گورنمنٹ کالج یونیورسٹی لاہور میں تین روزہ 29ویں پارلیمانی مباحثہ کا انعقاد، ملک بھر کے 60 سے زائد تعلیمی اداروں سے 350 سے زیادہ مقررین نے شرکت کی۔اختتامی تقریب سے خطاب کرتے ہوئے وائس چانسلر پروفیسر ڈاکٹر محمد عمر چوہدری نے تمام شرکاء کو مبارکباد دی اور تنقیدی سوچ و مکالمے کی اہمیت پر زور دیا۔انگریزی مباحثوں میں سٹی سکول کیپیٹل اسلام آباد نے پروفیسر ڈاکٹر خالد آفتاب ٹیم ٹرافی جیتی، جبکہ اردو مباحثوں میں پروفیسر ڈاکٹر حسن امیر شاہ ٹیم ٹرافی کنگ ایڈورڈ میڈیکل یونیورسٹی کے نام رہی۔ انڈر 19 کیٹیگری میں انگریزی ٹیم ٹرافی صادق پبلک اسکول بہاولپور اور اردو ٹیم ٹرافی پنجاب یونیورسٹی نے حاصل کی۔سٹی سکول اسلام آباد سے زویان فیصل انگریزی اوپن کیٹیگری میں بہترین مقرر قرار پائے، جبکہ انڈر 19 کیٹیگری میں علیزہ علی اور محمد عثمان فاروق نے مشترکہ طور پر بہترین مقرر کا اعزاز حاصل کیا۔ اردو اوپن کیٹیگری میں کنگ ایڈورڈ میڈیکل یونیورسٹی سے عبدالرحمٰن بسرا بہترین مقرر قرار پائے۔
