خبریں

:پنجاب یونیورسٹی نے انڈرگریجوایٹ پروگرامز کے پہلے انٹری ٹیسٹ کے نتائج کا اعلان کر دیاہے،امیدواراپنے ٹیسٹ کا نتیجہ یونیورسٹی ویب سائٹ www.pu.edu.pkپر دیکھ سکتے ہیں۔ ترجمان پنجاب یونیورسٹی کے مطابق پہلے انٹری ٹیسٹ میں 34 ہزار بچوں نے حصہ لیا۔انہوں نے کہا کہ پنجاب یونیورسٹی انڈر گرایجویٹ پروگرامز کے دوسرے انٹری ٹیسٹ کی رجسٹریشن جاری ہے۔ انہوں نے کہا کہ سیشن 2025ء میں داخلے کے لئے امیدوار 4 جولائی تک انٹری ٹیسٹ کی رجسٹریشن کرا سکتے ہیں۔ انہوں نے کہا کہ پہلے انٹری ٹیسٹ میں شامل ہونے والے امیدوار بھی دوبارہ ٹیسٹ دینے کے اہل ہیں۔انہوں نے کہا کہ پنجاب یونیورسٹی انڈرگریجوایٹ پروگرامز میں داخلوں کے لئے ایڈمشن ٹیسٹ لازمی ہے۔ انہوں نے کہا کہ پنجاب یونیورسٹی میں داخلوں کے لئے دوسرا انٹری ٹیسٹ 20 جولائی 2025 ء کو متوقع ہے جس کا انعقادپاکستان کے تمام بڑے شہروں میں کیا جائے گا۔ انہوں نے کہا کہ پنجاب یونیورسٹی میں داخلوں کے لئے 25 فیصد نمبر انٹری ٹیسٹ کے لئے مختص ہیں۔ انہوں نے کہاکہ امیدوار اہلیت کے معیار اور دیگر تفصیلات کے لئے ویب سائٹ پر رجوع کریں۔انہوں نے کہا کہ پنجاب یونیورسٹی تمام انڈرگریجوایٹ پروگرامز کے لئے 7 مختلف انٹری ٹیسٹ لے گی۔

