Developer

پنجاب یونیورسٹی نے تحسین اکبر دختر اکبر علی کو ایجوکیشن کے مضمون میں ’معاونت سے سیکھنے کی حکمت عملیاں استعمال کرتے ہوئے اعلیٰ ثانوی سطح کے طلباء میں تنقیدی سوچ پیداکرنا‘ کے موضوع پر،مسلیمہ دختر عبدالمالک کواسلامک سٹڈیز کے مضمون میں ’فقہ اسلامی میں تقابلی مطالعہ کی روایت عصری عائلی مسائل میں معاصر فقہاء کی آراء و اجتہادات۔ تجزیاتی و تقابلی مطالعہ‘ کے موضوع پر،اسمارہ احمد دختر اشہد احمد کوآرٹ اینڈ ڈیزائن کے مضمون میں ’کھُسہ، ماضی، حال اور مستبقل‘کے موضوع پر،درنایاب دختر ایاز بٹ کوایجوکیشن کے مضمون میں ’پنجاب میں تکنیکی اور پیشہ وارانہ تعلیم اور تربیتی پروگرام کا جائزہ‘کے موضوع پر اورانعم فیروز دختر محمد فیروز احسن کوزوالوجی کے مضمون میں ’ٹروگوڈرماگریناریم (ایورٹس) میں بائیفینتھرن اور کلورپائریفوس کی ہم آہنگ آمیزش کے زہریلے اثرات‘ کے موضوع پر، پی ایچ ڈی مقالہ جات کی تکمیل کے بعد پی ایچ ڈی کی ڈگریاں جاری کر دیں۔

 (2) اسلامیہ یونیورسٹی بہاولپور کے وائس چانسلر کی حیثیت سے (2019 تا حال) جسے ڈاکٹر اطہر محبوب نے 13,000 طلباء سے 65,000 طلباء اور PKR 2.8 بلین کی سالانہ آمدنی سے PKR 8.8 بلین تک لے گئے ہیں۔  انڈر گریجویٹ ڈگری پروگرامز کی تعداد 48 سے بڑھ کر 138 ہو گئی اور بی ایس، ایم فل اور پی ایچ ڈی کی سطح پر پروگراموں کی کل تعداد گزشتہ تین سالوں کے دوران 300 سے زیادہ ہو گئی۔  کل وقتی فیکلٹی ممبران کی تعداد 430 (150 پی ایچ ڈی) سے بڑھ کر 1350 (735 پی ایچ ڈی) اور پارٹ ٹائم فیکلٹی کی تعداد 500 سے بڑھ کر 2,100 ہوگئی۔ ٹائمز ہائر ایجوکیشن رینکنگ کے مطابق یونیورسٹی نے اپنی درجہ بندی کو دنیا میں 1207 ویں سے بہتر کر کے 800 ویں نمبر پر لے لیا۔ پاکستان میں ساتویں اور جنوبی پنجاب میں پہلی پوزیشن پر آگئی ہے۔اس کے علاوہ کپاس کے نئے بیجوں کی تیاری اور مارکیٹ میں دستیابی، مکئی اور سویابین کی مخلوط کاشت کا انٹر کراپنگ ٹیکنالوجی منصوبہ، چولستان میں مصنوعی بارش سے لاکھوں ایکڑ رقبے کو ایگرو اکنامک زون میں بدل کر پاکستانی معیشت میں 30 لاکھ ڈالر سالانہ کا اضافہ کر سکتے ہیں۔انٹر یونیورسٹی کنسورشیم برائے موسمیاتی تبدیلی اور دیرپا حل اور یونیورسٹی کا 2.5 میگا واٹ شمسی توانائی کا منصوبہ بھی قابل تعریف ہے۔ یونیورسٹی اب اپنے آپریٹنگ اخراجات کا 100% اپنی آمدنی سے پورا کرتی ہے۔ اتنے متحرک اور بصیرت رکھنے والے تعلیمی اور انتظامی رہنما اور اعلیٰ کارکردگی کے حامل ہونے کے باوجود ڈاکٹر اطہر محبوب کو گزشتہ چھ سالوں میں مسلسل نشانہ بنایا گیا اور الزامات پر مبنی انکوائریوں اور ان لوگوں کی طرف سے چلائی جانے والی تضحیک آمیز مہموں کا نشانہ بنایا گیا جو کارکردگی اور حقیقی دنیا کے چیلنجز کا مقابلہ کرنے سے قاصر ہیں۔ اس طرح کا سب سے حالیہ معاملہ مبینہ طور پر سی ایم آئی ٹی انکوائری رپورٹ کا ہے جو مکمل طور پر یک طرفہ ہے اور سچائی اور حقائق کا سراسر دھوکا ہے۔  اس طرح کی یک طرفہ رپورٹ کے معاملے کی تحقیقات خود مجرمانہ بددیانتی کے مترادف ہے جسے الیکٹرانک اور سوشل میڈیا پر ڈاکٹر اطہر محبوب کے خلاف کردار کشی اور بدنامی کی مہم چلانے کے لیے استعمال کیا جا رہا ہے۔ اس کی ہر فورم پر مذمت ہونی چاہیے اور اساتذہ طلباء وطالبات اور سول سوسائٹی و تعلیمی حلقے اس مہم کے خلاف صف آراء ہو جائیں۔ یہ عناصر ڈاکٹر اطہر محبوب کے ہی نہیں بلکہ اسلامیہ یونیورسٹی اور اصل میں بہاولپور کی ترقی کے دشمن ہیں۔

