شہید بے نظیر بھٹو یونیورسٹی (ایس بی بی یو) شرینگل نے ایچ ای سی کے نیشنل اکیڈمی آف ہائر ایجوکیشن ( کے تعاون سے ایچ ای سی کے نیشنل آؤٹ ریچ پروگرام کے تحت چار ہفتوں پر مشتمل فیکلٹی ٹریننگ پروگرام کامیابی کے ساتھ مکمل کیا۔
اختتامی تقریب میں ڈاکٹر محمد شہاب، وائس چانسلر ایس بی بی یو، مسٹر محمود خان، رجسٹرار ایس بی بی یو، ڈاکٹر عبید اللہ انور، ڈپٹی ڈائریکٹر کوالٹی ایشورنس ڈویژن ایچ ای سی، سینئر فیکلٹی اور انتظامی عملے کے ساتھ شریک ہوئے۔
یہ پروگرام، جو نیشنل اکیڈمی آف ہائر ایجوکیشن کےماہرین نے پیش کیا، مختلف موضوعات پر مشتمل تھا جن کا مقصد فیکلٹی کی پیشہ ورانہ صلاحیتوں کو بہتر بنانا تھا۔ موضوعات میں جدید تدریسی طریقہ کار، تحقیقی طریقہ کار، نصاب کی تیاری، اور مؤثر تشخیصی حکمت عملی شامل تھیں، جوشہید بے نظیر بھٹو یونیورسٹی میں تدریس و تعلیم کے ماحول کو مزید متحرک بنانے کے لیے ڈیزائن کی گئی تھیں۔
اپنے کلیدی خطاب میں، ڈاکٹر شہاب نے ناحے اور ایچ ای سی کا تکنیکی اور مالی تعاون پر شکریہ ادا کیا اور شرکاء کی ان کی ہمت کو سراہا کہ انہوں نے سخت موسمی حالات کے باوجود پروگرام مکمل کیا۔
ڈاکٹر عبید اللہ انور نے اس تربیت کو ایچ ای سی کی پالیسیوں، جیسے گریجویٹ ایجوکیشن پالیسی اور ڈسٹنس لرننگ پالیسی، کے ساتھ ہم آہنگ قرار دیتے ہوئے فیکلٹی کے جذبے کو سراہا جو اس مشکل پروگرام کے دوران ظاہر ہوا۔
