انسٹی ٹیوٹ آف ایگرو انڈسٹری اینڈ انوائرمنٹ، اسلامیہ یونیورسٹی آف بہاولپور نے اپنے نئے شروع کیے گئے بی ایس آرٹیفیشل انٹیلی جنس اینڈ کلائمیٹ چینج ڈگری پروگرام کے افتتاحی سیشن کے طلبا وطالبات ک کے لیے ایک اورینٹیشن تقریب کا اہتمام کیا۔ تقریب کے مہمان خصوصی وائس چانسلر پروفیسر ڈاکٹر محمد کامران تھے، جن کے متاثر کن خطاب اور طلباء کے ساتھ بات چیت ان مستقبل کے تعلیمی شعبوں کے لیے ایک اہم آغاز ہے۔ اپنے خطاب میں پروفیسر ڈاکٹر محمد کامران نے طلباء کو اس پروگرام میں شامل ہونے پر مبارکباد دی۔ انہوں نے اس مستقبل پر مبنی پروگرام کو شروع کرنے پر پروفیسر ڈاکٹر غلام حسن عباسی، ڈائریکٹر انسٹی ٹیوٹ آف ایگرو انڈسٹری اینڈ انوائرمنٹ، اسلامیہ یونیورسٹی آف بہاولپور کی کوششوں کو سراہا۔ انہوں نے اس بات پر زور دیا کہ مصنوعی ذہانت اور موسمیاتی تبدیلی نہ صرف دور حاضر کے چیلنجز کی وضاحت کر رہے ہیں بلکہ پائیدار ترقی، ماحولیاتی لچک اور تکنیکی ترقی کے لیے اختراعی حل بھی پیش کر رہے ہیں۔ وائس چانسلر نے یونیورسٹی کی درس و تدریس کے عزم کو اجاگر کرتے ہوئے کہا کہ یہ پروگرام طلباء کو نظریاتی علم اور عملی مہارت دونوں سے آراستہ کرنے کے لیے ڈیزائن کیا گیا ہے۔ اورینٹیشن تقریب میں ڈین، فیکلٹی آف ایگریکلچر اینڈ انوائرمنٹ پروفیسر ڈاکٹر تنویر حسین اور دیگر فیکلٹی ممبران نے شرکت کی۔ فیکلٹی ممبران اور طلباء نے وائس چانسلر کے مسلسل تعاون اور دور اندیش قیادت پر ان کا شکریہ ادا کیا۔
مصنوعی ذہانت اور موسمیاتی تبدیلی نہ صرف دور حاضر کے چیلنجز کی وضاحت کر رہے ہیں بلکہ پائیدار ترقی، ماحولیاتی لچک اور تکنیکی ترقی کے لیے اختراعی حل بھی پیش کر رہے ہیں…….وائس چانسلراسلامیہ یونیورسٹی آف بہاولپور, پروفیسر ڈاکٹر محمد کامران
30
