پنجاب یونیورسٹی ناٹک پرفارمنگ آرٹس سوسائٹی، کالج آف آرٹ اینڈ ڈیزائن کے طلبہ پر مشتمل گروپ نے ’تمہیں مجھ سے محبت ہے‘کے عنوان سے تھیٹر پلے پیش کیا

:پنجاب یونیورسٹی ناٹک پرفارمنگ آرٹس سوسائٹی، کالج آف آرٹ اینڈ ڈیزائن کے طلبہ پر مشتمل گروپ نے ’تمہیں مجھ سے محبت ہے‘کے عنوان سے تھیٹر پلے پیش کیاجسے پروفیسر ڈاکٹر احمد بلال نے تحریر کیا۔پلے کا عنوان عظیم شاعر امجد اسلام امجد کی معروف نظم سے ماخوذ ہے اور اُن کی شاعری کو خراجِ تحسین پیش کرتا ہے۔پلے کی کہانی تین نوجوانوں کے گرد گھومتی ہے جن کے محبت اور شاعری کے بارے میں مختلف نظریات ہیں۔ اُن کے خیالات اور عمل میں تضاد کے باعث کہانی ایک خوبصورت اور دلچسپ کامیڈی کی صورت اختیار کر لیتی ہے، جو ناظرین کو کلاسک پی ٹی وی کے سنہری دور کی یاد دلاتی ہے۔اس موقع پر وائس چانسلر پنجاب یونیورسٹی پروفیسر ڈاکٹر محمد علی مہمانِ خصوصی تھے جبکہ ڈین فیکلٹی آف آرٹس اینڈ ہیومینیٹیز پروفیسر ڈاکٹر محبوب حسین، ڈین فیکلٹی آف جیو سائنسز پروفیسر ڈاکٹر ساجد رشید، پروفیسر اسرار چشتی اور پروفیسرشاہنواززیدی نے بھی تقریب میں شرکت کی۔ وائس چانسلر پروفیسر ڈاکٹر محمد علی نے طلبہ کی کارکردگی کو سراہتے ہوئے کہا کہ پرفارمنگ آرٹس اور نصابی سرگرمیوں کے ساتھ ساتھ غیر نصابی سرگرمیوں میں حصہ لینا طلبہ میں تخلیقی صلاحیتوں اور خوداعتمادی کو فروغ دیتا ہے۔ تقریب میں بڑی تعداد میں ناظرین نے شرکت کی اورناٹک سوسائٹی کی پیش کردہ مزاحیہ پرفارمنس کو خوب سراہا۔

 پنجاب یونیورسٹی آفس آف ریسرچ، انوویشن اینڈ کمرشلائزیشن (اورک) کے زیراہتمام تحقیقی منصوبوں کے جائزے سے متعلق کمیٹی کا اجلاس

پنجاب یونیورسٹی آفس آف ریسرچ، انوویشن اینڈ کمرشلائزیشن (اورک) کے زیراہتمام تحقیقی منصوبوں کے جائزے سے متعلق کمیٹی کا اجلاس پرووائس چانسلر آفس کے کمیٹی روم میں منعقد ہوا جس میں ریسرچ گرانٹس کی ازسرِنو منظوری کے کیسز، جنرل ریسرچ گرانٹس اور ٹیکنالوجی ڈویلپمنٹ گرانٹس کے لیے موجودہ مالی سال 2025-2026 کے ٹرمز آف ریفرنس مرتب کرنے پر غور کیا گیا۔اجلاس میں پرو وائس چانسلر پروفیسر ڈاکٹر خالد محمود، ڈائریکٹراورک انجینئر پروفیسر ڈاکٹرعقیل انعام، ڈینز، چیئرپرسن ڈی پی سی سی پروفیسر ڈاکٹر انجم نسیم صبری، خزانہ دار تسنیم کامران و دیگرنے شرکت کی۔ اس موقع پر ڈائریکٹر اورک ڈاکٹرعقیل انعام نے سینئر فیکلٹی ممبران اور انتظامی افسران کو خوش آمدید کرتے ہوئے وائس چانسلر پنجاب یونیورسٹی پروفیسر ڈاکٹر محمد علی کے ویژن کو مدنظر رکھتے ہوئے اجلاس کے ایجنڈے پر روشنی ڈالی۔تفصیلی غور و خوض کے بعد اجلاس کے اختتام پر ڈائریکٹر اورک نے شرکاء کا شکریہ ادا کیا۔