پنجاب یونیورسٹی کے زیر اہتمام انڈر گریجوایٹ پروگرامز میں داخلہ ٹیسٹ کا انعقاد……. ۔ہ40 ہزار سے زائد طلباء و طالبات نے انٹری ٹیسٹ کے لئے رجسٹریشن کرائی…… ملک کے 18 اہم شہروں میں داخلہ ٹیسٹ کے لئے امتحانی مراکز قائم کئے گئے۔ ……..وائس چانسلر ڈاکٹر خالد محمود۔

پنجاب یونیورسٹی کے زیر اہتمام انڈر گریجوایٹ پروگرامز کے لئے انٹری ٹیسٹ کا انعقا د کیا گیا۔ وائس چانسلر ڈاکٹر خالد محمود اور چئیرمین ٹیسٹ کمیٹی ڈاکٹر ممتاز انور چوہدری نے امتحانی مراکز کا دورہ کیا۔ اس موقع پر میڈیا سے گفتگو کرتے ہوئے وائس چانسلر پروفیسر ڈاکٹر خالد محمود نے کہا کہ40 ہزار سے زائد طلباء و طالبات نے انٹری ٹیسٹ کے لئے رجسٹریشن کرائی انہوں نے کہا کہ ملک کے 18 اہم شہروں میں داخلہ ٹیسٹ کے لئے امتحانی مراکز قائم کئے گئے۔ انہوں نے کہا کہ کراچی، کوئٹہ، پشاور، گلگت، سکردو اور ملک کے دیگر اہم شہروں میں امتحانی مراکز قائم کئے گئے ہیں۔پاکستان بھر میں 130 امتحانی سنٹر قائم کئے گئے جبکہ لاہور میں 86 امتحانی مراکز میں داخلہ ٹیسٹ لیا جا رہا ہے۔انہوں نے کہا کہ تمام انڈر گریجوایٹ پروگرامز میں داخلوں کے لئے  7  قسم کے انٹری ٹیسٹ لئے جا رہے ہیں۔انہوں نے کہا کہ انڈرگریجوایٹ داخلوں کے لئے 25 فیصد نمبر انٹری ٹیسٹ کے لئے مختص ہیں۔انہوں نے کہا کہ طلباء و طالبات کی سہولت کے لئے 2 شفٹوں میں انٹری ٹیسٹ لیا جا رہا ہے۔ انہوں نے کہا کہ نیو کیمپس اور اولڈ کیمپس میں طلباو و طالبات کے لئے رہنمائی کیمپس لگائے گئے اور شٹل سروس کی سہولت دی گئی۔انہوں نے کہا کہ والدین کے لئے مناسب جگہوں اور پانی کا انتظام کیا گیا۔ انہوں نے کہا کہ انٹری ٹیسٹ کے رزلٹ کا اعلان 26 جون کو کیا جائے گا۔