح کی زندگی، اقدار اور نظریے پر روشنی ڈالی۔چیئرپرسن شعبہ پاکستان اسٹڈیز ڈاکٹر روبینہ یاسمین نے جمہوریت، مساوات اور انصاف کے لیے قائد کے غیر متزلزل عزم پر زور دیتے ہوئے طلباء پر زور دیا کہ وہ خوشحال اور متحد پاکستان کی تعمیر کے لیے ان کے اصولوں پر عمل کریں۔ ایڈوائزر آئی یوبی کشمیر اینڈ نظریہ پاکستان سوسائٹی ڈاکٹر رمضان طاہر نے تحریک پاکستان کی رہنمائی میں قائد کے کردار اور ایک پرامن، ترقی پسند اور جامع قوم کے لیے ان کے وژن پر روشنی ڈالی۔نظامت کے فرائض آصف عثمان نے سر انجام دیئے۔  تقریب میں ڈاکٹر فیاض انور، ڈاکٹر سعید احمد، ڈاکٹر محمد اکرام اللہ خان، ڈاکٹر محمد راشد،  فیکلٹی ممبران، طلباء وطالبات نے شرکت کی۔

 وائس چانسلر اسلامیہ یونیورسٹی بہاولپور پروفیسر ڈاکٹر محمد کامران نے مسیحی ملازمین کے ہمراہ کرسمس کا کیک کاٹا اور انہیں اس تہوار کی مبارکباد دی

اسلامیہ یونیورسٹی بہاولپور کے مسیحی ملازمین کے لیے کرسمس کے حوالے سے تقریب کا انعقاد کیا گیا۔ وائس چانسلر اسلامیہ یونیورسٹی بہاولپور پروفیسر ڈاکٹر محمد کامران نے مسیحی ملازمین کے ہمراہ کرسمس کا کیک کاٹا اور انہیں اس تہوار کی مبارکباد دی۔ اس موقع پر فادر مائیکل شکیل کوآرڈینیٹرواسسٹنٹ پیرش پرائسٹ اور فادر یونس شہزاد سینٹ ڈومینکن چرچ بہاولپور نے خصوصی طور پر شرکت کی۔  مسیحی ملازمین نے کرسمس کی تقریبات میں شرکت اور خصوصی سرپرستی اور حوصلہ افزائی پر وائس چانسلر کا شکریہ ادا کیا۔اس موقع پر چیئرپرسن شعبہ شعبہ ادیانِ عالم و بین المذاہب ہم آہنگی ڈاکٹر سجیلہ کوثر، ایڈیشنل خزانہ دار طارق محمود شیخ ،  چیف سیکورٹی آفیسر عبدالودود،  پرنسپل آفیسر اسٹیٹ کیئر ڈویژن ڈاکٹر عامر منظور، اور دیگر افسران بھی موجود تھے۔

اسکے لیے Hays ہائز سیلری گائیڈزکی مدد لی گئی ہے۔

ڈیٹا سائنس:
آنے والا دور ڈیٹا کا ہے۔ ڈیٹا سائنٹسٹ 2025 میں $90,000 تک کما سکتے ہیں، اور 2030 تک یہ آمدن $165,000 تک پہنچ سکتی ہے۔ امریکا، برطانیہ اور آسٹریلیا میں اس کی ڈیمانڈ عروج پر ہے۔ FSc کے بعد ڈیٹا سائنس میں BS یا MS کریں۔

مشین لرننگ (AI):
مصنوعی ذہانت (AI) اب صرف فلموں تک محدود نہیں۔ مشین لرننگ اسپیشلسٹ کی تنخواہ 2025 میں $95,000 اور 2030 میں $170,000 تک متوقع ہے۔ ریاضی اور کمپیوٹر سائنس میں دلچسپی رکھنے والے بچے یہاں ترقی کر سکتے ہیں۔

بزنس اینالسٹ:
کاروباری تجزیہ کاروں کی تنخواہیں 2025 میں $70,000 تک اور 2030 میں $125,000 تک بڑھ سکتی ہیں۔ امریکا اور برطانیہ میں خاص ڈیمانڈ۔ بزنس ایڈمنسٹریشن یا اکنامکس کی تعلیم حاصل کر کے دنیا بھر میں مواقع حاصل کریں۔