وائس چانسلر اسلامیہ یونیورسٹی بہاولپور پروفیسر ڈاکٹر محمد کامران کی زیر صدارت پہلی دو روزہ انٹرنیشنل قرآن کانفرنس کے کامیاب انعقاد پر مینجمنٹ کمیٹی کو خراج تحسین پیش کرنے کے لئے تقریب کا انعقاد ہوا۔ تقریب کے مہمان خصوصی ڈین فیکلٹی آف اسلامک اینڈعریبک اسٹڈیز پروفیسر ڈاکٹر شیخ شفیق الرحمٰن اور تقریب کے آرگنائزر چیئرمین ڈیپارٹمنٹ آف قرآنک اسٹڈیز پروفیسر ڈاکٹر ضیاء الرحمٰن تھے۔  تقریب میں  پہلی دو روزہ انٹرنیشنل قرآن کانفرنس کی مینجمنٹ کمیٹی میں فوکل پرسن ڈاکٹر سلطان محمود خان، کانفرنس سیکرٹری ڈاکٹر روائفع خان ڈائریکٹر سیرت چیئر پروفیسر ڈاکٹر حافظ شفیق الرحمٰن، صدر شعبہ علوم اسلامیہ پروفیسر ڈاکٹر عبدالغفار، صدر شعبہ حدیث ڈاکٹر غلام حیدر مگھرانہ، صدر شعبہ فقہ و شریعہ ڈاکٹر محمد سعید شیخ،  صدر شعبہ ادیان عالم وبین المذاھب ہم آہنگی ڈاکٹر سجیلہ کوثر اور فیکلٹی کے دیگر معزز اساتذہ کرام کی کثیر تعداد موجود تھی۔ اس موقع پر پروفیسر ڈاکٹر ضیاء الرحمٰن نے بتایا کہ وائس چانسلر اور ڈین فیکلٹی کی سرپرستی اور تعاون سے پہلی بین الاقوامی قرآن کانفرنس کا کامیاب انعقاد ممکن ہوا۔ اس ضمن میں آئی یو بی کے رجسٹرار آفس، وی سی سیکریٹریٹ، پی آر او آفس سمیت تمام ڈائریکٹوریٹس کا بھرپور تعاون حاصل رہا۔ جس پر میں ان تمام کا شکریہ ادا کرتا ہوں اور خراج تحسین پیش کرتا ہوں۔ انہوں نے بتایا کہ کانفرنس میں 200 کے قریب مقالہ نگاران نے اپنے مقالہ جات پیش کیے جبکہ پاکستان کے علاوہ سعودیہ، اردن،  برطانیہ، ترکیہ، مصر، ملائشیا، انڈونیشیا، مالدیپ کے اہل علم نے بھی شرکت کی اور اپنے مقالہ جات پیش کیے۔ یہ علمی اور فکری کانفرنس دو روز جاری رہی۔  جس سے بہت سے اہم نتائج اور فوائد حاصل ہوئینیز کانفرنس کی مجموعی  سفارشات بھی وفاقی و صوبائی حکومتوں کے متعلقہ اداروں تک پہنچا دی گئی ہیں۔  انہوں نے اس عظیم الشان انٹرنیشنل کانفرنس کی مختلف کمیٹیوں میں شامل تمام معزز اساتذہ کرام کا شکریہ ادا کیا اور انہیں خراج تحسین پیش کیا جن کی ان تھک محنت سے یہ اہم کامیابی ممکن ہوئی۔ نیز انہوں نے وائس چانسلر پروفیسر ڈاکٹر محمد کامران کو بھی  خراج تحسین پیش کیا جو یونیورسٹی کی تعمیر و ترقی کے لئے بے پناہ محنت کررہے ہیں اور ٹیم ورک پر یقین رکھتے  ہیں۔ ڈین فیکلٹی آف اسلامک اینڈ عریبک اسٹڈیز پروفیسر ڈاکٹر شیخ شفیق الرحمٰن نے اللہ تعالیٰ کے اس فرمان سے گفتگو کا آغاز کیا کہ اگر تم اللہ کی نعمتوں کا شکر کرو گے تو وہ تمہیں مزید عطا کرے گا۔ انہوں نے بتایا کہ فیکلٹی آف اسلامک اینڈ عریبک اسٹڈیز کی تمام تقاریب اور کانفرنسز کے بعد کارکردگی کا جائزہ لیا جاتا ہے اور بہتری کے لئے مزید اقدامات کا فیصلہ کیا جاتا ہے۔وائس چانسلر پروفیسر ڈاکٹر محمد کامران نے انٹرنیشنل کانفرنس کے کامیاب انعقاد پر مینجمنٹ کمیٹی کے تمام اراکین کی محنت اور لگن کو سراہا۔ پروفیسر ڈاکٹر شیخ شفیق الرحمٰن اور پروفیسر ڈاکٹر ضیاء الرحمٰن کی خصوصی طور پر حوصلہ افزائی کی کہ انہوں نے یونیورسٹی پر بغیر کوئی مالی بوجھ ڈالے  ایک عظیم انٹرنیشنل کانفرنس کامیابی سے منعقد کرائی۔ انہوں نے کہا کہ قرآن کریم کے موضوع پر یونیورسٹی میں زیادہ سے زیادہ کانفرنسز، سیمینارز اور تقاریب کا انعقاد ہونا چاہئے کہ یہ ہمارے ایمان اور عقیدہ کا معاملہ ہے۔ انہوں نے کہا کہ یونیورسٹی کی تمام فیکلٹیز اور ڈیپارٹمنٹس کے طلباء و طالبات کو قرآنی عربی اور قرآن کے ترجمہ کی جانب راغب کرنا ہمارا اولین مقصد ہونا چاہیئے۔

پروفیسر ڈاکٹر شازیہ انجم وائس چانسلر دی گورنمنٹ صادق کالج ویمن یونیورسٹی بہاولپور کی ڈیپارٹمنٹ آف ہائر ایجوکیشن پنجاب کے نو تعینات سیکرٹری مسٹر غلام فرید سے ملاقات۔ وائس چانسلر نے انہیں چارج سنبھالنے پر مبارکباد پیش کی اور انکی تعیناتی کو محکمہ ہائر ایجوکیشن کیلئے خوش آئند قرار دیا۔ اس موقع پر دونوں رہنماؤں نے تعلیمی صورتحال اور جامعات کو درپیش چیلنجز بارے گفتگو کی۔ آخر میں سیکرٹری ہائر ایجوکیشن غلام فرید نے تشریف لانے پر وائس چانسلر پروفیسر ڈاکٹر شازیہ انجم کا شکریہ ادا کیا۔

