اسٹیٹ بینک آف پاکستان نے فنانشل لٹریسی ڈویژن کے تحت انسٹی ٹیوٹ آف بزنس مینجمنٹ ایڈمنسٹریٹو سائنسز اینڈ کامرس اسلامیہ یونیورسٹی آف بہاولپور میں ینگ اسلامک بینکنگ پروفیشنل کے لیے آگاہی سیشن کا انعقاد کیا۔ ینگ اسلامک بینکنگ پروفیشنل اسٹیٹ بینک آف پاکستان کا ایک اقدام ہے جو طلباء میں اسلامی بینکاری کے بارے میں بیداری پیدا کرنے اور انہیں انٹرنشپ اور سرٹیفیکیشن کے متعلقہ صلاحیتوں میں اضافے کے مواقع فراہم کرنے پر توجہ مرکوز کرتا ہے۔ انسٹی ٹیوٹ آف بزنس مینجمنٹ اینڈ ایڈمنسٹریٹو سائنسز اور شعبہ کامرس کے طلباء اور فیکلٹی کے لیے دو الگ الگ سیشنز کا انعقاد کیا گیا۔ اسٹیٹ بینک آف پاکستان کے ڈپٹی سینئر چیف منیجر محمد اکبر نے دونوں سیشنز کی صدارت کی، اس موقع پر اسسٹنٹ چیف منیجر اسٹیٹ بینک آف پاکستان بہاولپور مجیب الرحمان بھی موجود تھے۔ سیشنز میں انسٹی ٹیوٹ آف بزنس مینجمنٹ ایڈمنسٹریٹو سائنسز اینڈ کامرس کے طلباء کے ساتھ ساتھ فیکلٹی ممبران نے بھی شرکت کی۔ مہمان مقرر میزان بینک بہاولپور سے بینکر اور شریعہ اسکالر محمد عمیر تھے۔ اجلاس میں میزان بینک بہاولپور ڈویژن کے ریجنل منیجر اور برانچ منیجرز نے بھی شرکت کی۔
