ہائر ایجوکیشن کمیشن نے اسلامیہ یونیورسٹی بہاول پور کو 4پی ایچ ڈی اور 3ایم فل پروگرام شروع کرنے کی اجازت دے دی۔

ہائر ایجوکیشن کمیشن نے اسلامیہ یونیورسٹی بہاول پور کو 4پی ایچ ڈی اور 3ایم فل پروگرام شروع کرنے کی اجازت دے دی۔ ڈائریکٹر ایڈوانس اسٹڈیز اینڈ ریسرچ بورڈ پروفیسر ڈاکٹر آصف نوید رانجھا نے کہا کہ ہائرایجوکیشن کمیشن نے جن پروگراموں کے اجازت نامے جاری کیے ہیں ان میں اسلامیہ یونیورسٹی بہاول پور میں پی ایچ ڈی جغرافیہ، پی ایچ ڈی ایجوکیشن لیڈر شپ اینڈ مینجمنٹ، پی ایچ ڈی آرٹیفیشل انٹیلیجنس اور پی ایچ ڈی اینیمل بریڈینگ اینڈ جنیٹکس شامل ہیں۔ اسی طرح اسلامیہ یونیورسٹی بہاول پور میں ایم ایس سی آنرزایگریکلچرہارٹیکلچر اور بہاولنگر کیمپس میں ایم فل باٹنی اور ایم فل کیمپوٹر سائنس کے آغاز کی اجازت دے دی ہے۔ وائس چانسلر اسلامیہ یونیورسٹی بہاول پور پروفیسر ڈاکٹر نوید اختر نے ان پروگراموں کی اجازت دینے پر ہائر ایجوکیشن کمیشن کا شکریہ ادا کیا اور ڈائریکٹر ایڈوانس اسٹڈیز اینڈ ریسرچ بورڈ پروفیسر ڈاکٹر آصف نوید رانجھا کی کاوشوں کو سراہا۔ اس موقع پر وائس چانسلر نے ڈینز، پروفیسر ڈاکٹر سعید احمد بزدار، پروفیسر ڈاکٹر ارشاد حسین، پروفیسر ڈاکٹر دوست محمد خان، پروفیسر ڈاکٹر محمدخالد منصور، پروفیسر ڈاکٹر تنویر حسین ترابی اور ڈائریکٹر کیمپس بہاولنگر ڈاکٹر رفاقت علی اور تدریس شعبہ جات کے سربراہان پروفیسر ڈاکٹر شیر محمد ملک، ڈاکٹر عابد حسین شہزاد، پروفیسر ڈاکٹر محمد نفیس، ڈاکٹر ویژا شفیق، پروفیسر ڈاکٹر مسرت عباس خان کو مبارکباد دی ہے۔