زرعی ترقیاتی بینک لمیٹڈ (ZTBL) بہاولپور کے ریجنل چیف ظہور الحسن نے چولستان یونیورسٹی آف ویٹرنری اینڈ اینیمل سائنسز (CUVAS) بہاولپور کے وائس چانسلر پروفیسر ڈاکٹر مظہر خالد اور ان کی ٹیم سے اہم ملاقات کی۔

اس ملاقات کا مقصد دونوں اداروں کے درمیان جاری مفاہمتی یادداشت (MOU) کے تحت عملی تعاون کو مزید مضبوط بنانا تھا۔ اجلاس میں ZTBL کی جانب سے پیش کردہ مختلف خدمات، بالخصوص ڈپازٹس، زرعی مالی معاونت اور باہمی دلچسپی کے دیگر شعبہ جات پر تفصیلی تبادلہ خیال کیا گیا۔ریجنل چیف ZTBL نے CUVAS کو یقین دلایا کہ ادارہ تعلیمی و تحقیقی سرگرمیوں کی مالی معاونت، بالخصوص زرعی و ویٹرنری شعبوں میں، جاری رکھے گا۔ اس موقع پر وائس چانسلر CUVAS نے ZTBL کی خدمات کو سراہا اور کہا کہ ایسے اشتراکات سے طلباء، اساتذہ اور کسان طبقے کو یکساں فائدہ پہنچے گا۔

اجلاس کے اختتام پر دونوں فریقین نے باہمی مشاورت سے فوکل پرسنز کی تقرری پر اتفاق کیا، جو MOU کی عملدرآمد کو مزید مؤثر بنانے میں کلیدی کردار ادا کریں گے۔یہ پیش رفت تعلیم اور مالیاتی اداروں کے درمیان تعلقات کو فروغ دینے کی جانب ایک مثبت قدم ہے، جس سے خطے کی زرعی ترقی اور تحقیق کو فائدہ پہنچے گا۔

