ہار ایجوکیشن کمیشن (ایچ ای سی) نے سییرت سینٹر لاہور میں “پرامن بقائے باہمی، قومی ہم آہنگی، یکجہتی، سماجی تعمیرِ نو ائور مہذب قومی تعمیر میں ایچ ای سی کے قومی سییرت چیئرز کا کردار” کے موضوع پر ایک اہم سیمینار کا انعقاد کیا۔ اس سیمینار کا انعقاد وزارتِ منصوبہ بندی، ترقی و خصوصی اقدامات کے اشتراک سے کیا گیا جس میں ملک بھر سے 100 سے زائد ماہرینِ تعلیم اور اسکالرز نے شرکت کی۔
تقریب کے مہمانِ خصوصی وفاقی وزیر پروفیسر احسن اقبال تھے جبکہ ممتاز پینل میں وائس چانسلر یونیورسٹی آف نارووال ڈاکٹر محمد ضیاء الحق، کنگ خالد یونیورسٹی سعودی عرب کے ڈاکٹر علی بن خزرن بن محمد العمری، بین الاقوامی اسلامی یونیورسٹی اسلام آباد کے صدر ڈاکٹر احمد سعد الاحمد، اسلامی تحقیقی ادارہ کے ڈائریکٹر جنرل ڈاکٹر محمد اکرم اور جامعہ محمدی شریف کے صدر صاحبزادہ محمد قمر الحق شامل تھے۔
سیمینار میں شرکاء کو چھ موضوعاتی گروپس میں تقسیم کیا گیا جن میں قیادت و طرزِ حکمرانی، انسانی حقوق و سماجی انصاف، تجارت و جائیداد کے حقوق، تعلیم و علم، خواتین کے حقوق و سماجی بہبود، اور عالمی امن، بین المذاہب ہم آہنگی اور پائیدار ترقی شامل تھے، جن پر سیرتِ طیبہ کی روشنی میں تفصیلی مباحثے کیے گئے۔
کلیدی خطاب میں پروفیسر احسن اقبال نے کہا کہ ہر سییرت چیئر کے تحت لیڈرشپ کیمپسز، تحقیقی پروگرامز اور طلبہ فورمز قائم کیے جائیں گے تاکہ علمی سرگرمیوں کو ادارہ جاتی شکل دی جا سکے۔ انہوں نے زور دیا کہ سییرت چیئرز پر جامعات پر یہ بڑی ذمہ داری عائد ہوتی ہے کہ وہ سیرتِ نبوی ﷺ کی تعلیمات کو عصرِ حاضر کے عالمی چیلنجز جیسے بین المذاہب ہم آہنگی، سماجی انصاف اور پائیدار ترقی سے جوڑیں۔
ایچ ای سی کی جانب سے ڈپٹی ڈائریکٹر سییرت سینٹر لاہور ڈاکٹر محمد عرفان شیراز نے معزز مہمانوں اور شرکاء کا شکریہ ادا کیا اور سیمینار میں ان کی قیمتی تجاویز اور علمی تعاون کو سراہا۔