ترجمان اسلامیہ یونیورسٹی بہاول پور نے کہا ہے کہ یونیورسٹی کی ترقی سے خائف کچھ شرپسند عناصر غیر مستند دستاویزات کو اپنے انداز میں پیش کر کے تاثردے رہے ہیں کہ یونیورسٹی لیڈر شپ کے خلاف کسی طرح کی کاروائی کا آغاز ہو گیا ہے۔اول تو ان دستاویز کی تحقیق ہونا باقی ہے کیونکہ آج کل جعلی (فیک)کاغذات بنانے کا رواج عام ہے۔ اور لوگ بہت آسانی سے سوشل میڈیا پرمحض اپنے دل کو رجھانے کے لئے من مرضی کی دستاویزات بنا کر اپلوڈکردیتے ہیں۔اس طرح انہیں وقتی خوشی تو حاصل ہو جاتی ہے لیکن ان کا جھوٹ،مکر اور فریب سب پر عیاں ہو جاتا ہے۔جھوٹ کے سرپیر نہیں ہوتے اور اِن ڈاکومنٹس کو بھی بہت بڑا کرپشن سکینڈل ظاہر کر کے سماء نیوز چینل پرچلایا گیا ہے جس کے خلاف یونیورسٹی لیگل ٹیم نے قانونی کاروائی کا آغاز کردیا ہے۔ متعلقہ چینل اور اس کے نمائندوں کو لیگل نوٹس بھجوا دیا گیا ہے۔چینل کے خلاف شکایت چیئرمین پیمراکو بھیجوا دی گئی۔ اسی طرح 8 دسمبر کوایک جعلی ویڈیو چلا کر یونیورسٹی میں امن وامان کا مسئلہ پیدا کرنے پر مقامی نمائندے اور چینل کوقانونی نوٹس بھی بھجوا دیے گئے ہیں۔ اسی طرح یو ٹیوب پر موجود یونیورسٹی لیڈرشپ کے خلاف حقائق کے برخلاف چلائی جانیوالی ایک ویڈیو سے متعلق شکایت بھی ایف آئی اے سائبر کرائم ونگ کو بھجوا دی گئی ہے۔ ترجمان نے مزید کہا ہے کہ اسلامیہ یونیورسٹی جیسی عظیم دانش گاہ کی حرمت پرآنچ نہیں آنے دی جائے گی اور ہزاروں اساتذہ،ملازمین اور طلباؤطالبات کے خلاف برسرِپیکار اِن ذہنی بیمارعناصر کامحاسبہ کیا جائے گا۔

پنجاب یونیورسٹی شعبہ امتحانات نے ایسو سی ایٹ ڈگری ان آرٹس / سائنس پارٹ ون اور پارٹ ٹوسالانہ2022ء اور بی اے /بی ایس سی پارٹ ٹو (سپیشل کیٹگری) سالانہ 2022ء کے امتحانی نتائج کا اعلان کر دیا ہے۔ تفصیلات پنجاب یونیورسٹی کی ویب سائٹ www.pu.edu.pk پر دیکھی جا سکتی ہے۔