شوگرکین ریسرچ اینڈ ڈویلپمنٹ بورڈ کے زیراہتمام  اسلامیہ یونیورسٹی بہاولپور میں ایک روزہ ٹریننگ ورکشاپ کا انعقادہوا۔ اشرف شوگر ملزبہاولپورو ریجن کی دیگر شوگر ملوں کے کین فیلڈ عملہ ترقی پسندکماد کے کاشتکار یونیورسٹی کے ایگریکلچر فیکلٹی کے اساتذہ و طلباؤطالبات نے کثیر تعداد میں شرکت کی۔ تقریب میں ماہرین کمادنے فصل کے مختلف پہلوں پر روشنی ڈالی تاکہ کسانوں کو آنے والی فصل سے متعلق درپیش چیلنجز سے نمٹنے میں مکمل رہنمائی حاصل ہوسکے۔ شوگر کین ریسرچ اینڈ ڈویلپمنٹ بورڈ نے پنجاب کی پانچ بڑی یونیورسٹیز ایگری کلچرل یونیورسٹی فیصل آباد، یونیورسٹی آف سرگودھا، نواز شریف ایگری کلچرل یونیورسٹی ملتان، خواجہ فرید یونیورسٹی آف انجینئرنگ رحیم یار خان اور اسلامیہ یونیورسٹی بہاولپور میں کماد کی اقسام اسکی پہچان اور پیداوار میں اضافہ پر ٹریننگ ورکشاپوں کا اہتمام کیا۔  اسلامیہ یونیورسٹی بہاول پورکے غلام محمد گھوٹوی ہال میں  ایک روزہ ٹریننگ ورکشاپ میں شرکاء سے خطاب کرتے ہوئے شوگرکین ریسرچ اینڈ ڈویلپمنٹ بورڈکے سی ای اوڈاکٹر شاہد افغان نے بتایا کہ ہمارے ادارے کا یہ مشن ہے کہ وہ اپنے ملک کے کسان کو کماد کی کاشت کے لیے نئے جدید اور منافع بخش بیج کو تیار کرکے دینا ہے جو کہ ملیں بھی اپنے فارمز پر تیار کرکے ایسے بیجوں کو کسان بھائیوں کوزیادہ سے زیادہ تقسیم کرنا ہے جو زیادہ رقبہ پر کاشت ہو جس سے کماد کی فی ایکڑ پیداوار میں اضافہ ممکن ہوسکے۔ ٹریننگ ورکشاپ کی تقریب میں شامل دیگر ماہرین نے شرکاء سے خطاب کرتے ہوئے کہا کہ ہم شب وروز کماد کی بیماریوں کی روک تھام کے لیے جدید طریقے متعارف کروا رہے ہیں تاکہ بیماریوں کی روک تھام کو یقینی بناسکیں کھادیں،بیج اور پانی کے متناسب استعمال پر بھی روشنی ڈالی گئی تاکہ کماد کی کاشت کے خرچہ میں کمی ہو اس کے علاوہ ماہرین نے کماد کی مشینی کاشت کے فروغ پر بھی زور دیتے ہوئے بتایا کہ مشینی کاشت کی بدولت لاگت میں نمایاں کمی کی جاسکتی ہے۔کسان کے لیے آنے والے درپیش چیلنجز میں پانی کی کمی ایک بہت بڑا مسلہ بنتا جا رہا ہے جس سے نمٹنے کے لیے ڈرپ ایری گیشن کی ٹیکنالوجی کو اپنا نابہت ضروری ہوگیا ہے تاکہ اس ہرممکن طور پر پانی کی بچت کی جاسکے گی اور اس پروجیکٹ پر پنجاب حکومت سبسڈی بھی فراہم کررہی ہے کماد کی ستمبر کاشت میں دوسری فصلوں کی مخلوط کاشت کو فروغ دینا نہایت لازمی ہے۔اس سے نہ صرف کاشتکار کا اضافی آمدنی ملے گی بلکہ اس کی زمین بھی صحت مند رہے گی۔ وائس چانسلر اسلامیہ یونیورسٹی بہاول پور پروفیسر ڈاکٹرمحمد کامران نے شرکاء سے خطاب کرتے ہوئے کہا کہ  شوگرکین ریسرچ اینڈ ڈویلپمنٹ بورڈکے چئیرمین چوہدری محمد ذکاء اشرف لائق تحسین ہیں کہ انکے بہترین ویژن کی بدولت آج زرعی ماہرین کسان کمیونٹی کی مدد کے لیے اکٹھے ہوئے ہیں  اور ملکی زراعت کی اہم کماد کی فصل پر آگاہی فراہم کرنے کے علاوہ درپیش چیلنجز پر سوچ وفکر کرتے ہوئے مسائل سے نمٹنے اور آئندہ کا لائحہ عمل ترتیب دے رہے ہیں جو ہمارے زرعی معاشرے کے لیے مستقبل میں بہت ہی کارآمد ثابت ہو گا۔ وائس چانسلر کا کہنا تھا کہ اسلامیہ یونیورسٹی بہاول پور کے دروازے نہ صرف کاشتکار کے لیے کھلے ہیں بلکہ ہر طبقہ فکر ہمارے ماہرین سے ہر وقت مستفید ہوسکتا ہے۔ پروفیسر ڈاکٹر تنویر حسین ترابی نے زرعی فیکلٹی اسلامیہ یونیورسٹی بہاولپور میں تحقیقی سرگرمیوں سے آگاہ کرتے ہوے فورم کی ہر طرح کی مدد کا یقین دلایا۔اس موقع پر ایس آر ڈی بی کے ممبر ڈاکٹر آصف تنویر،ڈی جی ایوب ریسرچ ڈاکٹر ساجد الرحمن،ڈائریکٹر ایس آر آئی ڈاکٹر کاشف منیر،ڈائریکٹر فاطمہ شوگر ملز ریسرچ سنٹر ڈاکٹر نیازالحسن، میاں عمیر مصطفی، محمد احسان، اشرف شوگر ملز کے جنرل منیجرایگری کلچرل محمد عمران،ایڈیشنل جنرل منیجر کین چوہدری فلک شیر، کین منیجر ارشاد احمد گل، اسلامیہ یونیورسٹی کے ڈائریکٹر میڈیا اینڈ پبلکیشن ڈاکٹر شہزاد احمد خالد،محمد افتخار،رضوان احمد، محمدساجد،محمداکبرخان،قمر مشتاق کانجو ودیگر موجود تھے

