انجینئر پروفیسر ڈاکٹر اطہر محبوب وائس چانسلراسلامیہ یونیورسٹی بہاول پور نے کمال سنگو کونسل جنرل جمہوریہ ترکیہ کراچی سے ملاقات کی۔ اس موقع پر اسلامیہ یونیورسٹی بہاولپور اور ترکیہ کے اعلیٰ تعلیمی اداروں کے درمیان تعلیمی تعاون سے متعلق امور پر تبادلہ خیال کیا گیا۔ اسلامیہ یونیورسٹی بہاول پور پہلے ہی ترکیہ کی مختلف جامعات کے ساتھ مشترکہ تعلیمی اور تحقیقی کوششوں، فیکلٹی اور طلباء کے تبادلے کے پروگراموں کے لیے مفاہمتی یاداشتوں کے ذریعے مصروف عمل ہے۔ دونوں جانب سے اس بات پر اتفاق رائے پایاگیا کہ پہلے سے موجودتعلیمی و ثقافتی تعلقات کو مزید مضبوط کیا جائے گا اور تعاون کی نئی راہیں تلاش کی جائیں گی۔
………2 ……..
وائس چانسلر اسلامیہ یونیورسٹی بہاول پور انجینئرپروفیسر ڈاکٹر اطہر محبوب نے کہا ہے کہ جامعہ اسلامیہ اعلیٰ درجے کی تحقیق کے ذریعے ملک کی مجموعی سماجی اور معاشی ترقی میں اہم کر دار ادا کر رہی ہے۔ اس مقصد کے لیے قومی اور عالمی اداروں سے بھی تعاون اور روابط کو فروغ دیا جا رہا ہے۔ وائس چانسلر نے ان خیالات کا اظہار بارانی اور صحرائی علاقوں کو مصنوعی بارشوں سے سیراب کرنے والے آسٹریلوی وفد سے گفتگو کرتے ہوئے کیا۔ یہ ادارہ یونیورسٹی آف ویلونگونگ آسٹریلیا سے وابستہ ہے اور حکومت پاکستان سے مخصوص علاقوں میں بارشوں میں اضافے کے لیے تعاون کررہا ہے۔ وفد کے سربراہ میٹ ہینڈبری آسٹریلوی رین ٹیکنالوجی نے بارشوں میں اضافے کے طریقہ ء کار اور ماڈلز سے متعلق تفصیلی بریفنگ دی۔ اس موقع پر اسلامیہ یونیورسٹی بہاول پور کے سائنسدان ڈاکٹر حیدربن خالد نے چولستان میں بارشوں سے متعلق بریفنگ دی۔ اس موقع پر پروفیسر ڈاکٹر محمد اقبال بندیشہ ڈائریکٹر نیشنل کاٹن بریڈنگ انسٹی ٹیوٹ، ڈاکٹر عبداللہ ڈائریکٹر چولستان انسٹی ٹیوٹ آف ڈیزٹ سٹڈیز، شہزاد احمد خالدڈائریکٹر پریس میڈیا اینڈ پبلیکیشنز اور دیگر فیکلٹی ممبران موجود تھے۔ وفد کے ارکان نے نیشنل کاٹن بریڈنگ انسٹی ٹیوٹ اور نیشنل سنٹر فار انٹرکراپنگ ٹیکنالوجی، سولر پارک، ہاکڑہ آرٹ گیلری کا بھی دورہ کیا اور اسلامیہ یونیورسٹی بہاول پور میں جاری تحقیقی اور تدریسی سرگرمیوں کو سراہا۔