سوفٹ ویئر ڈیویلپر:
ڈیجیٹل دنیا سوفٹ ویئر ڈیویلپرز کے بغیر نامکمل ہے۔ ان کی تنخواہ 2025 میں $75,000 اور 2030 میں $140,000 ہو گی۔ کمپیوٹر سائنس میں BS آپ کے بچے کو عالمی مواقع فراہم کر سکتا ہے۔

پراجیکٹ مینجمنٹ:
پراجیکٹ منیجر 2025 تک $85,000 اور 2030 تک $155,000 کما سکیں گے۔ بزنس مینجمنٹ یا PMP سرٹیفکیشن آپ کے بچے کی صلاحیتوں کو چار چاند لگا سکتا ہے۔ آسٹریلیا اور امریکا میں بےشمار مواقع موجود ہیں پروفشنل ڈگری کے بعد یہ زیادہ کارآمد ہے ۔

ایچ آر مینیجر:
HR
کے شعبے میں پیشہ ور افراد کی اہمیت بڑھتی جا رہی ہے۔ 2025 میں آمدن $70,000 اور 2030 میں $125,000 تک ہو گی۔ HR مینجمنٹ کی تعلیم آپ کے بچے کو دنیا بھر میں باوقار جابز فراہم کرے گی۔

پروکیورمنٹ اسپیشلسٹ (سپلائی چین):
سپلائی چین اور پروکیورمنٹ اسپیشلسٹ 2025 میں $60,000 اور 2030 میں $110,000 کمائیں گے۔ دبئی، سعودی عرب، اور آسٹریلیا میں بہترین مواقع۔ بزنس اور سپلائی چین کی ڈگری آپ کے بچے کی زندگی بدل سکتی ہے۔

مالیاتی تجزیہ کار (فنانشل اینالسٹ):
مالیاتی تجزیہ کاروں کی آمدن 2025 میں $65,000 اور 2030 میں $120,000 ہو گی۔ فنانس اور اکاؤنٹنگ کے شعبوں میں تعلیم حاصل کر کے عالمی منڈی میں آگے بڑھ سکتے ہیں۔

سسٹینیبلٹی اسپیشلسٹ (ماحولیات):
ماحولیات اور پائیداری پر کام کرنے والوں کی مانگ بڑھ رہی ہے۔ 2025 میں آمدن $70,000 اور 2030 میں $130,000 تک جائے گی۔ ماحولیات میں ڈگری حاصل کریں اور ترقی یافتہ ممالک میں اپنا کیریئر بنائیں۔

اپنے بچوں کو میڈیکل اور انجینئرنگ تک محدود نہ رکھیں۔ دنیا بدل رہی ہے۔ نئے کیریئرز کو اپنائیں اور اپنے بچوں کا مستقبل محفوظ بنائیں۔اس تھریڈ کا مقصد والدین اور بچوں کو ان کی کیریئر گائیڈنس دینا تھا.سیلری اور کیریئر گروتھ کے لیے مڈل ایسٹ یو کے اسٹریلیا نیوزی لینڈ اور امریکہ کی مارکیٹوں کو سٹڈی کیا گیا.

‏ایک اہم بات :
بعض لوگ اس بات پر اعتراض کرتے ہیں کہ پڑھنا وہی چاہیے جس میں انٹرسٹ ہو تو عرض یہ ہے کہ غریب ادمی کی پہلی جنریشن میں یہ چوائس نہیں ہوتی اسکو ہر ممکن طور پر پڑھ لکھ کر اپنے حالات سدھارنے پڑتے ہیں ہاں ان کی دوسری اور تیسری نسل پھرسبجکٹ سلیکشن کا رسک لے سکتی ہے.

