ڈائریکٹر ایڈوانسڈ سٹڈیز اینڈ ریسرچ پروفیسر ڈاکٹر آصف نوید رانجھا نے کہاہے کہ اسلامیہ یونیورسٹی بہاول نے وائس چانسلر انجینئر پروفیسر ڈاکٹر اطہر محبوب کے وژن کے مطابق پوسٹ گریجویٹ سطح پر تدریس و تحقیق کیلئے عالمی معیار حاصل کر لیا ہے۔ اسلامیہ یونیورسٹی بہاول پور ایم فل اور پی ایچ ڈی داخلوں کے حوالے سے ملک بھر میں مقبولیت حاصل کر لی ہے۔ اسوقت ایم فل اور پی ایچ ڈی کے 149 پروگراموں میں داخلے جاری ہیں۔ ہائر ایجوکیشن کمیشن نے یونیورسٹی میں اعلیٰ معیار تعلیم اور تحقیق کو مدنظر رکھتے ہوئے 69 نئے پروگرام شروع کرنے کی اجازت دے دی۔اسلامیہ یونیورسٹی بہاول پور کو ہائر ایجوکیشن کمیشن کی جانب سے مزید شعبہ جات کو این او سی جاری کر دئیے گئے ہیں۔ ہائر ایجوکیشن کمیشن نے اسلامیہ یونیورسٹی بہاول پور کے پی ایچ ڈی پروگراموں فوڈ سائنسز اینڈ ٹیکنالوجی، لیڈرشپ اینڈ مینجمنٹ،پیتھومیڈیسن اور ایم ایس اور ایم فل کے لئے شعبہ اسلامک سٹڈیز ود سپیشلائزیشن اِن ورلڈ ریلجنز اینڈ انٹرفیتھ ہارمنی، اسلامک سٹڈیز ود سپیشلائزیشن اِن فقہ اینڈ شریعہ، انگلش لینگوئج ٹیچنگ، انفارمیشن ٹیکنالوجی پراجیکٹ مینجمنٹ، ڈیٹا سائنس اور بینکنگ اینڈ فنانس کے پروگراموں میں این او سی جاری کیے ہیں۔یہ بات قابلِ ذکر ہے کہ اسلامیہ یونیورسٹی بہاول پور نے گزشتہ تین برسوں میں اب تک ایم فل/ایم ایس اور پی ایچ ڈی پروگرامز کی منظوری کے لیے ہائرایجوکیشن کمیشن سے69 این او سیز حاصل کیے ہیں۔ انجینئر پروفیسر ڈاکٹر اطہر محبوب وائس چانسلر اسلامیہ یونیورسٹی بہاول پور نے پروفیسر ڈاکٹر آصف نوید رانجھا، ڈائریکٹر، ایڈوانسڈ اسٹڈیز اینڈ ریسرچ بورڈ، ڈینز اور شعبہ جات کے سربراہان کو مبارکباد دی ہے۔