شعبہ کمپیوٹر سسٹمز انجینئرنگ اسلامیہ یونیورسٹی بہاول پورکے اسسٹنٹ پروفیسر ڈاکٹر قیصر اعجاز دو سالہ مدت (2024-2026) کے لیے IEEE لاہور سیکشن ایگزیکٹو کمیٹی میں ایوارڈز اور شناختی کمیٹی کے چیئر کے طور پر منتخب 

شعبہ کمپیوٹر سسٹمز انجینئرنگ اسلامیہ یونیورسٹی بہاول پورکے اسسٹنٹ پروفیسر ڈاکٹر قیصر اعجاز کو دو سالہ مدت (2024-2026) کے لیے IEEE لاہور سیکشن ایگزیکٹو کمیٹی میں ایوارڈز اور شناختی کمیٹی کے چیئر کے طور پر منتخب کیا گیا ہے۔ ڈاکٹر اعجاز نے چار امیدواروں کی دوڑ میں 60.20% ووٹ حاصل کیے، جو پنجاب بھر میں IEEE میں ان کی 15+ سال کی وقف خدمات اور شراکت کا ثبوت ہے۔ ان دو سالوں میں ڈاکٹر قیصر اعجاز طلباء کی 21 شاخوں (یونیورسٹیوں) اور ذیلی حصوں کے لیے شناختی پروگراموں کی نگرانی کریں گے اورنو منتخب لاہور سیکشن چیئر، ڈاکٹر یاسر سلیم (UET لاہور) کے ساتھ تعاون کریں گے۔IEEE لاہور سیکشن  پاکستان کا سب سے پرانا اور سب سے باوقار IEEE سیکشن  عالمی سطح پر، خاص طور پر ایشیا پیسیفک (علاقہ 10) کی نمائندگی کرنا۔یہ کامیابی ڈاکٹرقیصر  اعجاز کی قیادت، مہارت، اور انجینئرنگ کی مہارت کو آگے بڑھانے کے عزم کو نمایاں کرتی ہے۔ وائس چانسلر پروفیسر ڈاکٹر محمد کامران نے ڈاکٹر قیصر اعجاز کو مبارکباد دی ہے۔ 

یو ای ٹی لاہور نے انٹری ٹیسٹ فیز ٹو کے نتائج کا اعلان کر دیا۔ محمد مصعب سیال نے 392 نمبروں کیساتھ پہلی پوزیشن حاصل کی، ریان احمد 391 نمبروں سے دوسرے نمبر پر آئے جبکہ واصف شہراز نے 387 نمبروں کیساتھ تیسری پوزیشن حاصل کی۔

انٹری ٹیسٹ کے دوسرے مرحلے میں مجموعی طور پر 26 ہزار 803 طلباء نے شرکت کی۔ اس سے قبل ای کیٹ کے پہلے مرحلے میں 15 ہزار 460 امیدواروں نے حصہ لیا تھا۔ وائس چانسلر ڈاکٹر شاہد منیر نے امیدواروں کی بڑھتی ہوئی تعداد کو خوش آئند قرار دیتے ہوئے کہا کہ یہ یو ای ٹی پر طلباء اور والدین کے اعتماد کا مظہر ہے۔ انہوں نے بتایا کہ یو ای ٹی میں جدید لیبارٹریز، کلاس رومز اور معیاری ہاسٹلز کی سہولیات دستیاب ہیں، جبکہ نئے تعلیمی سال کے داخلوں کے لیے نشستوں کی تعداد میں بھی 2,500 سیٹوں کا اضافہ کر دیا گیا ہے۔ 