ن زہران ممدانی نے نیویارک سٹی کے میئر کے طور پر تاریخی کامیابی حاصل کر لی، جس کے ساتھ وہ امریکہ کے سب سے بڑے اور عالمی شہرت یافتہ شہر کی قیادت کرنے والے پہلے مسلمان، پہلے جنوبی ایشیائی نژاد اور پہلے افریقہ میں پیدا ہونے والے میئر بن گئے۔34 سالہ ڈیموکریٹک سوشلسٹ رہنما نے اپنے حریف، سابق گورنر اینڈریو کومو، پر واضح برتری حاصل کی۔ ابتدائی نتائج کے مطابق 90 فیصد ووٹوں کی گنتی کے بعد ممدانی کو 10 لاکھ 33 ہزار سے زائد ووٹ ملے، جبکہ کومو کو 8 لاکھ 52 ہزار ووٹ ملے۔ ریپبلکن امیدوار کرٹس سلِوا تقریباً 7 فیصد ووٹ حاصل کر سکے۔

اپنی کامیابی کے بعد نیویارک میں حامیوں سے خطاب کرتے ہوئے ممدانی نے کہا:

“آج رات، تمام مشکلات کے باوجود، ہم نے مستقبل اپنے ہاتھ میں لے لیا ہے۔ نیویارک نے تبدیلی کا مینڈیٹ دیا ہے — ایک ایسا شہر بنانے کا مینڈیٹ جو سب کے لیے قابلِ برداشت ہو۔”انہوں نے کہا کہ ان کی کامیابی مذہب یا نسل کی بنیاد پر نہیں بلکہ شہریوں کے روزمرہ مسائل، خاص طور پر رہائش اور مہنگائی جیسے مسائل کے حل کے وعدے پر مبنی ہے۔ممدانی نے کہا،

“میں یمنی دکانداروں، میکسیکن دادیوں، سینیگالی ٹیکسی ڈرائیوروں، ازبک نرسوں، ٹرینیڈاڈی باورچیوں اور ایتھوپیائی خالاؤں کی بات کرتا ہوں — یہ شہر تمہارا ہے، اور یہ جمہوریت بھی تمہاری ہے۔”

سیاسی منظرنامے میں بڑی تبدیلی

یہ انتخابی معرکہ امریکی ڈیموکریٹک پارٹی کے مستقبل کی سمت کے لیے بھی ایک علامت بن گیا ہے۔ کومو، جو کبھی پارٹی کے مرکزی دھارے کی نمائندگی کرتے تھے، اب “دائیں بازو کے سرمایہ دارانہ دھڑوں” سے منسلک سمجھے جا رہے ہیں، جبکہ ممدانی پارٹی کے ترقی پسند اور سوشلسٹ ونگ کے ترجمان کے طور پر ابھرے ہیں۔کومو نے شکست تسلیم کرتے ہوئے کہا:

“یہ ان کی رات تھی۔”

اپنی فتح کی تقریر میں ممدانی نے کہا:

“میں مسلمان ہوں، میں ڈیموکریٹک سوشلسٹ ہوں، اور سب سے اہم بات یہ ہے کہ میں اس پر شرمندہ نہیں ہوں۔”

عوامی ردعمل اور امیدیںنیویارک کے مختلف طبقوں نے ممدانی کی کامیابی کو ایک نئی سیاسی بیداری سے تعبیر کیا ہے۔
برونکس کے رہائشی جوشوا ولسن نے کہا:”ہم نے کومو کو آزمایا، اب وقت ہے کسی نئے شخص کو موقع دینے کا۔ ممدانی نوجوان ہیں اور امید دلاتے ہیں۔”

کاؤن ہائٹس کی 52 سالہ میگن مارکس نے کہا:”اگر وفاقی سطح پر ٹرمپ حکومت کا تسلط ہے، تو کم از کم نیویارک میں کوئی مختلف سوچ والا لیڈر ہونا چاہیے۔”

چیلنجز اور وعدےممدانی نے عوامی نقل و حرکت کو مفت کرنے، بچوں کی نگہداشت کے لیے عالمگیر پروگرام متعارف کرانے، اور کرایہ داروں کے لیے کرایوں میں اضافہ روکنے کا وعدہ کیا ہے۔
ان کے معاشی منصوبے میں بڑی کارپوریشنز اور امیر شہریوں پر ٹیکس بڑھانے کی تجویز شامل ہے۔تاہم، تجزیہ کاروں کا کہنا ہے کہ ممدانی کو ریاستی اسمبلی میں اکثریت حاصل کرنے کے لیے سخت محنت کرنا ہوگی تاکہ وہ اپنی پالیسیوں پر عملدرآمد کرا سکیں۔

اسلاموفوبیا کے خلاف دوٹوک پیغام

انتخابی جلسے میں ممدانی نے کہا:

