اسلامیہ یونیورسٹی بہاولپور میں ویمن ڈویلپمنٹ ڈیپارٹمنٹ کے تعاون سے یوتھ ایمبیسیڈر اور یوتھ انٹرپرینیورئل پچ کمپیٹیشن اقدامات کے ذریعے سکل ڈویلپمنٹ کے بارے میں آگاہی سیشن کا انعقاد

اسلامیہ یونیورسٹی بہاولپور میں ویمن ڈویلپمنٹ ڈیپارٹمنٹ کے تعاون سے گزشتہ دنوں حکومت پنجاب کے یوتھ ایمبیسیڈر اور یوتھ انٹرپرینیورئل پچ کمپیٹیشن اقدامات کے ذریعے سکل ڈویلپمنٹ کے بارے میں آگاہی سیشن کا انعقاد کیا گیا۔ پروفیسر ڈاکٹر محمد کامران وائس چانسلر نے اجلاس کی صدارت کی اور  اپنے خطاب میں ویمن ڈویلپمنٹ ڈیپارٹمنٹ حکومت پنجاب کے اقدامات کو سراہا۔  انہوں نے ایک کامیاب آگاہی سیشن کے انعقاد پر پروفیسر ڈاکٹر روبینہ بھٹی ڈین فیکلٹی آف سوشل سائنسز کی چیئرپرسن فاطمہ جناح ویمن لیڈرشپ سنٹر اور ویمن ڈویلپمنٹ سنٹر و آئی یو بی سکول آف سٹیٹ سائنسز کی ڈائریکٹر ڈاکٹر سرفراز بتول کی کاوشوں کو بھی سراہا۔  سیشن کا مقصد خواتین فیکلٹی اور طالبات کو یوتھ ایمبیسیڈر پروگرام اور یوتھ انٹرپرینیورئل پچ کمپیٹیشن کے اقدامات کے ذریعے ہنر مندی کے فروغ کے بارے میں آگاہ کرنا تھا۔ اس تقریب میں مختلف فیکلٹیز سے طالبات کی بڑی تعداد اپنی سینئر خواتین اساتذہ اور خواتین انچارج سٹوڈنٹس افیئرز کے ساتھ موجود تھیں۔ پروفیسر ڈاکٹر نسرین اختر ڈین فیکلٹی آف آن لائن اینڈ ڈسٹنس ایجوکیشن پروفیسر ڈاکٹر اریبہ خان ڈائریکٹر فنانشل اسسٹنس پروفیسر ڈاکٹر ثمر فہد ڈاکٹر عالیہ نذیر ڈاکٹر عائشہ شوکت ڈاکٹر فرحین  مکشوف ڈاکٹر نووین سہیل ڈاکٹر بشری ثمرین ڈاکٹر بشریٰ صادق ڈاکٹر شبانہ نذر ڈاکٹر مریم عباس سہروردی اور  فاطمہ مظاہر موجود تھیں۔