بورڈ آف انٹر میڈیٹ اینڈ سیکنڈری ایجوکیشن راولپنڈی کے زیر اہتمام 20 اگست بروز منگل سے شروع میٹرک سیکنڈ اینول امتحان 2024 کے لئے تمام انتظامات مکمل کر لئے گئے ہیں۔ ترجمان تعلیمی بورڈ کے مطابق تمام ریگولر و پرائیوٹ امیدواران کو رول نمبر سلپیں جاری کردی گئی ہیں، ریگولر امیدواران کی رول نمبر سلپس ان کے ادارے کے پورٹل پر اپ لوڈ کر د ی گئی ہیں جبکہ پرائیویٹ امیدواران کی رو ل نمبر سلپس ان کے داخلہ فارم پردیئے گئے پتہ پر ارسا ل کر د ی گئی ہیں،
پرائیوٹ امیدواران اپنی رول نمبر سلپس بورڈ کی ویب سائیٹwww.biserawalpindi.edu.pk سے اپنا ب فارم یا آن لائن داخلہ فارم نمبر درج کر کے ڈاون لو ڈ کر سکتے ہیں چیئرمین تعلیمی بورڈ راولپنڈی محمد عدنا ن خان اور کنٹرولر امتحانات تنویر اصغر اعوان نے مشترکہ اعلامیہ جاری کرتے ہوئے کہا کہ امتحان میٹرک سیکنڈ اینول 2024 میں وزیراعلیٰ پنجاب مریم نواز کے ویژن کے مطابق زیرو ٹالرنس پالیسی کے تحت امتحان منعقد کیا جا رہا ہے ،بوٹی مافیا کے خلاف سخت ایکشن لیا جائے گا ،اس سلسلہ میں کوئی رعایت نہیں برتی جائے گی روزانہ کی بنیاد پر تمام امتحانی مراکز کی مانیٹرنگ کی جائے گی۔Advertisement –
راولپنڈی ڈویژن میں میں گر لز اور بوائز کے39 امتحانی سنٹرز مقرر کر کے سپر نٹنڈ نٹس، ڈ پٹی سپرنٹنڈ نٹس اور نگران عملہ کی ڈیوٹیاں لگادی ہیں امتحان میں 16294امید وار شرکت کریں گے۔ اس سلسلہ میں کسی بھی دشواری یا معلومات کے لئے میٹرک برانچ کے فون نمبر051-5450932یا محمد شعبان عباسی کے موبائل نمبر 0301-5628056یا کنٹرولر امتحانات کے فون نمبرز051-5450917 اور 051-5450918پر رابطہ کیا جا سکتا ہے۔
ان۔