“اب نیویارک میں اسلاموفوبیا پر سیاست کرکے الیکشن جیتنے کا زمانہ ختم ہو گیا۔”

انہوں نے سابق صدر ڈونلڈ ٹرمپ کے لیے پیغام دیا، جنہوں نے شہر میں نیشنل گارڈ تعینات کرنے اور وفاقی فنڈنگ روکنے کی دھمکی دیتھی:

“نیویارک تارکینِ وطن کا شہر ہے، ان سے چلتا ہے، اور آج سے ایک تارکِ وطن کی قیادت میں ہے۔ صدر ٹرمپ، سن لیجیے — ہم سب ایک ہیں، اور کسی ایک تک پہنچنے کے لیے آپ کو ہم سب سے گزرنا ہوگا۔”

ممدانی یکم جنوری 2026 کو اپنے عہدے کا حلف اٹھائیں گے، اور ان کی جیت کو نہ صرف امریکی تاریخ میں ایک سنگ میل بلکہ مسلمانوں اور جنوبی ایشیائی برادریوں کے لیے ایک نئی امید کے طور پر دیکھا جا رہا ہے۔

واشنگٹن – امریکی صدر ڈونلڈ ٹرمپ نے جمعے کی شب اسرائیل سے مطالبہ کیا ہے کہ وہ غزہ پر بمباری فوراً بند کرے۔ ان کا کہنا تھا کہ حماس کے تازہ بیان سے ظاہر ہوتا ہے کہ وہ دیرپا امن کے لیے تیار ہے۔

حماس کا ردِعمل:
حماس نے اپنے بیان میں ٹرمپ کے امن منصوبے کا خیر مقدم کرتے ہوئے چند نکات پر وضاحت طلب کی۔ گروپ نے کہا کہ وہ تمام اسرائیلی یرغمالیوں کی رہائی (زندہ یا جاں بحق) پر رضامند ہے اور مذاکرات کے آغاز کے لیے فوری طور پر ثالثوں کے ذریعے رابطے کے لیے تیار ہے۔یہ بیان ایسے وقت میں سامنے آیا ہے جب حماس نے ٹرمپ کے 20 نکاتی امن منصوبے پر باضابطہ ردِعمل دیا، جسے درجنوں ممالک، بشمول کئی عرب و مسلم ریاستوں نے سراہا ہے

ٹرمپ نے اپنے ’ٹرُتھ سوشل‘ پلیٹ فارم پر جاری پیغام میں کہا:
“حماس کے تازہ بیان کی بنیاد پر میرا یقین ہے کہ وہ ایک پائیدار امن کے لیے تیار ہیں۔ اسرائیل کو چاہیے کہ وہ غزہ پر بمباری فوراً بند کرے تاکہ ہم یرغمالیوں کو جلد اور محفوظ طریقے سے نکال سکیں۔”صدر ٹرمپ نے مزید کہا کہ یہ معاملہ صرف غزہ کا نہیں بلکہ پورے مشرقِ وسطیٰ میں امن کے قیام سے متعلق ہے۔ ان کے بقول، “یہ معاملہ ایک طویل عرصے سے مطلوب امن کے حصول کا ہے۔”

یہ بیان ایسے وقت میں سامنے آیا ہے جب حماس نے ٹرمپ کے 20 نکاتی امن منصوبے پر باضابطہ ردِعمل دیا، جسے درجنوں ممالک، بشمول کئی عرب و مسلم ریاستوں نے سراہا ہے

ٹرمپ کا اعلان: “سب کے ساتھ منصفانہ سلوک ہوگا”
صدر ٹرمپ نے جمعے کو جاری ایک مختصر ویڈیو پیغام میں کہا کہ غزہ مذاکرات میں تمام فریقوں کے ساتھ انصاف پر مبنی رویہ اپنایا جائے گا۔ انہوں نے حماس کی جانب سے یرغمالیوں کی رہائی پر آمادگی کو “ایک خاص دن” قرار دیا۔