یو ای ٹی لاہور اور اس کے ذیلی کیمپسز میں داخلے کے لیے آن لائن رجسٹریشن کا آغاز ہو چکا ہے۔ امیدوار آج ہی یو ای ٹی کے ایڈمیشن پورٹل admission.uet.edu.pk پر اپنی درخواستیں جمع کرا سکتے ہیں۔ آن لائن داخلہ فارم جمع کرانے کی آخری تاریخ 11 جولائی 2025 مقرر کی گئی ہے۔ داخلے کے لیے پہلی میرٹ لسٹ 18 جولائی، دوسری یکم اگست، تیسری 15 اگست، جبکہ چوتھی میرٹ لسٹ 22 اگست کو جاری کی جائے گی۔ طلباء کی ڈاؤن گریڈنگ کے لیے درخواستیں 29 سے 31 اگست تک وصول کی جائیں گی اور اس کی میرٹ لسٹ یکم ستمبر کو جاری ہو گی۔ آخری میرٹ لسٹ کا اعلان 26 ستمبر کو کیا جائے گا۔ واک ان درخواستوں کی وصولی 29 ستمبر سے یکم اکتوبر تک جاری رہے گی جبکہ ہاسٹل الاٹمنٹ کا عمل 7 ستمبر سے شروع ہوگا۔ ریگولر کلاسز کا آغاز 8 ستمبر 2025 سے ہوگا۔داخلے سے متعلق تمام معلومات یو ای ٹی کے ایڈمیشن پورٹل admission.uet.edu.pk پر دستیاب ہیں۔

وائس چانسلر اسلامیہ یونیورسٹی بہاول پور پروفیسر ڈاکٹر محمد کامران نے کہا ہے کہ میرٹ ان کی اولین ترجیح ہے۔ قوانین کا یکساں نفاذ ہی اصل میں کسی ادارے کی بہتر کارکردگی اور کامیابی کا ضامن ہوتا ہے۔ اسلامیہ یونیورسٹی بہاول پور وطن عزیز کی بہترین جامعات میں سے ایک ہے۔ ضرورت اس امر کی ہے کہ میرٹ، شفافیت کی بنیاد پر خلوص نیت سے جامعہ کی علمی خدمت کی جائے۔ وائس چانسلر نے ان خیالات کا اظہار فیکلٹی آف ایگریکلچر اینڈ اینوائرمنٹ کے ڈین پروفیسر ڈاکٹر تنویر حسین ترابی کی جانب سے وائس چانسلر کے اعزاز میں منعقد کی گئی تقریب میں کیا۔ تقریب میں اساتذہ کرام، انتظامی افسران اور ملازمین نے کثیر تعداد میں شرکت کی۔ وائس چانسلر نے کہا کہ اسلامیہ یونیورسٹی بہاول پور میں سماجی علوم، سائنسز، انفارمیشن ٹیکنالوجی، میڈیکل سائنسز، فارمیسی، ایگریکلچر، ویٹرنری سمیت تمام علوم کے بہترین ماہرین موجود ہیں۔ یہ افرادیونیورسٹی کی ترقی کے ساتھ ساتھ قومی ترقی میں بھی اہم کردار ادا کر رہے ہیں۔ اسلامیہ یونیورسٹی بہاول پور کی زرعی فیکلٹی بھی اپنی بہترین تحقیق اور متنوع تعلیمی پروگراموں کے باعث پاکستان بھر میں منفرد مقام رکھتی ہے۔ اسلامیہ یونیورسٹی بہاول پور کا دنیا کی ترقی یافتہ ممالک کی جامعات، تدریسی و تحقیقی سے روابط کو بڑھایا جائے گا کہ عالمی معیار کی تعلیم کے ساتھ ساتھ تحقیق ممکن ہو سکے۔ ڈین فیکلٹی آف ایگریکلچر اینڈ اینوائرمنٹ پروفیسر ڈاکٹر تنویر حسین ترابی نے کہا کہ وائس چانسلر کی آمد تمام اساتذہ کرام اور ملازمین کے لیے حوصلہ افزائی کا سبب ہے۔ ان کی روایت رہی ہے کہ نئے آنے والے وائس چانسلر کا شیان شان خیر مقدم کیا جاتا ہے اور ان سے تعلیمی اور انتظامی امور میں رہنمائی لی جاتی ہے۔ پروفیسر ڈاکٹر محمد کامران نے قلیل عرصے میں یونیورسٹی میں تعلیمی معیار میں بہتری، مالیاتی چیلنجز، فیکلٹی اور ملازمین کا مورال بلند کرنے کے لیے غیر معمولی اقدامات کیے ہیں۔ ان کی سربراہی میں اسلامیہ یونیورسٹی بہاول پور نہ صرف موجودہ مشکلات سے نمٹنے گی بلکہ ترقی کے نئے دروازے بھی کھلے گے۔ انہوں نے تقریب میں شریک ڈینز، اساتذہ کرام، انتظامی افسران اور ملازمین کا شکریہ ادا کیا۔ 

