جامعہ سندھ سے ملحقہ نجی کالجز میں بی ایس آئی ٹی اور سافٹ ویئر انجنیئرنگ کے فارم و فیس جمع کرانے کی تاریخ میں توسیع\

جامعہ سندھ سے ملحقہ نجی کالجز میں بی ایس (آئی ٹی )اور بی ایس (سافٹ ویئر انجنیئرنگ )کے فارم و فیس جمع کرانے کی تاریخ میں توسیع کردی گئی۔ ناظم سمسٹر امتحانات جامعہ سندھ جامشورو محمد معشوق صدیقی نے اپنے جاری کردہ اعلامیہ میں مطلع کیا ہے کہ جامعہ سے ملحقہ نجی کالجز میں بی ایس (انفارمیشن ٹیکنالوجی ) اور چار سالہ بی ایس (سافٹ ویئر انجنیئرنگ)

حصہ اول، دوم، سوم و چہارم (ریگولر و فیلوور) کے دوسرے سمسٹر کے امتحانات جلد منعقد کیے جائیں گے۔ اعلامیہ میں کنٹرولر نے مزیدبتایا کہ مذکورہ ڈگری پروگرامز کے امتحانی فارم بغیر لیٹ فیس کے جمع کرانے کی آخری تاریخ 25 فروری 2025ء مقرر کی گئی ہے، تاہم 26 سے 28 فروری 2025ء تک 5000 روپے لیٹ فیس کے ساتھ فارم جمع کرائے جا سکتے ہیں۔