39
فرسٹ ایچ ای ڈی ٹیچرز سپورٹس ایونٹ کا فائنل رائونڈ 19 فروری سے لاہور میں شروع ہوگا جس کے لیے راولپنڈی ڈویژن کے اساتذہ کی 25 رکنی ٹیم کو ڈائریکٹر کالجز پروفیسر شیر احمد ستی اور ڈپٹی ڈائریکٹر امجد اقبال خٹک نے رخصت کیا۔ترجمان کے مطابق راولپنڈی ڈویژن کے کالج اساتذہ پانچ کھیلوں ٹیبل ٹینس، بیڈمنٹن، کرکٹ، شطرنج اور رسہ کشی میں حصہ لیں گی۔
راولپنڈی ڈویژن کے اساتذہ کی ٹیم کی قیادت فوکل پرسن سپورٹس پروفیسر ثوبیہ سلطانہ، اسسٹنٹ ڈائریکٹر سپورٹس سماویہ اختر، گورنمنٹ کالج برائے خواتین کہوٹہ کی پرنسپل پروفیسر رضوانہ کر رہی ہیں۔ ٹیم کو رخصت کرتے ہوئے ڈائریکٹر کالجز پروفیسر شیر احمد ستی نے نیک تمنائوں کا اظہار کیا اور توقع ظاہر کی کہ راولپنڈی ڈویژن کے کالج اساتذہ اپنے ڈویژن کے لیے گولڈ میڈل لے کر آئیں گے۔ انہوں نے ٹیم کے حوصلوں کو بلند کیا۔
– Advertisement
