پنجاب میں سائنس تعلیم کے معیار کو بہتر اور لیبارٹریوں کی مکمل فعالیت کو یقینی بنانے کے لیے اجلاس

لاہور (ایجوکیشن رپورٹر) محکمہ سکول ایجوکیشن کے سیکرٹری اور پی سی ٹی اے اے کے سی ای او خالد نذیر وٹو کی زیر صدارت ایک اہم اجلاس منعقد ہوا، جس میں پنجاب کی ضلعی تعلیمی اتھارٹیز (DEAs) کو اسکولوں کی باقاعدہ نگرانی یقینی بنانے کی ہدایت کی گئی۔اجلاس کا بنیادی مقصد اسکولوں کی لیبارٹریوں کی مکمل فعالیت کو یقینی بنانا اور سائنسی مضامین میں عملی سرگرمیوں کو روزمرہ تدریسی عمل کا حصہ بنانا تھا۔اجلاس میں اس بات پر زور دیا گیا کہ مانیٹرنگ وسائل کے مؤثر استعمال، جوابدہی کے نظام کو مضبوط بنانے، اور سائنسی تعلیم کے معیار کو بہتر بنانے کے لیے عملی اقدامات کیے جائیں تاکہ طلبہ کو نظری اور عملی دونوں پہلوؤں پر معیاری سیکھنے کے مواقع فراہم کیے جا سکیں۔