گورنمنٹ کالج یونیورسٹی لاہور کی لائبریری سوسائٹی کے زیر اہتمام شاعر مشرق علامہ محمد اقبال کی برسی کے موقع پر خصوصی نمائش کا انعقاد۔نمائش میں علامہ اقبال سے منسوب تاریخی اشیاء پیش کی گئیں جن میں ڈاک ٹکٹ، پوسٹل اسٹیشنری، سکے، کرنسی نوٹ، اور اصل خطوط شامل تھے۔ ان میں سے کچھ خطوط جسٹس (ر) ڈاکٹر جاوید اقبال کے تحریر کردہ تھے۔ یہ مجموعہ میاں ساجد علی نے ترتیب دیا جو علامہ اقبال اسٹامپ سوسائٹی کے چیئرمین ہیں۔نمائش کا افتتاح سول لائنز کالج کے پرنسپل ڈاکٹر اختر حسین سندھو نے جی سی یو کے ڈین فیکلٹی آف آرٹس و شوشل سائنس پروفیسر ڈاکٹر بابر عزیز، چیف لائبریرین محمد نعیم، اور میاں ساجد علی کے ہمراہ کیا۔ڈاکٹر سندھو نے کہا کہ ایسی نمائشیں نوجوان نسل کو اقبال کے فکری اور ثقافتی ورثے سے جوڑنے کا مؤثر ذریعہ ہیں۔ انہوں نے زور دیا کہ یہ تاریخی دستاویزات تحقیقی اہمیت رکھتی ہیں اور جی سی یو جیسے ادارے کو اس میدان میں رہنمائی کرنی چاہیے۔میاں ساجد علی نے بتایا کہ انہوں نے 1991 میں طالبعلمی کے زمانے میں یہ مجموعہ اکٹھا کرنا شروع کیا تھا، اور یہ علامہ اقبال سے متعلق سب سے بڑے ڈاک مجموعوں میں سے ایک ہے ……
جی سی یو لاہور میں لا ڈیپارٹمنٹ کی پہلی انٹرا ڈیپارٹمنٹل موٹ کورٹ مقابلہ
گورنمنٹ کالج یونیورسٹی (جی سی یو) لاہور کے لا ڈیپارٹمنٹ نے اپنا پہلا انٹرا ڈیپارٹمنٹل موٹ کورٹ مقابلہ منعقد کیا، جس کا مقصد طلبہ کی وکالت، قانونی دلیل اور تنقیدی سوچ کو بہتر بنانا تھا۔ مقابلے میں 12 طلبہ کی ٹیموں نے حصہ لیا، جن کی کارکردگی کو قانونی ماہرین اور فیکلٹی ممبران نے جانچا۔فائنل راؤنڈ کی ججمنٹ سابق جسٹس احمد رضا، جسٹس حافظ طارق نسیم، جسٹس (ر) عباد الرحمان لودھی اور اے ایس سی شمیم ملک نے کی۔جسٹس (ر) احمد رضا نے طلبہ کی قانونی تجزیہ کی مہارت کو سراہا، جبکہ جسٹس حافظ طارق نسیم نے دلائل کی وضاحت اور اعتماد کو قابلِ تعریف قرار دیا۔ جسٹس (ر) عباد الرحمان لودھی نے جی سی یو کی اس کاوش کو سراہتے ہوئے کہا کہ اس قسم کے تعلیمی پلیٹ فارمز مستقبل کے ماہر وکلاء کی تیاری میں اہم کردار ادا کرتے ہیں۔لا ڈیپارٹمنٹ کے انچارج محمدعظیم فاروقی کے مطابق، مقابلے کا موضوع بنیادی انسانی حقوق اور خصوصی عدالتی فورمز کے دائرہ اختیار کے درمیان قانونی تعلقات پر مبنی تھا۔ اختتامی تقریب میں انعامات اور اسناد تقسیم کی گئیں۔ تقریب کا اہتمام راویئن لا سوسائٹی نے کیا۔
