ڈائریکٹوریٹ آف پبلک ریلیشنز اسلامیہ یونیورسٹی بہاول پور
بہاول پور (پ)اسلامیہ یونیورسٹی بہاولپور اور ریڈ پاکستان کے درمیان باہمی تعاون کے لیے مفاہمتی یادداشت پر دستخط ہوئے۔ معاہدے پر پروفیسر ڈاکٹر شازیہ انجم، ڈین فیکلٹی آف کیمیکل اینڈ بائیولوجیکل سائنسز، رجسٹرار محمد شجیع الرحمان، ریڈ پاکستان کی طرف سے سیدہ فاطمہ حسن گیلانی، سی ای او ریڈ پاکستان، صوفیہ شاہد، فوکل پرسن، اور سیدہ راویش زہرا نے دستخط کیے۔مفاہمتی یادداشت کے مطابق، دونوں اداروں نے تدریس و تحقیق میں ایک دوسرے کے ساتھ تعاون بڑھانے پر اتفاق کیا۔معاہدے کا مقصد خواندگی کو فروغ دینا اور طلباء میں کتاب پڑھنے کے لیے کوشش پیدا کرنا تھی۔ اس موقع پر پروفیسر ڈاکٹر روبینہ بھٹی ڈین فیکلٹی آف سوشل سائنسز، پروفیسر ڈاکٹر عامر سہیل ڈین فیکلٹی آف آرٹس اینڈ لینگویجز، ڈاکٹر آصف خان چیئرمین شعبہ انگریزی ادب، ڈاکٹر عابد شہزاد، ڈائریکٹر انٹرنیشنل لنکیجز، عبدالمعیدعابد ایڈیشنل ڈائریکٹر اورک، فاطمہ مظاہر ڈپٹی رجسٹرار پبلک افیئرز اور رانا مزمل فیاض لیکچرار شعبہ انگلش لٹریچر و فوکل پرسن موجود تھے۔
