غازی یونیورسٹی ڈیرہ غازی خان میں کوالٹی انہانسمنٹ سیل کے زیر اہتمام پی آر ای ای معیارات کے مطابق جانچ رپورٹس کی تیاری‘‘ کے عنوان سے ایک تربیتی نشست کا اہتمام کیا گیا

غازی یونیورسٹی ڈیرہ غازی خان میں وائس چانسلر پروفیسر ڈاکٹر اشفاق احمد کی زیر سرپرستی کوالٹی انہانسمنٹ سیل کے زیر اہتمام پی آر ای ای معیارات کے مطابق جانچ رپورٹس کی تیاری‘‘ کے عنوان سے یونیورسٹی کے سیمینار ہال میں ایک تربیتی نشست کا اہتمام کیا گیا۔
ڈائریکٹر کوالٹی انہانسمنٹ سیل ڈاکٹر عنصر علی نے ورکشاپ کے اغراض و مقاصد سے آگاہ کیا اور بنیادی نکات اور جانچ رپورٹس کی تیاری پر گفتگو کی ۔ ڈائریکٹر کوالٹی انہانسمنٹ سیل ایگریکلچر یونیورسٹی ملتان پروفیسر ڈاکٹر حماد ندیم نے شرکا کو دستاویزی عمل کو مضبوط بنانے، جانچ کے تقاضوں کو بہتر کرنے اور قومی معیار پر پورا اترنے کے طریقہ کار سے تفصیلاً آگاہ کیا۔ تربیت میں غازی یونیورسٹی اور اس سے ملحقہ کالجوں کی پروگرام ٹیموں نے شرکت کی اور تعلیمی معیار بہتر بنانے، متعلقہ فریقوں کی شمولیت بڑھانے اور مسلسل بہتری کے نظام کو مضبوط کرنے کے امور پر گفتگو کی۔
اس ورکشاپ کے انعقاد میں ڈاکٹر صوفیہ خاکوانی ، ڈاکٹر محمد فاروق اور محمد ناصر نعیم نے اہم کردار ادا کیا۔ شرکا نے اس مفید اور جامع تربیت کے اہتمام پر محکمہ معیار افزائی کا شکریہ ادا کیا، جس کا مقصد ادارے میں تعلیمی معیار کو مزید بہتر بنانا تھا۔
تقریب کے اختتام پر تمام شعبہ جات نے جانچ رپورٹس کی بہتر تیاری اور معیار کے تقاضوں سے ہم آہنگ رہنے کے عزم کا اظہار کیا۔