اسلامیہ یونیورسٹی بہاول پور میں حکومت پنجاب کی پلانٹ فار پاکستان مہم کے تحت شجرکاری کا آغاز ہو گیا۔ وائس چانسلر اسلامیہ یونیورسٹی بہاول پور پروفیسر ڈاکٹر نوید اختر نے زرعی فیکلٹی کے سبزازار میں پودا لگا کر شجرکاری مہم کا آغاز کیا۔اس مہم کے تحت اسلامیہ یونیورسٹی بہاول پور میں 2000 پھل دار اور سایہ دار پودے لگائے جائیں گے۔ اس موقع پر ڈین فیکلٹی آف ایگریکلچر اینڈ انوائرمنٹ پروفیسر ڈاکٹر تنویر حسین ترابی، پرنسپل آفیسر اسٹیٹ کیئر ڈاکٹر محمد لطیف، فیکلٹی ممبران اور طلباو طالبات نے پودے لگائے۔ وائس چانسلر نے کہا کہ فیکلٹی ممبران اور طلباو طالبات بڑھ چڑھ کر شجرکاری مہم میں حصہ لیں اور حکومت پنجاب کی پلانٹ فار پاکستان مہم کو کامیاب بنائیں۔ انہوں نے کہا کہ موسم بہار شجرکاری مہم کے لیے انتہائی موزوں ہے۔ اسی طرح جنگلات کے عالمی دن کے مناسبت سے بھی اس شجرکاری مہم کا آغاز خوش آئند امر ہے۔ اس شجر کاری مہم کا سلسلہ تمام کیمپسز تک بڑھایا جائے۔