ڈائریکٹر کالجز ملتان ڈویژن جناب طاہر سلطان نے گورنمنٹ گریجویٹ کالج وہاڑی کا دورہ کیا، جہاں انہوں نے ایم ڈی کیٹ / ای کیٹ کی تیاری کے کلاسز کا معائنہ کیا اور طلباء سے ملاقات کی۔ اس کے بعد انہوں نے امتحانی مرکز کا بھی دورہ کیا۔ کالج کی طرف سے بہتر انتظامات پر پرنسپل کی تعریف کی۔

بعد ازاں، انہوں نے گورنمنٹ گریجویٹ کالج آف کامرس وہاڑی کا دورہ کیا، جہاں انہوں نے کمپیوٹر لیب کا جائزہ لیا اور پرنسپل و کالج اسٹاف سے مختصر ملاقات کی۔ اس کے بعد وہ گورنمنٹ گریجویٹ کالج (ویمن) وہاڑی گئے، جہاں انہوں نے جاری عملی امتحانات کا معائنہ کیا اور پرنسپل محترمہ اسماء خبیب کو حج کی سعادت حاصل کرنے پر مبارکباد دی۔

آخر میں، انہوں نے گورنمنٹ گریجویٹ کالج بورے والا کا دورہ کیا، جہاں ایم ڈی کیٹ / ای کیٹ کلاسز کا مشاہدہ کیا، طلباء سے بات چیت کی، سہولیات کے بارے میں دریافت کیا اور ان کی حوصلہ افزائی کی کہ وہ محنت کریں اور روشن مستقبل کے لیے خود کو تیار کریں۔

ان کے ہمراہ ڈپٹی ڈائریکٹر کالجز وہاڑی، ملک مشتاق احمد مشتاق؛ ڈپٹی ڈائریکٹر کالجز ملتان، جناب احمر رؤف؛ اسسٹنٹ ڈائریکٹر کالجز وہاڑی، جناب دلاور حسین؛ اسسٹنٹ ڈائریکٹر کالجز خانیوال، جناب مراتب علی؛ اور پرنسپل گورنمنٹ گریجویٹ کالج وہاڑی، سید غلام محمد بخاری بھی موجود تھے.

+16

All reactions:

2222

 پاکستان کی نمائندگی کرتے ہوئے یو ای ٹی لاہور کے سابق طالبعلم عاصم افتخار احمد اگلے ماہ اقوامِ متحدہ کی سلامتی کونسل کی صدارت سنبھالیں گا، جو بین الاقوامی سطح پر ایک بڑی سفارتی کامیابی ہے۔ عاصم افتخار احمد یو ای ٹی لاہور کے 1984 کے الیکٹریکل انجینئرنگ سیشن سے فارغ التحصیل ہیں اور اس وقت اقوامِ متحدہ میں پاکستان کے مستقل مندوب کے طور پر خدمات سرانجام دے رہے ہیں۔ بین الاقوامی سطح پر ان کی یہ تقرری یو ای ٹی لاہور کے لیے بھی ایک بڑا اعزاز ہے۔ وائس چانسلر یو ای ٹی ڈاکٹر شاہد منیر نے جناب عاصم افتخار احمد کو اس تاریخی موقع پر دلی مبارکباد پیش کی ہے۔ ان کا کہنا تھا “یہ لمحہ نہ صرف پاکستان کے لیے باعثِ فخر ہے بلکہ یو ای ٹی لاہور کے لیے بھی ایک اہم اعزاز ہے۔ عاصم افتخار جیسے سابق طالبعلم ہمارے لیے قابلِ تقلید مثال ہیں، جنہوں نے اپنی پیشہ ورانہ زندگی میں ملک و ملت کا نام روشن کیا۔” یو ای ٹی لاہور کے ایلومینائی دنیا بھر میں مختلف شعبہ جات میں پاکستان کا نام روشن کر رہے ہیں اور جناب عاصم افتخار احمد کی یہ کامیابی اسی سلسلے کی ایک شاندار کڑی ہے۔

