شعبہ انگلش لینگوئسٹکس اسلامیہ یونیورسٹی بہاول پور کے زیر اہتمام عالمی انگریزی زبان اور مقامی ثقافت کی مطابقت کے موضوع پر دو روزہ بین الاقوامی کانفرنس اختتام پذیر ہو گئی۔ دوروزہ کانفرنس میں ترکیہ ،عمان اور پاکستانی جامعات سے مندوبین شریک ہوئے۔اختتامی سیشن میں رجسٹرار محمد شجیع الرحمن، ریزیڈنٹ آڈیٹرشہزاد اختر مہمانان اعزاز تھے۔ چیئرمین شعبہ ڈاکٹر ریاض حسین نے کہا ہے کہ دو روزہ بین الاقوامی کانفرنس میں 28 مقالہ جات پیش کیے گئے۔ انگریزی زبان کے طلباو طالبات کو لسانیات کی مختلف جہتوں ، ثقافتی ہم آہنگی ، لسانیات کی عالمی اور مقامی مطابقت جاننے اور موازنہ کرنے کا موقع ملا۔انہوں نے کانفرنس کے انعقاد میں تعاون اور سرپرستی پر وائس چانسلر پروفیسر ڈاکٹر محمد کامران اور ڈین فیکلٹی آف آرٹس اینڈ لینگویجز پروفیسر ڈاکٹر سید عامر سہیل کا شکریہ ادا کیا۔ اس موقع پرچیئرمین شعبہ سوشل ورک پروفیسر ڈاکٹر محمد آصف نوید رانجھا، ایڈیشنل رجسٹرار عارف رموز اور طلباو طالبات نے شرکت کی۔
