سیکرٹری ایجوکیشن کی مسنگ فیسیلیٹیز بارے درست معلومات فراہم نہ کرنے پر سی ای او اوکاڑہ کی سرزنش ……..داخلوں کی شرح اور بنیادی تعلیمی سہولیات کی فراہمی کے معاملے پر کوتاہی نہ برتی جائے۔ ……….غلط یا نامکمل معلومات کی فراہمی پر متعلقہ ایجوکیشن اتھارٹی کے خلاف سخت ایکشن ہوگا۔ سیکرٹری ایجوکیشن خالد نذیر وٹو

وزیر تعلیم رانا سکندر حیات کی ہدایت پر محکمہ تعلیم کا خصوصی سکواڈ سکولوں کی حالت زار کی دستگی کیلئے متحرک ہے۔ اس ضمن میں سیکرٹری ایجوکیشن خالد نذیر وٹو اور چیئرمین ٹاسک فورس مزمل محمود مسلسل مختلف اضلاع کے سکولوں کے دورے کر رہے ہیں۔ سیکرٹری ایجوکیشن اور چئیرمین ٹاسک فورس نے مختلف اضلاع میں سکولوں کی عمارتوں، کلاس رومز اور بنیادی سہولیات کے فقدان کا معائنہ کیا۔ اس موقع پرغلط معلومات کی فراہمی پر سی ای او ایجوکیشن اوکاڑہ کی سرزنش کرتے ہوئے دو دن میں درست ڈیٹا جمع کروانے کی ہدایت کی گئی جبکہ سہولیات کی فراہمی کیلئے اقدامات پر سی ای او ساہیوال اور سی ای او پاکپتن کی کوششوں کی تحسین بھی کی گئی۔ سکولوں کے معائنہ کے دوران سیکرٹری ایجوکیشن اور چئیرمین ٹاسک فورس نے ایجوکیشن اٹھارٹیز کو موقع پر ہدایات بھی جاری کیں۔ سیکرٹری ایجوکیشن خالد نذیر وٹو نے تمام ضلعی ایجوکیشن افسران پر واضح کیا کہ سہولیات کا فقدان دور کرنے کے لئے اقدامات کو وزیر اعلیٰ پنجاب مریم نواز خود مانیٹر کر رہی ہیں لہذا وزیر اعلیٰ پنجاب کے ویژن کے مطابق سکولوں میں سہولیات یقینی بنانے کے لیے سنجیدہ اقدامات کئے جائیں۔ انہوں نے کہا کہ وزیر تعلیم رانا سکندر حیات کا خصوصی سکواڈ تمام اضلاع کے دورے کر رہا ہے اورتعلیمی سہولیات کا جائزہ لینے کے ساتھ ساتھ ضلعی ایجوکیشن اٹھارٹیز کی جانب سے دی گئی معلومات کوکراس چیک بھی کر رہا ہے۔ لہذا داخلوں کی شرح اور بنیادی تعلیمی سہولیات کی فراہمی کے معاملے پر کوتاہی نہ برتی جائے۔ سیکرٹری ایجوکیشن نے کہا کہ سہولیات کے بارے میں غلط یا نامکمل معلومات کی فراہمی پر متعلقہ ایجوکیشن اتھارٹی کے خلاف سخت ایکشن ہوگا۔