پروفیسر ڈاکٹر شازیہ انجم سینئر ڈین فیکلٹی آف کیمیکل اینڈ بائیولوجیکل سائنسز اسلامیہ یونیورسٹی بہاول پور نے کہا ہے کہ جامعہ کی پوری کمیونٹی، اساتذہ اور طلباو طالبات ادارے اور اس کے افراد کے تقدس اور احترام کے لیے متحد اور یکجا ہیں۔ پروفیسر ڈاکٹر شازیہ انجم نے ان خیالات کا اظہار آج ڈین فیکلٹی آف سوشل سائنسز پروفیسر ڈاکٹر روبینہ بھٹی، ڈین فیکلٹی آف لاء پروفیسر ڈاکٹر راؤ عمران حبیب، ڈائریکٹر سکول آف سٹیٹ سائنسزپروفیسر ڈاکٹر یاسمین روفی، چیئرمین شعبہ سوشل ورک پروفیسر ڈاکٹر آصف نوید رانجھا، چیئرپرسن شعبہ سپیشل ایجوکیشن پروفیسرڈاکٹر نسرین اختر، پروفیسر ڈاکٹر ثمر فہد اور دیگر فیکلٹی ممبران کے ہمراہ پرہجوم خواتین کانفرنس میں کیا۔ اس موقع پر 100سے زائد خواتین اساتذہ بھی موجود تھیں۔ انہوں نے کہا کہ ٹی ایل سی انسٹی ٹیوٹ لاہور کی سربراہ خاتون کی جانب سے گمراہ کن پراپیگنڈاکیا جا رہا ہے۔ ہمارے معزز اساتذہ کے خلاف بے بنیاد الزمات لگائے جا رہے ہیں۔ ہم خواتین اساتذہ اور ملازمین اپنے ساتھی اساتذہ کی کردار کشی کی سخت مذمت کرتی ہیں۔ انہو ں نے کہا کہ اصل میں مذکورہ کالج کے الحاق کا مسئلہ ہے۔ کمیٹی کی طرف سے انتظامی خامیوں کی نشاندہی کی گئی تھی۔ خاتون سربراہ کو چاہیے تھا کہ ٹیکنیکل اور انتظامی خامیوں کو دور کرتیں۔ بدقسمتی سے وہ ذاتی عناد پر اتر آئی اور اس حد تک چلی گئیں کہ ہتک عزت کی شکایت درج کرا دی جو سراسر غلط عمل ہے۔ گزشتہ روز گورنر پنجاب سے ایک ملاقات کی تصور کو میڈیا میں پھیلا کر ان سے غیر مصدقہ بیان منسوب کرنے اور چلانے کی کوشش کی گئی۔ ہماری چانسلر آفس سے بھی گزارش ہے کہ اس طرح کی مذموم سازش پر کاروائی کی جائے تاکہ کوئی اتنے معتبر آفس کے حوالے سے کوئی غلط بیان جاری نہ کر سکے۔ اس موقع پر تفصیلات بتاتے ہوئے انہوں نے کہا کہ ٹی ایل سی انسٹی ٹیوٹ پہلی بار صرف بی ایس نرسنگ پروگرام کے لیے تعلیمی سیشن 2021-22 کے دوران یونیورسٹی سے منسلک ہوا تھا۔ مذکورہ انسٹی ٹیوٹ نے، بعد میں، بی ایس نرسنگ اور پوسٹ آر این پروگرام پیش کرنے کے لیے سیشن 2022-23 کے لیے یونیورسٹی سے الحاق کے لیے درخواست دی۔ کمیٹی نے11نومبر2022 کو کالج کا معائنہ کیا۔ معائنہ کے بعد، کمیٹی نے انسٹی ٹیوٹ کو بی ایس نرسنگ کا الحاق دینے کی سفارش کی لیکن6فروری 2023کو خط نمبر 103/AF کے ذریعے پوسٹ آر این پروگرام کی الحاق دینے کی درخواست کو بنیادی ڈھانچے کی کمی کے ساتھ ساتھ بنیادی خامیوں کی وجہ سیمسترد کر دیا۔الحاق کمیٹی کی طرف سے پوسٹ آر این پروگرام سے انکار کے حکم سے ناراض محسوس کرتے ہوئے، TLC انسٹی ٹیوٹ نے10فروری 2023 کو سنڈیکیٹ کمیٹی کے سامنے اپیل کو ترجیح دی۔ سنڈیکیٹ کمیٹی نے TLC انسٹی ٹیوٹ کے CEO/ڈائریکٹر کو ذاتی حیثیت میں سماعت کا مناسب موقع فراہم کرنے کے بعد، اپیل کو مسترد کر دیا اور 29مارچ 2023کو خط نمبر 285/AF کے ذریعے پوسٹ آر این پروگرام کا الحاق دینے سے انکار کر دیا۔مزید ناراضگی محسوس کرتے ہوئے TLC انسٹی ٹیوٹ نے 31مارچ 2023 کو سینیٹ کمیٹی کے سامنے اپیل کرنے کو ترجیح دی۔ سینیٹ کمیٹی نے TLC انسٹی ٹیوٹ کے ڈائریکٹر کو ذاتی حیثیت میں سماعت کا ایک منصفانہ موقع فراہم کرنے کے بعد، سینیٹ کمیٹی کی ذیلی کمیٹی کے ذریعے انسٹی ٹیوٹ میں بہتری کا مشاہدہ/جائزہ لینے کا فیصلہ کیا۔ TLC انسٹی ٹیوٹ نے سینیٹ کمیٹی کے فیصلے کی تعمیل کرنے اور اپنے بنیادی ڈھانچے کو اپ گریڈ کرنے کے بجائے، اپنی اپیل نمبر TLC/SC-11-04-2022 مورخہ 12اپریل 2023 کے ذریعے واپس لے لی اور الحاق کے کیس کی پیروی میں مزید دلچسپی نہیں دکھائی