امریکی صدر ڈونلڈ ٹرمپ کی انتظامیہ نے نو بڑی امریکی جامعات کو وفاقی فنڈنگ تک “خصوصی رسائی” حاصل کرنے کے لیے سخت شرائط عائد کر دی ہیں۔وال اسٹریٹ جرنل کے مطابق بدھ کے روز ان اداروں کو ایک میمو موصول ہوا، جس میں غیر ملکی طلبہ کے اندراج میں کمی اور ان شعبوں کو ختم کرنے کی ہدایت دی گئی جو قدامت پسند نظریات کو “کم تر یا نظرانداز” کرتے ہیں۔

یہ 10 نکاتی میمو “کمپیکٹ فار اکیڈمک ایکسی لینس اِن ہائر ایجوکیشن” کے عنوان سے ہے۔ اس کے اہم نکات درج ذیل ہیں:

• داخلوں اور ملازمتوں میں نسل اور جنس کو نظرانداز کیا جائے۔
• داخلوں کا ڈیٹا (جی پی اے اور ٹیسٹ اسکور) عوام کے ساتھ شیئر کیا جائے۔
• ہر طالب علم کے لیے SAT جیسے معیار پر مبنی ٹیسٹ لازمی قرار۔
• انڈرگریجویٹ طلبہ میں غیر ملکی طلبہ کی تعداد 15 فیصد سے زیادہ نہ ہو۔
• کسی ایک سیاسی نظریے کو کیمپس پر غالب نہ آنے دیا جائے۔
• ایسے ڈیپارٹمنٹ ختم کیے جائیں جو قدامت پسند نظریات کو “سزا یا تحقیر” کا نشانہ بناتے ہیں۔
• پانچ سال تک ٹیوشن فیس منجمد اور اخراجات کم کیے جائیں۔
• بڑے مالیاتی اثاثوں والی جامعات سائنس کے مضامین میں داخل طلبہ کے لیے فیس معاف کریں۔

ان ہدایات کو نہ ماننے والی جامعات وفاقی فوائد سے محروم ہو جائیں گی، جبکہ اطاعت کرنے والوں کو انعام دیا جائے گا۔

کن جامعات کو نوٹس ملا؟

نو جامعات میں شامل ہیں:
یونیورسٹی آف ایریزونا، براون یونیورسٹی، ڈارٹموتھ کالج، ایم آئی ٹی، یونیورسٹی آف پنسلوینیا، یونیورسٹی آف سدرن کیلیفورنیا، یونیورسٹی آف ٹیکساس، یونیورسٹی آف ورجینیا اور وینڈر بلٹ یونیورسٹی۔

ردعمل کیا ہے؟

• یونیورسٹی آف ایریزونا نے کہا کہ وہ اس معاہدے کا جائزہ لے رہی ہے۔
• یونیورسٹی آف ٹیکساس کے بورڈ آف ریجنٹس کے چیئرمین نے اس اقدام کو اعزاز قرار دیا۔
• براون یونیورسٹی نے کیمپس میں تنوع و شمولیت کے فروغ کے لیے خصوصی کمیٹی قائم کر دی۔

مزاحمت اور تنقید

امریکن فیڈریشن آف ٹیچرز (AFT) اور امریکن ایسوسی ایشن آف یونیورسٹی پروفیسرز (AAUP) نے اس اقدام کو “سیاسی دباؤ، اقربا پروری اور رشوت” قرار دے کر مسترد کر دیا۔

پس منظر

ٹرمپ انتظامیہ پہلے بھی غزہ پر اسرائیلی جنگ کے خلاف امریکی طلبہ کی احتجاجی تحریکوں پر سخت کارروائیاں کر چکی ہے۔ کئی طلبہ کے ویزے منسوخ اور ملک بدری کے احکامات دیے گئے۔ کولمبیا اور ہارورڈ یونیورسٹیوں کی فنڈنگ معطل کی گئی اور ان کے ساتھ نئی شرائط پر مذاکرات بھی ہوئے۔تجزیہ کاروں کے مطابق یہ اقدامات امریکی اعلیٰ تعلیم میں سیاسی توازن کو قدامت پسندی کی طرف موڑنے کی واضح کوشش ہیں۔

