بعض نجی تعلیمی اداروں کی جانب سے فیس کے ضوابط اور دیگر انتظامی امور کی خلاف ورزیوں سے متعلق موصول ہونے والی شکایات اور مشاہدات کی روشنی میں، تمام نجی سکولوں کے مالکان/پرنسپلز کو ہدایت کی جاتی ہے کہ وہ درج ذیل رہنما اصولوں پر سختی سے عملدرآمد کو یقینی بنائیں:
کوئی بھی سکول منظور شدہ فیس ڈھانچے سے زیادہ رقم وصول کرنے کا مجاز نہیں ہوگا (جیسے: ایکٹیویٹی چارجز، سیکیورٹی، متفرق فیس یا کسی بھی اور مد میں)۔سالانہ فیس میں اضافہ ہر سال زیادہ سے زیادہ 5 فیصد تک ہی کیا جا سکتا ہے۔کسی طالبعلم کو فیس کی عدم ادائیگی یا تاخیر کی بنیاد پر نہ تو سکول سے نکالا جا سکتا ہے، نہ معطل کیا جا سکتا ہے، اور نہ ہی کسی تعلیمی امتیاز کا نشانہ بنایا جا سکتا ہے۔سکول صرف ماہانہ بنیاد پر فیس وصول کریں گے، ایڈوانس فیس کی وصولی ممنوع ہے۔
سکولز کو محکمہ تعلیم کی جانب سے جاری کردہ تعلیمی کیلنڈر، اوقات کار، تعطیلات، اور موسم گرما/سرما کی چھٹیوں کے شیڈول کی مکمل پابندی کرنی ہوگی۔کوئی بھی سکول طلبہ سے سمر کیمپ کی فیس وصول نہیں کرے گا۔والدین کو کتابیں، یونیفارم یا اسٹیشنری کسی خاص دکان یا سپلائر سے خریدنے پر مجبور نہیں کیا جائے گا۔
تمام سکولوں کے لیے لازم ہے کہ وہ بچوں کے لیے دوستانہ، محفوظ اور شمولیتی ماحول فراہم کریں جو ہر قسم کے امتیاز یا ہراسانی سے پاک ہو۔لہٰذا، ہدایت کی جاتی ہے کہ مذکورہ بالا اصولوں پر سختی سے عملدرآمد کو یقینی بنایا جائے۔ کسی بھی قسم کی خلاف ورزی کی صورت میں کارروائی Punjab Private Educational Institutions (Promotion & Regulation) (Amendment) Act, 2016 کے تحت کی جائے گی۔