…….2………

پنجاب یونیورسٹی نے پانچ سکالرز کو پی ایچ ڈی کی ڈگریاں جاری کر دیں
لاہور (13دسمبر،منگل):پنجاب یونیورسٹی نے محمدجہانزیب ولد منور جاوید کوسپیشل ایجوکیشن کے مضمون میں ’محکمہ خصوصی تعلیم حکومت پنجاب کے زیر اہتمام خصوصی تعلیمی اداروں میں پرائمری سطح پر زیر تعلیم محروم ازبصارت طلبہ کے لئے انعقاد پذیر تعلیمی پروگرام کا تجزیاتی مطالعہ‘ کے موضوع پر،سائرہ رحمان دختر شفیق الرحمان کوفارمیسی (فارماکوگنوسی) کے مضمون میں ’ککربیٹیسی فیملی کے ممبران سے حاصل کردہ میوسیلیج کی طبیعی، حیاتیاتی اور کیمیائی خصوصیات کا تجزیہ‘ کے موضوع پر،شہزاد احمد ولد محمد عاشق کواسلامک سٹڈیز کے مضمون میں ’مذاہب عالم میں احکام اکل و شرب۔ تقابلی مطالعہ‘کے موضوع پر،حافظہ بشریٰ منیر دختر منیر احمد کوسالڈ سٹیٹ فزکس کے مضمون میں ’سپنل فیزائٹس (XFe2O4: X=V, Mo, Zn)کی ابتدائی اصولوں سے ساختی اور مقناطیسی خصوصیات کی تحقیقات‘کے موضوع پر اورذیشان امجد ولد محمد امجد کوفزکس کے مضمون میں ’جنرلائزڈ ہیزنبرگ میگنیٹ ماڈل کے الجبری پہلو اور سولیٹان سلوشنز‘ کے موضوع پر، پی ایچ ڈی مقالہ جات کی تکمیل کے بعد پی ایچ ڈی کی ڈگریاں جاری کر دیں۔

فاطمہ جناح ویمن لیڈر شپ سینٹر اسلامیہ یونیورسٹی بہاول پور کے زیر اہتمام مختلف شعبوں میں قائدانہ کردار ادا کرنے والی خواتین کی لیکچر سیریز کا آغاز کیا گیا ہے۔ وائس چانسلر اسلامیہ یونیورسٹی بہاول پور انجینئر پروفیسر ڈاکٹر اطہر محبوب کی ہدایت پر منعقد ہونے والی اس سرگرمی کا مقصد خواتین اساتذہ، ملازمین اور طالبات کو مختلف شعبہ ہائے زندگی میں کامیاب ترین خواتین کی عملی جدوجہد، کامیابی سے آگاہ کرنا ہے۔ اس سلسلے میں منعقدہونے والی پہلی لیکچر سیریز میں وائس چانسلر انجینئر پروفیسر ڈاکٹر اطہر محبوب خصوصی طور پر شریک ہوئے۔ اس موقع پر اسسٹنٹ کمشنربہاول پور سٹی ڈاکٹر انعم فاطمہ اور پرنسپل گورنمنٹ ٹیکنیکل کالج ڈاکٹر سمیرا صالح نے اپنی عملی جدوجہد، چیلنجز، مواقعوں اور حکمت عملی سے آگاہ کیا۔پروفیسر ڈاکٹر روبینہ بھٹی نے کہا کہ پاکستانی خواتین ہر شعبے میں نمایاں کردار ادا کر رہی ہیں اور خواتین کو بااختیار بنانے اور ان کی قائد انہ صلاحیتوں کو اجاگر کرنے کے لیے منعقد ہونے والی لیکچر سیریز اور تربیتی پروگرام کردار سازی کے ساتھ ساتھ استعداد کار میں اضافے کا باعث بننے گی۔ تقریب میں پروفیسر ڈاکٹر شازیہ انجم ڈین فیکلٹی آف کیمیکل اینڈ بائیو لوجیکل سائنسز،ڈاکٹر اظہر حسین ڈائریکٹر ایلومینائی آفیئرز، ڈاکٹر ثمر فہدڈائریکٹر انیبلنگ سنٹر،ڈاکٹر شنہیرہ محموداسسٹنٹ پروفیسر، کلثوم اخترلیکچرار، فیکلٹی ممبران اور طلباء و طالبات نے شرکت کی۔

 گورنر پنجاب محمد بلیغ الرحمان سے آج یہاں گورنر ہائوس لاہور میں بلوچستان ریزیڈنیشل کالج ژوب کے طلبا نے اپنے مطالعاتی دورے کے دوران پروفیسر گل دار علی خان وزیر کی قیادت میں ملاقات کی۔اس موقع پر گورنر پنجاب محمد بلیغ الرحمان نے بلوچستان سے آئے ہوئے طلبا کو گورنر ہائوس کی تاریخی حیثیت و اہمیت کے بارے میں آگاہ کیا۔ملاقات کے دوران گورنر پنجاب نے طلبا کے مختلف سوالات کے جوابات بھی دیئے۔طلبا گورنر پنجاب محمد بلیغ الرحمان کو اپنے درمیان پاکر بہت خوش ہوئے۔ طلبا نے گورنر ہائوس کو طلبا وطالبات کے مطالعاتی دوروں کے لیے کھولنے کو  سراہا۔
٭٭٭٭