مملکت سعودی عرب کے مختلف شہروں کی نمایاں ترین عمارتوں اور ٹاورز کو مملکت اور پاکستان کے پرچموں سے مزین کیا گیا، تاکہ پاکستان اور سعودی عرب کے درمیان “مشترکہ اسٹریٹجک دفاعی معاہدے” پر دستخطوں کا جشن منایا جا سکے۔ یہ معاہدہ اسلامی جمہوریہ پاکستان کے وزیرِاعظم جناب محمد شہباز شریف کے دورۂ سعودی عرب کے موقع پر بدھ کی شب طے پایا۔مملکت کے مختلف علاقوں کے اہم ترین مقامات کو بھی پاکستان اور سعودی عرب کے پرچموں کے رنگوں سے منور کیا گیا، جو اس تاریخی معاہدے پر عوامی خوشی کے اظہار کی عکاسی کرتا ہے۔”مشترکہ اسٹریٹجک دفاعی معاہدے” پر دستخطوں کی یہ تقریبات اس بات کا عملی ثبوت ہیں کہ سعودی عرب اور پاکستان کے درمیان تعلقات کی گہرائی تقریباً 78 برسوں پر محیط ہے اور یہ دونوں ممالک کی حکومتوں اور عوام کے درمیان اخوت اور اسلامی یکجہتی کے مضبوط رشتوں کی جھلک پیش کرتی ہیں۔

قطر کے دارالحکومت دوحہ میں عرب لیگ اور تنظیم تعاونِ اسلامی (OIC) کے رکن ممالک کا ہنگامی سربراہی اجلاس منعقد ہوا، جس میں اسرائیل کی جانب سے قطر پر حالیہ حملے کی شدید مذمت کرتے ہوئے اسے بین الاقوامی قانون اور عالمی امن کے خلاف سنگین خلاف ورزی قرار دیا گیا۔ اجلاس کی صدارت امیرِ قطر شیخ تمیم بن حمد الثانی نے کی۔

اعلامیہ میں کہا گیا کہ اسرائیلی جارحیت کے ذریعے خطے میں جابرابہ نظام مسلط کرنے کی کوشش کی جا رہی ہے، جو براہِ راست عالمی امن و استحکام کے لیے خطرہ ہے۔ سربراہان نے قطر کی خودمختاری، سلامتی اور اس کے عوام کی حفاظت کے لیے مکمل اور غیر مشروط تعاون کا اعلان کیا۔

اجلاس نے 9 ستمبر کو دوحہ کے رہائشی علاقے پر اسرائیلی حملے کی شدید مذمت کی جس میں شہادتیں اور زخمی ہوئے۔ اعلامیہ میں کہا گیا کہ یہ حملہ ثالثی اور امن سازی کی کوششوں پر بھی حملہ ہے۔

اجلاس میں منظور کیے گئے فیصلوں کے مطابق:

• اسرائیلی قتلِ عام، محاصرہ اور توسیع پسندانہ پالیسیوں کو جنگی جرائم قرار دیا گیا۔
• فلسطینی عوام کی جبری بے دخلی کو انسانیت کے خلاف جرم قرار دیا گیا اور فوری طور پر غزہ کی تعمیر نو کا مطالبہ کیا گیا۔
• اسرائیل پر عالمی پابندیوں، اس کے خلاف قانونی کارروائی اور اقوام متحدہ کی رکنیت پر نظرِ ثانی کا مطالبہ کیا گیا۔
• اسرائیل کی دھمکیوں کو اشتعال انگیز اور عالمی امن کے لیے خطرہ قرار دیا گیا۔

مزید برآں اجلاس نے سعودی عرب اور فرانس کی جانب سے دو ریاستی حل کے لیے بلائی جانے والی کانفرنس کا خیر مقدم کیا اور فلسطینی ریاست کے قیام کے لیے “نیو یارک ڈیکلیریشن” کی توثیق کی۔سربراہی اجلاس نے یروشلم میں اسلامی و مسیحی مقدس مقامات پر ہاشمی سرپرستی کی تجدیدِ حمایت کی اور فلسطینی عوام کے خلاف اسرائیلی جرائم پر عالمی عدالتوں کے فیصلوں پر عمل درآمد پر زور دیا۔

اجلاس کے اختتام پر امیرِ قطر، حکومت اور عوام کی میزبانی اور حکمت عملی کو سراہتے ہوئے، عرب و اسلامی اتحاد کو مزید مستحکم بنانے کے عزم کا اظہار کیا گیا۔