نیشنل یونیورسٹی آف سائنسز اینڈ ٹیکنالوجی (NUST) نے اسکول آف سول اینڈ انوائرنمنٹل انجینئرنگ (SCEE) – نیشنل انسٹیٹیوٹ آف انفراسٹرکچر انجینئرنگ (NICE) کے پی ایچ ڈی طالب علم جُنید شاہ خان کو اسٹوڈنٹ ایوارڈ 2024 اورنیشنل یونیورسٹی آف سائنسز اینڈ ٹیکنالوجی (NUST) نے اسکول آف ہیلتھ سائنسز کے فیکلٹی ممبر پروفیسر ڈاکٹر یاسر وحید کو Distinguished Scientists کیٹیگری کے تحت OBADA پرائز جیتنے پر دلی مبارکباد پیش کی ہے۔
جُنید شاہ خان کی تحقیق میں مقامی طور پر تیار کردہ انٹرلاکنگ کمپریسڈ ارتھ بلاک (ICEB) میسنری سسٹمز کی زیادہ سے زیادہ متوقع زلزلہ (Maximum Considered Earthquake – MCE) کی شدت کے تحت حفاظت اور مضبوطی کی توثیق کی گئی ہے۔ یہ تحقیق زلزلہ زدہ علاقوں میں کم لاگت، ماحول دوست اور پائیدار رہائشی حل فراہم کرنے کی جانب ایک اہم پیش رفت قرار دی جا رہی ہے۔
پروفیسر یاسر وحید کو مسلسل چھ برس (2020 تا 2025) دنیا کے ٹاپ 2 فیصد سب سے زیادہ حوالہ دیے جانے والے اسکول آف ہیلتھ سائنسز کے فیکلٹی ممبر محققین میں شامل رہنے کا اعزاز حاصل ہے۔ ان کے نام 275 بین الاقوامی تحقیقی اشاعتیں ہیں، جنہیں اب تک 113,000 سے زائد حوالہ جات (Citations) مل چکے ہیں، جو ان کی عالمی سطح پر علمی اثرپذیری کا واضح ثبوت ہیں۔وہ پاکستان اکیڈمی آف سائنسز کے رکن ہیں اور مصطفیٰ سائنس اینڈ ٹیکنالوجی فاؤنڈیشن کے ایڈوائزری بورڈ میں بھی خدمات انجام دے رہے ہیں۔ اس کے علاوہ وہ دنیا کے مختلف ممالک میں ایڈجنکٹ پروفیسر کی حیثیت سے بھی وابستہ ہیں۔