)اسلامیہ یونیورسٹی بہاول پور کی کمیٹی برائے انسداد و تدارک منشیات کے زیر اہتمام منشیات کے استعمال اور غیر قانونی اسمگلنگ کے خلاف عالمی دن کے موقع پر عباسیہ کیمپس میں خصوصی سیمینار منعقد ہوا۔ اس موقع پر ریجنل پولیس آفیسربہاول پور رائے بابر سعید مہمان خصوصی تھے اور صدارت وائس چانسلر پروفیسر ڈاکٹر محمد کامران نے کی۔ ریجنل پولیس آفیسر بہاول پور رائے بابر سعید نے کہا کہ منشیات ایک عالمی مسئلہ ہے۔  نوجوان نسل کو اس سے بچانا اور محفوظ رکھنا متعلقہ اداروں کے ساتھ ساتھ والدین اور معاشرے کی مشترکہ ذمہ داری ہے۔ اس سلسلے میں تعلیمی اداروں کا کردار بہت اہم ہے جو تسلسل سے منشیات کی روک تھام اور مضر اثرات سے بچاؤ کے لیے آگاہی پھیلاتے ہے۔ رائے بابر سعید نے کہا کہ نوجوانوں سے رابطہ بہت ضروری ہے۔ انہیں مثبت سرگرمیوں میں مصروف رکھ کر ان کے مسائل سے آگاہی حاصل کرکے اس مسئلے کے روک تھام میں خاصی مدد مل سکتی ہے۔ نوجوانوں کو فعال اور مثبت طرز زندگی کی جانب راغب کرنے کے لیے اداروں بمشول پولیس والدین اور تعلیمی اداروں کا باہمی ربط اور تعاون ضروری ہے۔ نوجوان نسل سے عدم رابطے کی خلیج کو پر کرنا ہوگا۔ اس طرح انسداد منشیات کے ادارے اس وقت کامیاب ہو سکتے ہیں جب وہ معاشرے میں اچھے تاثر کے حامل ہوں۔ انہوں نے اسلامیہ یونیورسٹی بہاول پور میں قائم کی گئی خصوصی کمیٹی کی جانب سے 2 ماہ کی آگاہی مہم کے انعقاد کو سراہتے ہوئے اسے جاری رکھنے اور پولیس اور دیگر اداروں کی سرگرمیوں سے مربوط کرنے پر ضرور دیا۔ انہوں نے کہا کہ جامعہ کے اساتذہ اور پولیس افسران پر مشتمل ایک خصوصی کمیٹی بھی تشکیل دی جائے جو اس سلسلے میں مشترکہ کوششیں کریں۔ وائس چانسلر پروفیسر ڈاکٹر محمد کامران نے تقریب میں خصوصی شرکت پر ریجنل پولیس آفیسر بہاول پور کا شکریہ ادا کیا اور کہا کہ یونیورسٹی سے تعاون کے جذبے کو سراہا۔ انہوں نے کہا کہ وہی ملک اور معاشرے کامیاب ہیں جہاں منشیات سے متعلق زیرو ٹالرینس ہے۔ ہمیں اپنے نوجوان نسل خصوصا طلباو طالبات کو منشیات کی لعنت سے دور رکھنے کے لیے مسلسل رابطے میں رکھنا ضروری ہے۔ فوکل پرسن پروفیسر ڈاکٹر فیاض الدین نے گزشتہ سال انسداد منشیات اور اس کے مضر اثرات سے متعلق آگاہی پھیلانے کے لیے تمام فییکلٹیز اور شعبہ جات میں سیمینار اور آگاہی مہم کی تفصیل پیش کی۔ انہوں نیکہا کہ یہ  آگاہی مہم یونیورسٹی میڈیکل یونٹ، ہاسٹل انتظامیہ،شعبہ تعلقات عامہ، ٹرانسپورٹ اور دیگر اداروں کے تعاون سے منعقد ہوئی۔ اس موقع پر قائد اعظم میڈیکل کالج سے ایسو سی ایٹ پروفیسر ڈاکٹر سعید اختر چوہدری نے منشیات اوراس کے معاشرے پر اثرات سے متعلق خصوصی لیکچر دیا۔